Deuteronomio 32:2 - Chayahuita (Shahui)

² Aꞌchinahuësoꞌ, oꞌnan pochin nicapon. Nonahuësonta poroncayo pochachin nisarin. Aca motoꞌ oꞌnani pacatoro shipitërinso pochin nicapon. Panpatoro iꞌshaquë taꞌsatërëso pochin nisarin.

Deuteronomio 32:2 ပူးပေါင်းရင်းမြစ်များ

2 Samuel 23:4

Ina pochin nipachin, tahuëririarinso pochin piyapiꞌsa catahuapon. Noyahuanquë piꞌi aꞌpininso pochin catahuatapon. Oꞌnan mëꞌtahuachina, panpatoro noya paporin. Ina pochin noya copirnoso catahuatapon,’ tënin.

Salmos 72:6

Pasto nipotohuatëra, oꞌnanpachina papotaantarin. Poroncayonta noꞌpaꞌ shipirotërin. Inapochachin copirnonëhuëi nicaton, catahuachin.

Oseas 14:5

Israiroꞌsa catahuato, poroncayo pochin nisarahuë. Inapitanta nirio yanco huësoatërinso pochin nitaparapi. Nara chiníquën itëhuanpachina, Nipano motopi pochin chinirin. Ina nara pochin israiroꞌsanta nisapi.

Oseas 6:4

Napopiramahuë Siniorosoꞌ: “Iprain huënton israiroꞌsanquëmaꞌ, Cota huënton israiroꞌsanquëmaꞌ, ¿Maꞌcha onpotatënquëma anoyachinquëma nicaya? Canpita nosororamacosoꞌ, co huaꞌquiarinhuëꞌ. Tashiramiachin chitoro iꞌcopihuachina, co huaꞌquirinhuëꞌ. Poroncayonta shipihuanpachina, aꞌnaroáchin yanirin. Inapita napopiso pochin nosororamacosoꞌ nisarin.

Amós 7:16

Napoaton quëmantaꞌ, Sinioro napotërinquënso natanquëꞌ: Quëmasoꞌ pënënatonco: “Quiyasoꞌ, Isaco quëran pipiraisopita israiroꞌsacoi. Inacoi niꞌtoi, Yosë maꞌsha onpotiincoiso yonquirinsoꞌ yashaꞌhuitopirancoihuëꞌ, ama ina shaꞌhuitocoisohuëꞌ,” itëranco.

Miqueas 5:7

Naporoꞌ aꞌnapitaso nisha nisha nacionquë quëpapirinahuëꞌ, yaꞌhuëhuanoꞌsa ahuëaponaꞌ. Oꞌnan, poroncayo, inapitaso co piyapiꞌsa nohuantaiquë huarëꞌ anotërinhuëꞌ. Siniorori aꞌpaimahuachina anotërin. Inapochachin inapitantaꞌ, yaꞌhuëhuanoꞌsa ahuëatona napotaponaꞌ.

Zacarías 10:1

Hebreos 6:7

Niꞌcoꞌ. Yaꞌpirin shaꞌpatëra, oꞌnan yaꞌhuëhuachina, papotërin. Huaꞌanënsoꞌ inaquë sacatarin. Noya nitohuachina, noya cancantërin. “Yosë nohuanton, noya papotërin,” tënin.