Deuteronomio 32:6 - Chayahuita (Shahui)

⁶ ¡Co napochitomahuë pora! Napotatomaꞌ, co yonquiramahuë pochin niconamaꞌ. ¡Ina canpitaso nininquëmaꞌ! ¡Huiꞌninpita pochachin aꞌpairinquëmaꞌ! ¡Coꞌta ina acorinquëmaꞌ! ¡Ina nohuanton nacion ocoiramaꞌ!

Deuteronomio 32:6 ပူးပေါင်းရင်းမြစ်များ

2 Samuel 7:24

Israiroꞌsacoi huaꞌanëntápancoiso marëꞌ naporan. Napoaton quëmasoꞌ Sinioro Yosënëhuëinquën nisaran.

Salmos 100:3

Yosëíchin chini chiníquën nanantërin. Ina nitotoco canpitantaꞌ. Inaso nininpoa niꞌton, huaꞌanëntërinpoaꞌ. Ina piyapinënpoa canpoasoꞌ. Ohuicaroꞌsa huaꞌanëni aꞌpairinso pochin noya aꞌpairinpoaꞌ.

Salmos 116:12

Iporaso naporahuë: “¿Onporahuatocha yaꞌipi Sinioro catahuarincoso marëꞌ iꞌhuërëchi nicaya?” tënahuë yonquiato.

Salmos 95:6

Huëco Yosëíchin yonquiaꞌahuaꞌ. Isonatëhua ina chinotahuaꞌ. Ina nininpoa niꞌton, paꞌyatahuaꞌ.

Éxodo 15:16

Catahuacoi Sinioro. Nisha nisha nacionoꞌsa tëꞌhuachina huachi. Naꞌpi co pacaritërinsohuë pochin, quëma nohuanton niinaꞌ. Piyapinënpitacoi noꞌpanëna naꞌhuëtaꞌhuai huarëꞌ napoꞌinaꞌ.

Éxodo 4:22

Naporoꞌ quëmari napotëquëꞌ: Naporin Yosë: “Caso Yosëco. Israiroꞌsa nosororahuë. Inapitasoꞌ paninan huiꞌnahuë pochin niꞌnahuë.

Isaías 1:2

Piꞌiroꞌtëquë, isoroꞌpaquë, inaquëpita yaꞌhuëramasoꞌ, yaꞌipinquëma Sinioro noninso natancoꞌ: “Huiꞌnahuëpita huaꞌhuishin quëran huarëꞌ asoꞌsorahuë. Inapotopirahuëꞌ, inahuaso co natërinacohuëꞌ.

Isaías 43:1

Israiroꞌsanquëmaꞌ, nininquëmasoꞌ nontarinquëma natancoꞌ. Canpitaso Cacopo shinpitanquëma niꞌtomaꞌ, noya natancoꞌ: “Carinquëma nichaꞌëranquëma niꞌton, ama tëꞌhuacosohuëꞌ. Carima nininëma quëran përaranquëma niꞌton, huaꞌanëntëranquëmaꞌ.

Isaías 43:7

Inapitasoꞌ ca pochachin ninintopi. Cari chachin inapitaso acorahuë. Catahuarahuëso nicatonaꞌ, yaꞌipiya quëran paꞌyatiinacoso marëꞌ acorahuë.

Isaías 63:16

¡Quëmasoꞌ, tatahuëi pochin ninan! Apraanso co aꞌna nohuitomarincoihuëꞌ. Cacoponta co aꞌna yonquimarincoihuëꞌ. Quëmaso Sinioro tatahuëi pochin ninan. Iráca quëran huarëꞌ nichaꞌërancoi.

Isaías 64:8

Napopiraihuëꞌ, quëmaso Sinioro tatahuëi pochin ninan. Quiyaso tëshiroꞌpa pochin ninai. Quëmaso tëshitonaꞌpi pochin ninan. ¡Quëmasáchin yaꞌipicoi ninancoi!

Oseas 13:13

Canpitasoꞌ, co yonquipisohuë pochin ninamaꞌ. Huaꞌhuasha yahuaꞌhuatahuachina noya niacorin. Canpitaso nipirinhuëꞌ apiaꞌhuaya pochin nicatomaꞌ, co noya niacorinsohuë pochin ninamaꞌ.

Malaquías 1:6

Siniorosoꞌ, yaꞌipi nanitaparin. Corto huaꞌanoꞌsa pënënaton: “Huaꞌhuaroꞌsasoꞌ, paꞌpina noya nicatona natëcaiso yaꞌhuërin. Patronoꞌsantaꞌ, piyapinënpitari natëcaiso yaꞌhuërin. Caso canpita tatanëmaco niꞌquëhuarëꞌ, ¡noya nicatomaco natëamacoso yaꞌhuërin! Patronëmaco niꞌquëhuarëꞌ, ¡natëamacoso yaꞌhuërin! Canpitaso napoaponahuëꞌ, nocanamaco. Napoapomarahuëꞌ: ‘¿Maquëta nocanainquën?’ itëramaco.

