Deuteronomio 32:3 - Chayahuita (Shahui)

³ Ca marësoꞌ: ‘Sinioro, paꞌpi nóya,’ tënahuë. Canpitanta ina nohuitatomaꞌ: ‘Tëhuënchachin paꞌpi nóya,’ tocoꞌ.

Deuteronomio 32:3 ပူးပေါင်းရင်းမြစ်များ

Salmos 150:2

Yaꞌipi nanitahuaton nani maꞌsha ninin. Ina marëꞌ paꞌyatahuaꞌ. Iráca quëran huarëꞌ yaꞌipi huaꞌanëntarin. Ina yonquiatëhuaꞌ: “Yosparinquën Sinioro,” itahuaꞌ.

Éxodo 20:24

Chinotamacoso marëꞌ artaro yanipatamaꞌ, noꞌpa quëran nicoꞌ. Inaquë oshanëma marëꞌ pëꞌtahuanëmaꞌ tëparamasoꞌ, yaꞌipi ahuiquitocoꞌ. Nanan anoyatërëhuaso marënta tëparamasoꞌ, inaquë chachin piꞌpian ahuiquitocoꞌ. Insëquësona chinotamacoso huayonahuëquë inapohuatamaꞌ, noya niꞌsaranquëmaꞌ. Oꞌmarahuato, nani maꞌsha ninamaquë catahuamiataranquëmaꞌ.

Éxodo 33:19

—Noya niꞌnahuësopita nosoromiatërahuë. Napoaton naꞌhuëtohuatënquën, noya noya ninahuëso niꞌsaran. Naporoꞌ nininëhuë shaꞌhuiarahuë. Caora nohuanto piyapiꞌsa nosororahuë. Co noyahuëꞌ nipirinahuëꞌ, nosoroato catahuarahuë.

Éxodo 6:3

Shimashonënpita iráca co nininëhuë chachin nohuitopihuëꞌ: “Sinioro,” co itërinacohuëꞌ: “Yosë yaꞌipi nanitaparinsoꞌ,” itërinaco topinan.

Jeremías 23:6

Ina copirno nicasoꞌ, Cota huënton israiroꞌsa chaꞌëponaꞌ. Aꞌnapita israiroꞌsantaꞌ, sano cancan quëran yaꞌhuëaponaꞌ. Nininën nohuitatonaꞌ, ‘Sinioro nichaꞌërinpoasoꞌ,’ itaponaꞌ,” tënin.

Mateo 1:23

“Aꞌna tahuëri nanon inaora cayoapon. Co quëmapiri sëꞌhuapirinhuëꞌ, napoapon. Quëmapiaꞌhuaya huaihuachin, Imanino itapi,” tënin. Yosë chachin oꞌmaton, yacaparinpoaꞌ, tapon naporin. Ina pochin nasitimahuachina, iráca ninopisoꞌ nanirin huachi.

Juan 17:26

Quëma nanamën nani aꞌchintërahuë nohuitinënquënso marëꞌ. Ipora huantaꞌ aꞌchintarahuë niꞌton, noya noya nohuitarinënquën. Quëma nosororancoso pochachin ninosorocaiso marëꞌ. Inapohuachinaꞌ, inapita yaꞌcoancantato, yaꞌhuëmiatarahuë,” itërin.

Juan 17:6

Quëma nohuanton, aꞌnaya aꞌnaya imasarinaco. Isoroꞌpaquë yaꞌhuëpirinahuëꞌ, huayonan imainacoso marëꞌ. Napoaton, imasarinaco. Nani aꞌchintërahuë. Onpopinsona quëma cancantëransoꞌ nani anitotërahuë niꞌton, nohuitërinënquën. Inapitasoꞌ quëma piyapinënpita. Iráca quëran huarëꞌ yonquiran imainacosoꞌ. Quëma nanamën natëpi.

Efesios 1:19

Quëmasoꞌ yaꞌipi nanitaparan. Natërainquën niꞌton, nani tahuëri catahuarancoi. Chini chiníquën nanantaton, nichaꞌërancoi. Catahuacoi ina yonquiatoi, chiníquën cancanchii.

Apocalipsis 15:3

Iráca Moisësë Yosëíchin natëton, inimiconënpita minsërahuaton, cantarin. Inapochachin isopitantaꞌ cantarapi. Carniroaꞌhua cantarinsontaꞌ cantarapi. “¡Ma noyanquëncha, Sinioro, quëmaso paya! Yaꞌipi nanitaparan. Ma noyacha catahuarancoi paya. Chiníquën nanantaton, noya ninan. Noya huaꞌanëntaton, noꞌtëquën anaꞌintëran. Co onporontaꞌ nonpinanhuëꞌ. Yaꞌipi piyapiꞌsaꞌ natëinënquën.