Deuteronomio 32:8 - Chayahuita (Shahui)

^8-9 Chini chiníquën nanantërinsoari, iráca piyapiꞌsa niquë niquë acorin. Nisha nisha nacionoꞌsaquë yaꞌhuëcaiso marëꞌ, acorin. Noꞌpaꞌ mapisoꞌ nanirinsoꞌ, acotëraꞌpiarin. Israiroꞌsanpoaso nipirinhuëꞌ, noya noya noꞌpaꞌ acotërinpoaꞌ. Cacopo shinpitanpoasoꞌ, huaꞌanëntiinpoaso marëꞌ huayoninpoaꞌ.

Deuteronomio 32:8 ပူးပေါင်းရင်းမြစ်များ

Génesis 10:15

Canaansoꞌ, paninan huiꞌnahuanpachina, Siton itërin. Ina quëran huiꞌnahuaantahuachina, Iti, itërin.

Génesis 10:25

Ina quëran Ipirinta cato huiꞌninpita yaꞌhuëtërin: Aꞌnasoꞌ, Piriqui itopi. Naporo tahuëriꞌsa piyapiꞌsa itohua itohua yanquëëpi niꞌton, ina pochin ninihuanin. Iyaꞌhuainta Cotano itopi.

Génesis 10:5

Ina nápo Cahuito huiꞌninpita, shinpita inapita yaꞌhuëpi. Inapitasoꞌ, marë yonsanoꞌsa parti, yaꞌhuëpi. Inatohua ninanoroꞌsa ocoirahuatonaꞌ, aꞌnaya aꞌnaya nacionënaquë, aꞌna huënton aꞌna huënton, nisha nisha yaꞌhuëpi. Inahuara noꞌpanënaquë yaꞌhuëpi. Naporahuatonaꞌ, inahuara nonpiso nananquë nonatonaꞌ, yaꞌhuëpi.

Salmos 115:16

Siniorosoꞌ, piꞌiroꞌtë huaꞌanëntërin. Isoroꞌpaso nipirinhuëꞌ, piyapinpoa ahuaꞌanëntërinpoaꞌ.

Salmos 91:1

Siniorosoꞌ chini chiníquën nanantaton, yaꞌipi nanitaparin. Ina yaꞌipi cancanënpoa quëran imapatëhuaꞌ, sano yaꞌhuëarihuaꞌ. Chiníquën nanantaton aꞌpaiarinpoaꞌ.

Daniel 4:17

Ina pochin aꞌpaito anquëniroꞌsa camaitopi. Yosëso chini chiníquën nanantaton, isoroꞌpaquënta huaꞌanëntërin. Ina yaꞌipiya quëran nitotacaiso marëꞌ napoarin. Ina nohuanton copirnoroꞌsanta huaꞌanëntopi. Insosona nohuantërinsoꞌ copirno nicacaso marëꞌ acorin. Sano sano piyapi nininsoꞌ, aꞌna nacion camaicaso marëꞌ acorin,’ tënin.

Daniel 5:18

Yosë chini chiníquën nanantërinsoari, iráca tata Napocotono copirno nicacaso marëꞌ acorin. Inari chiníquën nanan quëtërin niꞌton, noya noya huaꞌanëntërin. Ina marëꞌ naní quëran noya nicatona tëꞌhuatopi.

Miqueas 2:5

Siniorosoꞌ catahuainpoaso marëꞌ iráca canpoarë anoyataponahuëꞌ, iporasoꞌ co huachi catahuarinpoahuëꞌ.

Números 23:9

Inápa natëtëroꞌsa quëran notërahuë. Motopiaꞌhuaroꞌsa quëraonta nocorahuë. Co aꞌnapita piyapiroꞌsa pochinhuëꞌ inahuaso nicatonaꞌ, Yosë marëꞌ nanpicaisoꞌ nohuantopi.

Números 24:16

Yosë ispiritonën yaꞌcoancantohuachincora, noya noya nitotërahuë. Yosë chachin nanan anitotërinco. Co huëꞌëporahuëꞌ, huaꞌnarëso pochin quënanahuë. Ina Yosëso chini chiníquën nanantaton yaꞌipi nanitaparin.

Hechos 17:26

Iráca aꞌna quëmapiraꞌ ninin. Inaya quëranchin yaꞌipi piyapiꞌsaꞌ naꞌapi. Nisha nisha nipisopita naꞌapi yaꞌipiroꞌpaquë yaꞌhuëcaiso marëꞌ. Coꞌhuara yaꞌhuëyatërasëhuahuëꞌ, yonquirinpoaꞌ. Nisha nisha parti yaꞌhuëcaso marëꞌ acorinpoaꞌ. Onporosona nanpicahuasontaꞌ yonquirin. Ina nohuanton, nanpirëhuaꞌ.

Hechos 7:48

Nipirinhuëꞌ, Yosësoꞌ chini chiníquën nanantërin. Co nipisoꞌ pëiquëráchin yaꞌhuërinhuëꞌ. Pënëntonaꞌpi inachachin shaꞌhuitërinpoaꞌ:

Deuteronomio 33:28

Israiroꞌsanpoasoꞌ, co manta tëꞌhuatarihuarahuëꞌ yaꞌhuëarihuaꞌ. Shiparinpoapitantaꞌ, napoaponaꞌ. Shaꞌpatëhuaꞌ, notohuaroꞌ tricoro yaꞌhuëapon capacasoꞌ. Notohuaroꞌ oparo yaꞌhuëapon oꞌocasoꞌ. Co onporonta oꞌnan pahuantarinpoahuëꞌ.