Deuteronomio 33:26 - Chayahuita (Shahui)

²⁶ Israiroꞌsanpoáchin noya noya Yosë chinotërëhuaꞌ. Co aꞌna ina pochin nininhuëꞌ. Cahuarioquë yaꞌmitërëso pochin, chiníquën nanantaton chitoro aipi catahuainpoaso marëꞌ oꞌmarin.

Deuteronomio 33:26 ပူးပေါင်းရင်းမြစ်များ

Salmos 104:3

Marë aipi inápa pëꞌsatëꞌ pëi pochin yaꞌhuëcamaso marëꞌ acoran. Chitorontaꞌ, toronanën pochin quëparinquën. Ihuaontaꞌ, anpiantëhuan pochin nicaton, quëparinquën.

Éxodo 15:11

Co insonta Sinioro quëma pochin nininhuëꞌ. Quëmasáchin noya noyanquën. Chini chiníquën nanantëran. Anaꞌintacaso marëꞌ paꞌpi huëhuëpiro nininsopita maꞌsha aꞌnoran. Napoaton yaꞌipiya quëran chinochinën.

Éxodo 15:7

Inimicoroꞌsa chinitopirinënhuëꞌ, quëmariso nipincatatë pochin ataꞌhuantëran. Shinpitë ahuiquitërëso pochin noꞌhuitaton anaꞌintëran.

Éxodo 8:10

—¡Tashiraya chachin copichin tënahuë taꞌa! tënin copirno. —Naporanso chachin mini nisarin, tashiraya copi taꞌparinquëmaꞌ. Iꞌquëráchin yaꞌhuëhuachinaꞌ, co huachi apiponquëmahuëꞌ. Inapohuachin: “Tëhuënchachin israiroꞌsari chinotopisoꞌ, chini chiníquën nanantërin tosaran,” itërin Moisësëri.

Éxodo 8:6

Moisësëri shaꞌhuitohuachina, Aaronso yaꞌipi iiroꞌsa yaꞌhuërinquë huaranën ihuërin. Ina iiroꞌsa quëran huarira pipirahuatonaꞌ, yaꞌipi Iquipito roꞌtë yanquëëtërin.

Isaías 40:18

¡Co aꞌnaya tëranta Yosë pochin yaꞌhuërinhuëꞌ! ¡Co inso mamanshi tërantaꞌ, ina pochin yaꞌhuërinhuëꞌ! Mamanshisoꞌ, huaꞌna asoquirahuatona nipi. Nitapacaisoꞌ ninaꞌpiri oro quëran pashitërin. Inapotahuaton prata quëran catinaaꞌhuaroꞌsa apëꞌpëconotërin.

Isaías 40:25

Siniorosoꞌ noyasáchin nicaton naporin: “¿In pochinta niꞌnamaco? ¡Co ca pochin aꞌna yaꞌhuërinhuëꞌ!

Amós 8:7

Inaporamaso marëꞌ Sinioro tapon: “Caso Sinioroco niꞌto, israiroꞌsanquëma chinotopiramacohuëꞌ, co onporonta naporamaso naniantarahuëꞌ.

Habacuc 3:8

¡Iroꞌsa noꞌhuiton Sinioro, chiníquën nanantëranso aꞌnoran! ¡Marëroꞌsanta noꞌhuiton, chiníquën nanantëranso aꞌnoran! ¡Napoaton cahuarioquë yaꞌmitërëso pochin huëꞌnan! ¡Minsëchantërinso huaꞌan toronanënquë canquirinso pochin ninan!

Deuteronomio 10:14

Sinioronënpoasoꞌ Yosë niꞌton, yaꞌipi piꞌiroꞌtë huaꞌanëntërin. Yaꞌipi inaquë yaꞌhuërinsopitanta huaꞌanëntërin. Isoroꞌpanta nisahuaton, yaꞌipi yaꞌhuërinsopitarë chachin huaꞌanëntërin.

Deuteronomio 32:15

Noya nocomarinquëma niꞌton, israiroꞌsanquëma amonamaꞌ. (Maꞌsha amomiataton tomapiin tomapiin nininso pochin ninamaꞌ.) Napoaponahuëꞌ, cahuario yatoꞌtatërinso pochin, Yosë chachin acopirinquëmahuëꞌ, aꞌporamaꞌ. Noya paꞌpoyatënquëma nichaꞌëpirinquëmahuëꞌ, nocanamaꞌ.

Deuteronomio 33:5

Yaꞌipi Israiro huëntonoꞌsanpoa niyontonëhuaquë, pënëntërinso nanan quëtërinpoaꞌ. Huaꞌanënpoapitanta inaquë niꞌsoiꞌ, quëtërinpoaꞌ. Naporoꞌ Siniorosoꞌ, copirnonënpoa yaꞌconin,” tënin.