Deuteronomio 33:12 - Chayahuita (Shahui)

¹² Mincamin huënton israiroꞌsanta yonquiaton, tapon: “Mincamin huënton israiroꞌsasoꞌ, Siniorori nosororin. Napoaton inahuasoꞌ, sano yaꞌhuaponaꞌ. Chini chiníquën nanantërinsoari paꞌpoyarápon. Motopiaꞌhuanënpitaquë yaꞌhuëaton, paꞌpoyarápon,” tënin.

Deuteronomio 33:12 ပူးပေါင်းရင်းမြစ်များ

2 Samuel 12:24

Pitisapintaꞌ, huaꞌhuin marëꞌ paꞌpi sëtërin niꞌton, Tapiri noyasha nontahuaton achinicancanin. Ina quëran oshaquëran huaꞌhuaantarin. Huaihuachina Saromon itërin. Inasoꞌ huaꞌhuasha nasitohuachina Siniorori noya nicaton nosororin.

2 Samuel 12:25

Ina nosororinsoꞌ, Natan quëran Tapi anitotërin. Ina natanaton huiꞌnin iso pochin nohuitërin: Quititiasë itërin.

1 Reyes 12:21

Nopoamosoꞌ Quirosarinquë canquirahuaton, pasa posa shonca huaranca sontaroꞌsa ayontonin. Cota, Mincamin, inapita huëntonoꞌsa quëran ina nápo ayontonin. Shonca huënton israiroꞌsa ahuëatona, naquëranchin huaꞌanëntaantacaso marëꞌ naporin.

Salmos 91:4

Anpiantëhuanoꞌsa huaꞌhuina toꞌcohuëtopiso pochin aꞌpaiarinpoaꞌ. Aꞌpaiarinpoa niꞌton, sano yaꞌhuëarihuaꞌ. Iscoto yaꞌcopirinpoaso pochin noꞌtëquën noninso paꞌpoyararinpoaꞌ.

Mateo 23:37

Ina quëran taantarin: “¡Yaꞌipi Quirosarinquë yaꞌhuëramasopita yonquiatënquëmaꞌ, chiníquën sëtërahuë! Naꞌa pënëntonaꞌpiroꞌsaꞌ Yosë aꞌpatërinquëmaꞌ pënëinënquëmaso marëꞌ. Aꞌpapirinhuëꞌ, tëparamaꞌ. Aꞌnaquën naꞌpiquë tëꞌyaratomaꞌ, tëparamaꞌ. Yaꞌipinquëmaꞌ nosoroatënquëmaꞌ, naꞌaroꞌ yacatahuapiranquëmahuëꞌ, co ca tërantaꞌ nohuantëramacohuëꞌ. Atari huaꞌhuin toꞌcohuëtërinso pochin yapaꞌpoyapiranquëmahuëꞌ, co nohuantëramacohuëꞌ.

Deuteronomio 12:10

Cortaniiꞌ pëntontohuatamaꞌ, Sinioro noꞌpaꞌ quëtarinquëmaquë yaꞌhuëmiataramaꞌ. Yaꞌipi inimicoroꞌsa minsërahuatomaꞌ, sano cancantarama huachi. Naporoꞌ insëquësona Siniorori huayonin niꞌton, ina chinotacaso nëꞌmëtë pëi acoaramaꞌ. Inaquë ipora camairanquëmasopita Sinioro quëshiaramaꞌ. Ina noya nicatoma maꞌsharoꞌsa tëpapomaꞌ. Aꞌnaquën noyá ahuiquitapomaꞌ. Aꞌnaquënsoꞌ, piꞌpian ahuiquitapomaꞌ. Nani maꞌsha quëran diesmoroꞌsantaꞌ, inaquë quëpatapomaꞌ. Catahuatamaso marënta camaitopisoꞌ, quëpapomaꞌ. Maꞌsona Sinioro quëtacasoꞌ shaꞌhuitohuatamaꞌ inanta quëpatapomaꞌ.

Deuteronomio 32:11

Panca onian yaquëpatërinsoꞌ, yonquicoꞌ. Huaꞌhuinpita yaquëpaton yanpo yanpónantarin. Aꞌnara tëniton atatërin. Anotapirinhuëꞌ, naꞌhuëtëramarahuaton anpiantën quëran pancapirin. Inapotaton quëpanantarin. Ina pochachin Sinioronta nitatonpoaꞌ, aꞌchintërinpoaꞌ. Nisha nisha huëhuëpiro quëran ocoirinpoa aꞌnitotiinpoaso marëꞌ.

Deuteronomio 33:11

Quëma marëꞌ sacatopi niꞌton, catahuaquë noya noya sacachinaꞌ. Napopisoꞌ nicaton noya cancantëquëꞌ. Ahuëatë nipanpitërëso pochin, yaꞌipi inimiconënpita nitëquëꞌ. Noꞌhuipisopitari ama naquëranchin huaniantaꞌinasohuëꞌ,” itërin.

1 Samuel 10:20

Napohuachina yaꞌipi huëntonoꞌsa aꞌna huënton aꞌna huënton yaꞌcaritopi. Naporoꞌ Samoirori nicanapiso pochin nitohuachina, Mincamin huënton canatërin.