Deuteronomio 33:11 - Chayahuita (Shahui)

¹¹ Quëma marëꞌ sacatopi niꞌton, catahuaquë noya noya sacachinaꞌ. Napopisoꞌ nicaton noya cancantëquëꞌ. Ahuëatë nipanpitërëso pochin, yaꞌipi inimiconënpita nitëquëꞌ. Noꞌhuipisopitari ama naquëranchin huaniantaꞌinasohuëꞌ,” itërin.

Deuteronomio 33:11 ပူးပေါင်းရင်းမြစ်များ

Jeremías 15:10

Ina quëran caso paꞌpi sëtato, mamahuë yonquirahuë: “¡Maꞌhuántacha caso mama ninahuë paya! Quëma huaꞌhuanpirancohuëꞌ, naní quëran co natantonhuë pochin nohuitërinaco. Napoatona co quëꞌyarinacohuëꞌ. Co onporonta coriqui aꞌnanatonaco maꞌpachininacohuëꞌ. Co carintaꞌ, aꞌnapita coriqui aꞌnanchinahuëꞌ. Co inapopirahuëꞌ, yaꞌipiya quëran ama huachi noya yaꞌhuëcaꞌhuaso marëhuëꞌ, shaꞌhuitërinaco,” tënahuë.

Amós 5:10

Aꞌnaquën coisëroꞌsa noꞌtëquën shaꞌhuipi. Canpitariso napoaponahuëꞌ, co quëꞌyaramahuëꞌ. Quënaninsoꞌ noꞌtëquën shaꞌhuinaꞌpiroꞌsantaꞌ, co quëꞌyaramahuëꞌ. Ina marëꞌ canpitasoꞌ, ¡maꞌhuantacha nisarama paya!

Lucas 10:16

Ina quëran yaaꞌparinsopita itaantarin: “Iporasoꞌ pënëntacamaso marëꞌ aꞌpararanquëmaꞌ. Ca yaꞌhuërënamëhuë pënëntaramaꞌ. Noya natanpachinquëmaꞌ, natanarinaco cantaꞌ. Coꞌsoꞌ nohuantohuachinënquëmahuëꞌ, co cantaꞌ nohuantarinacohuëꞌ. Co nohuantohuachinacohuëꞌ, co Yosëntaꞌ nohuantapihuëꞌ,” itërin Quisosori. Itohuachina, paꞌpi huachi. Nisha nisha ninanoquë pënëntëraꞌpiapi.

Deuteronomio 33:10

Inahua mini israiroꞌsa aꞌchintapi. Pënëntëransopita, aꞌchinansopita, inapita aꞌchintapi. Chinotëranquënso pëi artaroꞌsaquë, yonarin pochin pimóchin aꞌpëpi. Maꞌsharoꞌsanta quëma marëꞌ tëpapisoꞌ, ahuiquitapi.

Deuteronomio 33:12

Mincamin huënton israiroꞌsanta yonquiaton, tapon: “Mincamin huënton israiroꞌsasoꞌ, Siniorori nosororin. Napoaton inahuasoꞌ, sano yaꞌhuaponaꞌ. Chini chiníquën nanantërinsoari paꞌpoyarápon. Motopiaꞌhuanënpitaquë yaꞌhuëaton, paꞌpoyarápon,” tënin.

1 Tesalonicenses 4:8

Co quiyaora yonquinëhuëi quëran pënënainquëmahuëꞌ. Co natëhuatamahuëꞌ, Yosë chachin co natëaramahuëꞌ. Ina nohuanton, Ispirito Santo yaꞌcoancantërinpoaꞌ noya nicacaso marëꞌ. Inasoꞌ noyasáchin ninin.