Deuteronomio 32:47 - Chayahuita (Shahui)

⁴⁷ Sinioronënpoasoꞌ Yosë niꞌton, inasáchin cancantatoma pënëntërinsopita noꞌtëquën natëcoꞌ. Ina noya natëhuatamaꞌ, huaꞌqui noya nanpiaramaꞌ. Co huaꞌquiya quëranhuëꞌ Cortaniiꞌ aquëtëran noꞌpaꞌ masaramaꞌ. Sinioro pënëntërinsoꞌ noya natëhuatamaꞌ, huaꞌqui inaquë yaꞌhuaramaꞌ,” itërin.

Deuteronomio 32:47 ပူးပေါင်းရင်းမြစ်များ

Proverbios 3:18

Yonquínahuan nipatëhuaꞌ, nanpirin nara caꞌnëso pochin ninëhuaꞌ. Yonquínahuan ninëhuaso coꞌsoꞌ aꞌpohuatëhuahuëꞌ, tëhuënchachin capa cancantarihuaꞌ.

Proverbios 3:22

Inapo yaꞌhuëhuatan, nanpirin quënanëso pochin nisaran. Miyo pëꞌpëpiso pochin costapiroꞌ yaꞌnoaran.

Isaías 45:19

Maꞌsona yanipatora, co poꞌoana quëran nonato naporahuëꞌ. Cacopo shinpitanquëmantaꞌ: ‘Topinan tëranta chinotoco,’ co itëranquëmahuëꞌ. Caso Sinioroco noya coisë pochinco niꞌto, noꞌtëquënáchin nontëranquëmaꞌ,” itërinpoaꞌ.

Mateo 6:33

Napoaton Yosë naꞌcon naꞌcon yonquicoꞌ. Aꞌnapitantaꞌ catahuacoꞌ huaꞌanëntërinquë yaꞌconacaiso marëꞌ. Yosë nontocoꞌ noyasáchin yonquicamaso marëꞌ. Ina pochin cancantohuatamaꞌ, catahuarinquëmaꞌ. Ina nohuanton, maꞌsha pahuantërinquëmasopita yaꞌhuëtarinquëmaꞌ.

Hechos 7:38

Iráca inotëro parti shimashonënpoaꞌ niyontonpachinara, Moisësëri Yosë nanamën anitotërin. Sinai motopiquë paꞌpachina, anquëniri nontërin. Yosë nanamën shaꞌhuitërin noya nanpicaiso marëꞌ. Canpoa marëntaꞌ shaꞌhuitërin.

Deuteronomio 30:16

Ipora shaꞌhuitëranquëmasopita natëtomaꞌ, Sinioro nosoromiatohuatamaꞌ, noya yaꞌhuëaramaꞌ. Pënëntërinsopita, camaitërinsopita, aꞌchininsopita, inapita natëcoꞌ. Inapita natëtoma ina nonanpatamaꞌ, huaꞌqui tahuëri niꞌsaramaꞌ. Naporahuaton naꞌa huiꞌnamapita yaꞌhuëtarinquëmaꞌ. Sinioronënpoaso Yosë niꞌton, yaꞌconarama noꞌpaquë, noya catahuamiatarinquëmaꞌ.

Deuteronomio 31:13

Inapohuatamaꞌ, huiꞌnamapitanta co manta nitotopirinahuëꞌ, nitotapi. Nitotatona noya nicatonaco, pënëntërahuësopita, chiminaiquë huarëꞌ natëapi. Cortaniiꞌ pëntontohuatamaꞌ, inaquë noꞌpaꞌ yaꞌhuërinso masaramaꞌ. Inaquë napoaramaso huachi,” itërin Moisësëri.

Deuteronomio 33:25

Ama inimicoroꞌsari yaꞌcontacaso marëhuëꞌ, ninanonëna yaꞌcoanaroꞌsantaꞌ, noyá acoꞌinaꞌ. Chiníquën niꞌtona yaꞌhuëmiatacaiso marëꞌ nóya acoinaꞌ. Huaꞌnamia quëran, shaꞌpi huaꞌna quëran, ina quëranpita nipiso acoinaꞌ.