Juan 8:41

Canpitaso nipirinhuëꞌ tatanëma pochin nininsoꞌ nonanamaꞌ, itërin. —Co quiyasoꞌ maꞌpapiaꞌhuaroꞌsacoihuëꞌ. Yosë chachin tatanëhuëi. Inasáchin natërai, itaantapi.

Hechos 20:28

Canpitantaꞌ niꞌcona piꞌpian tërantaꞌ Yosë naniantotamaꞌ. Quisoso imapisopitantaꞌ noya niꞌcoꞌ. Ispirito Santo nani acorinquëmaꞌ huaꞌanën pochin nicacamaso marëꞌ. Inapitantaꞌ Yosë huëntonënquë yaꞌconpi. Quisoso chiminaton, ayaꞌconinpoaꞌ.

Romanos 8:15

Iráca Yosë tëꞌhuatëramaꞌ. Iporaso nipirinhuëꞌ Ispirito Santo yaꞌcoancantërinpoaꞌ niꞌton, co huachi mantaꞌ tëꞌhuatacasoꞌ yaꞌhuërinhuëꞌ. Huiꞌninpita pochachin Yosë niꞌninpoaꞌ. Ina nontohuatëhuara, “Tata,” itërëhuaꞌ.

1 Corintios 6:20

Quisocristo chiníquën parisitaton, chiminin nichaꞌëinpoaso marëꞌ. Nichaꞌërinpoaꞌ niꞌton, yaꞌipi nonënpoa quëran huarëꞌ huaꞌanëntinpoasoꞌ yaꞌhuërin. Napoaton noyasáchin nicoꞌ aꞌnapitantaꞌ nicatënënquëmaꞌ Yosë chinochinaꞌ.

Gálatas 3:26

Iporasoꞌ Quisocristo imapatëhuaꞌ, huiꞌninpita pochin Yosë niꞌninpoaꞌ.

Gálatas 4:6

Huiꞌnin pochachin nicatonpoaꞌ, Ispirito Santo ayaꞌcoancantërinpoaꞌ. Ina quëran Yosë nontohuatëhuaꞌ, Ispirito Santo nohuanton, “Tata” itërëhuaꞌ.

Deuteronomio 32:15

Noya nocomarinquëma niꞌton, israiroꞌsanquëma amonamaꞌ. (Maꞌsha amomiataton tomapiin tomapiin nininso pochin ninamaꞌ.) Napoaponahuëꞌ, cahuario yatoꞌtatërinso pochin, Yosë chachin acopirinquëmahuëꞌ, aꞌporamaꞌ. Noya paꞌpoyatënquëma nichaꞌëpirinquëmahuëꞌ, nocanamaꞌ.

Deuteronomio 32:18

Yosëso tatama pochachin paꞌpoyarinquëmaꞌ. Ina nohuanton nanpipomarahuëꞌ, naniantëramaꞌ.

Deuteronomio 32:28

Israiroꞌsaso napoaponahuëꞌ, co noꞌtëquën yonquipihuëꞌ. Co manta natantërëhuë pochin niconpi.

2 Pedro 2:1

Iráca Yosëri acorinsopita noꞌtëquën pënëntopi. Aꞌnaquënso nipirinhuëꞌ nonpin nanan pënëntatonaꞌ, israiroꞌsaꞌ nonpintopi. Inapochachin iporantaꞌ aꞌnaquën nonpin nanan yaaꞌchintarinënquëmaꞌ. Noyasha nontapirinënquëmahuëꞌ, nonpintarinënquëmaꞌ. “Quiyantaꞌ imarai,” taponaraihuëꞌ, nonpin nanan aꞌchinapi anishacancantacaiso marëꞌ. Quisocristo nichaꞌëinpoaso marëꞌ chiminin. Inaíchin natëcaso nipirinhuëꞌ, nisha aꞌchinaꞌpiroꞌsasoꞌ co yanatëpihuëꞌ. Ina marëꞌ aꞌna tahuëri Yosëri anaꞌintarin. Aꞌnanaya anaꞌintarin.

1 Juan 3:1

Ma noya Tata Yosë nosororinpoaꞌ niꞌton, huiꞌninpita pochachin niꞌninpoaꞌ. Huëntonënquë chachin ayaꞌconinpoaꞌ. Co imapisopitasohuëꞌ nipirinhuëꞌ co nitotopihuëꞌ. “¿Onpoatontaꞌ Yosë pochin cancantacasoꞌ nohuantopi?” toconpi. Co Yosë nohuitatonahuëꞌ, napopi.