Deuteronomio 33:14 - Chayahuita (Shahui)

¹⁴ Cosi shinpita shaꞌtopisoꞌ, noya noyachin. Nani piꞌiquë cayacaiso nipisopita, noya noya mainaꞌ. Tahuërinën nanihuachina napoꞌinaꞌ.

Deuteronomio 33:14 ပူးပေါင်းရင်းမြစ်များ

2 Samuel 23:4

Ina pochin nipachin, tahuëririarinso pochin piyapiꞌsa catahuapon. Noyahuanquë piꞌi aꞌpininso pochin catahuatapon. Oꞌnan mëꞌtahuachina, panpatoro noya paporin. Ina pochin noya copirnoso catahuatapon,’ tënin.

Salmos 104:19

Tahuëri tantiacaiso marëꞌ yoqui acoran. Piꞌinta nitóton pochin ora nanihuachina, naꞌpipon paꞌsarin.

Salmos 8:3

Piꞌiroꞌtë acoransoꞌ nëꞌpëhuatora, yoqui, tayoraroꞌsaꞌ, inapita niꞌnahuë. Ina nicato: “Ma noyacha acorin paya,” tënahuë.

Salmos 84:11

Siniorosoꞌ Yosë niꞌton, paꞌpoyarinpoaꞌ. Aꞌpintatë pochin catahuarinpoa noꞌtëquën yonquicasoꞌ. Noyasáchin nipatëhuaꞌ, nosororinpoaꞌ. Noya nicatonpoaꞌ, noya nininsoꞌ co apiratërinpoahuëꞌ.

Malaquías 4:2

Noya nicatomaco natëramacosopitaso nipirinhuëꞌ, noya coisë pochin ninahuësoꞌ, niꞌsaramaꞌ. Piꞌi aꞌpinpachina aꞌninquëchin maꞌsha quënanëso pochin niꞌsaramaꞌ. Naporoꞌ canpitaso nichaꞌësaranquëma niꞌton, capa cancantaramaꞌ. Ohuacaꞌhuaroꞌsa oncorapipi quëran iꞌsohuatohuachinara, niirëꞌnachin taꞌapiso pochin cancantaramaꞌ.

Mateo 5:45

Inapotohuatamaꞌ, Yosë pochin cancantaramaꞌ. Inasoꞌ yaꞌipi piyapiꞌsaꞌ nosororin. Ina nohuanton, piꞌi, oꞌnan, inapita yaꞌhuërin noya nanpicaso marëꞌ. Co imarinsopita marëáchin piꞌi aꞌpininhuëꞌ. Noya nipisopita, oshahuanoꞌsantaꞌ, yaꞌipiya aꞌpintërin. Naporahuaton, oꞌnaontaꞌ napopianachin acotërinpoaꞌ maꞌsha apapotacaso marëꞌ.

Hechos 14:17

Nipirinhuëꞌ, nosoroatonpoaꞌ, nani maꞌsha acotërinpoaꞌ ina nohuitacaso marëꞌ. Ina nohuanton, oꞌnanin. Ina nohuanton, maꞌsha papotërin. Ina nohuanton, cosharoꞌ yaꞌhuëtërinpoaꞌ caꞌpatëhuaꞌ noya cancantacaso marëꞌ. Inapoaton, noya yonquirinpoasoꞌ anitotërinpoaꞌ, itopi.

Deuteronomio 33:13

Cosi huënton quëran pipipisopita israiroꞌsanta yonquiaton, tapon: “Cosi huënton quëran pipipisopita israiroꞌsaꞌ, Sinioro catahuaquëꞌ. Noꞌpanëna noya noya niin. Poroncayo inápa quëran anotërinsoari noya noya shipichin. Acoporoquë iꞌ yaꞌhuërinsontaꞌ, noya noya nininso yaꞌhuëchin. Iꞌshanaroꞌsa quëran, iroꞌsaquë pipirinsoꞌ.

Deuteronomio 33:15

Huaꞌhuayátërahuë nitërinsoꞌ mainaꞌ. Iráca motopiroꞌsaꞌ notohuaroꞌ yaꞌhuërinso pochin shaꞌpisopitantaꞌ, notohuaroꞌ mainaꞌ. Ina mapisopitasoꞌ, yaꞌhuëmiachin. Motopiroꞌsaꞌ, motopiaꞌhuaroꞌsaꞌ, inapita yaꞌhuërárinso pochin niin.

1 Timoteo 6:17

Aꞌnaquën naꞌcon coriqui yaꞌhuëtërin. Inapitantaꞌ api pënënquëꞌ: “Ama aꞌnapita nocancosohuëꞌ. Ama coriquinëmáchin paꞌyatocosohuëꞌ. Inasoꞌ co yaꞌhuëmiataponhuëꞌ. Yosë naꞌcon naꞌcon paꞌyatocoꞌ. Inasoꞌ co apiratërinpoahuëꞌ. Nani maꞌsha quëtërinpoaꞌ nóya cancantatëhua, yaꞌhuëcaso marëꞌ.

Apocalipsis 22:2

Ninano huáncana iiꞌ paꞌsarin. Cato yonsan quëran chachin nara papotërin. Nanpirin nara itopisoꞌ. Nani yoqui nitarin. Shonca catoroꞌ nitasoꞌ, piꞌipi naniarin. Monoquëontaꞌ yaꞌipi piyapiꞌsa noya yaꞌhuëcaiso marëꞌ yaꞌhuërin. Co huachi canioponahuëꞌ.