Deuteronomio 4:40

Yaꞌipi pënëninquëmasopita natëcoꞌ. Camairinquëmasopitantaꞌ, natëcoꞌ. Inapita ipora tahuëri carinquëma shaꞌhuitaranquëmaꞌ. Inapohuatamaꞌ, Yosë noꞌpaꞌ quëtarinquëmaquë noya yaꞌhuëaramaꞌ. Naporahuaton huaꞌqui tahuëri niꞌsaramaꞌ. Shiparimapitanta noya yaꞌhuëaponaꞌ. Co incari tëranta ina noꞌpaso osërëtarinquëmahuëꞌ,” itërin Moisësëri.

Deuteronomio 4:6

Natëtatomaꞌ, ina inachachin nicoꞌ. Inapohuatamaꞌ, nisha nisha piyapiꞌsa naꞌcon nitotatoma yonquínahuanoꞌsa ninamasoꞌ, nitotapi huachi. Ina nitotohuachinaꞌ: ‘¡Ma noyacha inapitaso pënëntërinso nanan yaꞌhuëtopi paya! Napoaton naꞌcon nitotatonaꞌ, yonquínahuanoꞌsa nipi,’ tosapi.

Deuteronomio 8:3

Ina nohuanton aꞌna tahuëri tana acorinquëmaꞌ. Napoaponahuëꞌ, ina piquëranso capamaso marëꞌ mana aꞌpatiimarinquëmaꞌ. Inanpi cosharoso co nohuitopiramahuëꞌ, quëtërinquëmaꞌ. Co shimashonëmapitari tëranta nohuitopihuëꞌ: ‘Co cosharoriáchin, piyapi ananpirinhuëꞌ. Yaꞌipi Yosë noninsoꞌ natëhuachin tëhuëchinsoꞌ, nanpiarin,’ taꞌcamaso marëꞌ inanpi cosharo quëtërinquëmaꞌ.

1 Timoteo 4:8

Nani tahuëriya sacatohuatëhuara, chinipirëhuahuëꞌ, noya noya Yosë imacasoꞌ yonquihuatëhuaꞌ, achinicancaninpoaꞌ. Achinicancanpachinpoaꞌ, noya noya nisarëhuaꞌ, tënahuë. Noya noya imapatëhuaꞌ, isoroꞌpaquë noya nanpiarëhuaꞌ. Aꞌna tahuërintaꞌ Yosëꞌpaꞌ nanpimiatarihuaꞌ.

2 Pedro 1:16

“Chiníquën nanantaton, Quisocristo oꞌmantararin,” itërainquëmaꞌ. Sinioro oꞌmantacasoꞌ tahuëri noꞌtëquën aꞌchintërainquëmaꞌ. Co quiyaora yonquinëhuëi quëran aꞌchintërainquëmahuëꞌ. Co piꞌpisha tërantaꞌ nonpintërainquëmahuëꞌ. Iráca isoroꞌpaquë nipon, nisha pochin yaꞌnotërincoi. Yaꞌpirahuëi quëran chachin niꞌnai.

2 Pedro 1:3

Quisocristosoꞌ chiníquën nanantaton, yaꞌipiya nanitaparin. Ina imapatëhuaꞌ, catahuarinpoaꞌ Yosë pochin cancantacaso marëꞌ. Ina Yosë anohuitërinpoaꞌ. Huëntonënquë nani ayaꞌconinpoaꞌ. Inasoꞌ nóya niꞌton, nohuantërin canpoantaꞌ inapochachin cancantacasoꞌ. Ina nohuitohuatëhuaꞌ, catahuarinpoaꞌ onporahuatësona noya noya chinotacasoꞌ.

Apocalipsis 22:14

Huënainën quëran anoyacancantërinsopita nóya cancantaponaꞌ. Aꞌmopisoꞌ pëꞌsarëso pochin noyápiachin cancantapi. Inapitasáchin nanan yaꞌhuëtopi nanpirin nara nitërinsoꞌ capatonaꞌ, nanpimiatacaisoꞌ. Naporahuaton, nasha Quirosarinquë noya yaꞌconapi.