Deuteronomio 32:20 - Chayahuita (Shahui)

²⁰ Napoaton naporin: ‘Tëhuënchachin co noyahuëꞌ nipi. Huiꞌnahuëpita pochin niꞌpirahuëꞌ, co huachi natërahuëꞌ. Napoaton aꞌporahuato co huachi catahuapohuëꞌ. ¿Onpoꞌina taꞌma paꞌ? tënahuë.

Deuteronomio 32:20 ပူးပေါင်းရင်းမြစ်များ

Isaías 30:9

Isopitaso piyapinëhuëpita nipirinahuëꞌ, nisha nisha cancantatona co yanatërinacohuëꞌ. Co natantochináchinhuëꞌ cancantatonaꞌ, aꞌchintërahuësonta co nohuantopihuëꞌ natanacaisoꞌ.

Isaías 64:7

Co incoi tëranta chinotërainquënhuëꞌ. Quëmasáchin cancantaꞌhuaisoꞌ, co nohuantëraihuëꞌ. Napoaton naꞌpitatë pochin nitërancoi. Co noyahuëꞌ ninai niꞌton, aꞌporancoi.

Jeremías 18:17

Piꞌi pipirinso parti quëran ihuan huëꞌninso pochin israiroꞌsa aꞌpararahuë. Inimiconënapitari canahuachina taꞌananpiponaꞌ. Anaꞌintaꞌhuaso tahuëri nanihuachin, co huachi catahuapohuëꞌ,” tënin.

Mateo 17:17

—¡Maꞌhuantacha ninama paya! Canpitasoꞌ co Yosë natëramahuëꞌ. Co natëtochináchinhuëꞌ cancantëramaꞌ. Nani huaꞌquiꞌ aꞌchintopiranquëmahuëꞌ, ¿onporo huarëtaꞌ yanatëramaco? itahuaton, —Huaꞌhuasha quëshico, itërin Quisosori.

Marcos 9:19

—¡Maꞌhuantacha ninama paya! Canpitasoꞌ co Yosë natëramahuëꞌ. Co natantochináchinhuëꞌ cancantëramaꞌ. Nani huaꞌquiꞌ aꞌchintopiranquëmahuëꞌ, ¿onporo huarëtaꞌ yanatëramaco? Huaꞌhuasha quëshico, itërin Quisosori.

Lucas 18:8

Tahuëri nanihuachin, aꞌnaroáchin anaꞌintarin. Napoaponahuëꞌ oꞌmantahuato, ¿naꞌa yaꞌpitaꞌmaꞌ natëarinaco quënaimapo to?” itërin Quisosori.

Deuteronomio 31:29

Carimaso ipora nani camairanquëmaꞌ, noꞌtëquën imacamaso marëꞌ. Napoaponahuë nani chiminpato, ina aꞌporahuatoma nitapicancanaramaꞌ. Ina marëꞌ aꞌna tahuëri Yosë anaꞌintatënquëma aparisitarinquëmaꞌ. Sinioro niꞌsápirinquëmahuëꞌ, co noyahuëꞌ nisarama niꞌton, chiníquën anoꞌhuitaramaꞌ,” itërin Moisësëri.

Deuteronomio 32:5

Canpitaso paꞌpi co noyanquëmahuëꞌ. Yosë chachin nipirinhuëꞌ tëhuëtëramaꞌ. Co huiꞌninpita pochin nicaimaso yaꞌhuërinhuëꞌ.

Deuteronomio 9:23

Catisë Parniaquëntaꞌ, Sinioro camaitërinso co natëamaso nohuantëramahuëꞌ: ‘Noꞌpaꞌ quëtaranquëmaquë yaꞌconco huachi,’ itërinquëmaꞌ. Itopirinquëmahuëꞌ: ‘Co nimara Yosë catahuarinpoahuëꞌ,’ toconatomaꞌ, co natëramahuëꞌ.

2 Tesalonicenses 3:2

Aꞌnaquënso nipirinhuëꞌ co yaimapihuëꞌ. Paꞌpi co noyahuëꞌ cancantopi. Noꞌhuitonacoi, yaahuërinacoi ama aꞌchinaꞌhuaiso marëhuëꞌ. Yosë nontocoꞌ inapita quëran nichaꞌëincoi.

Hebreos 11:6

Yosë yonquihuatëhuaꞌ, natëtacasoꞌ yaꞌhuërin. “Yosë yaꞌhuárin. Noꞌtëquën nontërinpoaꞌ. Ina nontohuatëhuaꞌ, natanatonpoaꞌ catahuarinpoaꞌ,” topatëhuaꞌ, noya niꞌsarinpoaꞌ. Co ina pochin cancantohuatëhuahuëꞌ, co onporontaꞌ noya niꞌsarinpoahuëꞌ.