Deuteronomio 32:46 - Chayahuita (Shahui)

⁴⁶ Nani aꞌchintahuaton itapon: “Yaꞌipi ipora shaꞌhuitëranquëmasopita noya yonquicoꞌ. Ina quëran huiꞌnamaꞌ, shiparimaꞌ, inapitanta camaico yaꞌipi pënëntërinsoꞌ natëcaiso marëꞌ.

Deuteronomio 32:46 ပူးပေါင်းရင်းမြစ်များ

Lucas 9:44

—Noya natanco iyaroꞌsaꞌ. Yosë quëran quëmapico niporahuëꞌ, aꞌna tahuëri shaꞌhuirapihuachinco, piyapiꞌsaꞌ masarinaco. Ina yonquirácoꞌ, itërin.

Deuteronomio 4:6

Natëtatomaꞌ, ina inachachin nicoꞌ. Inapohuatamaꞌ, nisha nisha piyapiꞌsa naꞌcon nitotatoma yonquínahuanoꞌsa ninamasoꞌ, nitotapi huachi. Ina nitotohuachinaꞌ: ‘¡Ma noyacha inapitaso pënëntërinso nanan yaꞌhuëtopi paya! Napoaton naꞌcon nitotatonaꞌ, yonquínahuanoꞌsa nipi,’ tosapi.

Deuteronomio 4:9

Niꞌcona nani maꞌsha niꞌnamasopita naniantotamaꞌ. Aꞌchintëranquëmasopitanta yonquirácoꞌ. Ipora aꞌchintëranquëmasopita ama naniantatomarahuëꞌ, huiꞌnamapitanta aꞌchintocoꞌ. Shiparimapitanta inapotocoꞌ,” itërin.

Hebreos 2:1

Nani noꞌtën nanan natanëhuaꞌ niꞌton, nanamën naꞌcon naꞌcon yonquiaꞌahuaꞌ, ama pëshonacaso marëhuëꞌ. Niꞌcona canpitantaꞌ ina naniantotamaꞌ.