Deuteronomio 32:35 - Chayahuita (Shahui)

³⁵ Anaꞌintaꞌhuaso tahuëri nanihuachin, naporo noꞌtëquën iꞌhuërëtarahuë. Anotërëso pochin nipachinaꞌ, naporo huarëꞌ anaꞌintarahuë. Nani huachi taꞌhuantacaiso tahuëri yaꞌcaritërin. ¡Nani ora naniriarin anaꞌintacasoꞌ!’ ” tënin.

Deuteronomio 32:35 ပူးပေါင်းရင်းမြစ်များ

Génesis 4:23

Aꞌna tahuëri Namicosoꞌ, saꞌinpita itapon: “Natanquë Ata. Quëmanta Sira, noya natanco shaꞌhuichinquëmaꞌ: Aꞌna quëmapi tëparahuë pëꞌsharincoso marëꞌ. Huiꞌnapi nipirinhuëꞌ, ahuërincoso marëꞌ napotërahuë.

2 Samuel 22:48

Quëmaso Yosënquën niꞌton, inimiconëhuëpita iꞌhuërëtëran. Quëma chachin nisha nisha nacionoꞌsa camaicaꞌhuaso marëꞌ acoranco.

Isaías 60:22

Iporasoꞌ carayanquëma nipomarahuëꞌ, naꞌamiataramaꞌ. Carayanquëma nipomarahuëꞌ, panca nacion taranapomaꞌ. Caso Sinioroco. Ca nohuanton co huaꞌquiya quëranhuëꞌ naporahuësoꞌ nanipon. Tahuëri acorahuësoꞌ nanihuachin nanipon,” itërinquëmaꞌ.

Isaías 8:15

Naꞌcon israiroꞌsa iꞌpatona anotopiso pochin nicaponaꞌ. Inapoatona chiminaponaꞌ. Pëcotanquë maꞌsha mapachinara co huachi pipirinsohuë pochin nisapi,” itërinco.

Jeremías 20:11

Quëmasoꞌ Sinioro napoaponahuëꞌ, catahuancoso marëꞌ yaꞌhuëaran. Ahuëtonaꞌpi co minsëchináchinhuë pochin ninan. Aparisitërinacosopitasoꞌ, anotërëso pochin nicaponaꞌ. Co minsëinacoso nanitapihuëꞌ. Napoatonaꞌ, taparo nisapi. Quëmari minsëransoꞌ, ama insonta nanianchinsohuëꞌ.

Jeremías 23:12

Napoaton cari chachin inapita anaꞌintarahuë. Aꞌnanaya maꞌsha onpocaisoꞌ cantiipon. Co incari tëranta nichaꞌëponhuëꞌ. Ca Sinioroco shaꞌhuitaranquëmaꞌ.

Jeremías 6:21

Napoaton Siniorosoꞌ inapita yonquiaton taantapon: “Isopitasoꞌ, piyapinëhuëpita nipirinahuëꞌ, ca nohuanton iꞌparahuatona anotopiso pochin nicaponaꞌ. Mashoroꞌsa huiꞌninpitarë chachin, niyaꞌyoranpisopita amiconënarë chachin, yaꞌipi inapita chiminaponaꞌ,” tënin.

Oseas 13:12

Yaꞌipi co noyahuëꞌ ninamasopita quiricaquë nani ninshitërahuë. Yaꞌipi oshanëma nani ninshitërahuë.

Levítico 19:18

Ama canpita capini ninoꞌhuitoma niiꞌhuërëtocosohuëꞌ. Canpitaora ninosororamaso pochachin aꞌnapitantaꞌ, nosorocoꞌ. Ca Sinioroco napotaranquëmaꞌ.

Habacuc 2:3

Shaꞌhuitaranquënsopitasoꞌ, co apiramiachin naniarinhuëꞌ. Napoaponahuë onpopionta nanipon. Huaꞌquiarin pochin nipirinhuëntaꞌ, ninaquëꞌ. Tahuërinën nanihuachin, nanipon.

Romanos 12:19

Nosoroatënquëmaꞌ iyaroꞌsaꞌ, oshaquëran pënënanquëmaꞌ. Ama iꞌhuërëtocosohuëꞌ. Tananpitocoꞌ Yosëri anaꞌinchin. Quiricanën quëran naporin: “Co noyahuëꞌ nipisopita cari anaꞌintarahuë. Noꞌtëquën anaꞌintarahuë,” tënin Yosë.

Romanos 13:4

Yosëri acorin aꞌpainënpoaso marëꞌ. Nipirinhuëꞌ, co noyahuëꞌ nipatamaꞌ, tëꞌhuatocoꞌ. Co topinan quëran chiníquën nanan quëtërinhuëꞌ. Yosëri acorin co noyahuëꞌ nipisopita anaꞌintacaso marëꞌ.

Deuteronomio 32:43

Cantarinso tiquiapon pochin Moisësësoꞌ taantarin: “Canpitanta nisha nisha nacionoꞌsaquë yaꞌhuëramasopita, israiroꞌsarëꞌquëma capa cancantocoꞌ. Piyapinënpita tëpahuachinaꞌ, Siniorori noꞌtëquën iꞌhuërëtarin. Huaꞌanën niꞌton napotarin. Yaꞌipi inimiconënpita anaꞌintaton iꞌhuërëtarin. Israiroꞌsa oshanën inquitahuaton, noꞌpanëntaꞌ, tapararin,” tënin Moisësë cantaton.

Hebreos 10:30

Yosë nohuitërëhuaꞌ. Inasoꞌ yaꞌipiya nitotërin. “Co noyahuëꞌ nipachinaꞌ, cari anaꞌintarahuë. Noꞌtëquën anaꞌintarahuë huachi,” tënin Yosë. “Piyapinënpita tërantaꞌ co yanatëhuachinahuëꞌ, Siniorori anaꞌintarin,” tënin antaꞌ. Quiricanënquë naporin.

1 Pedro 2:8

Quiricanën quëran itantarin: “Iratohuatëra, naꞌpi iꞌpatahuatëꞌ, anotërëꞌ,” tënin. Inapochachin aꞌnaquën co Quisocristo nanamën natëtonaraihuëꞌ, nisha cancantopi. Ina marëꞌ Yosë nohuanton, naꞌinpi huachi.

2 Pedro 2:3

Nisha aꞌchinaꞌpiroꞌsasoꞌ co nosororinënquëmahuëꞌ. Canacaiso marëꞌ nonpin nananoꞌsaꞌ aꞌchintarinënquëmaꞌ. Inaso nipirinhuëꞌ, iráca quëra huarëꞌ Yosëri yonquirin anaꞌintacasoꞌ. Aꞌna tahuëri noꞌtëquën anaꞌintarin. Co naniantarinhuëꞌ anaꞌintacasoꞌ.