Deuteronomio 32:16 - Chayahuita (Shahui)

¹⁶ Yosëso mamanshiroꞌsa co quëꞌyapirinhuëꞌ, canpitaso inapita moshatomaꞌ, anoꞌhuitëramaꞌ. Inaporama niꞌton, aꞌpitatënquëma noꞌhuirinquëmaꞌ.

Deuteronomio 32:16 ပူးပေါင်းရင်းမြစ်များ

2 Reyes 23:13

Iráca Saromon copirnontaꞌ, Oriposë motopiquë sor parti quëran artaroroꞌsa anitërin. Asotariti mamanshi moshacaiso marëꞌ, anitërin. Inasoꞌ mamanshi, sitonoꞌsari mosharinsoꞌ. Quimosi mamanshi marëntaꞌ, anitërin. Inanta moaporoꞌsari mosharin. Mirico mamanshi marëntaꞌ, anitërin. Inasoꞌ, amonoꞌsari mosharin. Yaꞌipi ina mamanshiroꞌsa Siniorori co quëꞌyarinhuëꞌ. Napoaton Cosiasëri: “Ina artaroroꞌsasoꞌ, co Sinioro marëꞌ acopisohuëꞌ,” taꞌton, yaꞌipi ataꞌhuantërin.

Isaías 43:12

Ina quëran Sinioro taantarin: “Iráca chachin nichaꞌëcaꞌhuanquëmasoꞌ anitotëranquëmaꞌ. Napoaton nichaꞌëranquëmaꞌ. Co aꞌna mamanshi tëranta ina pochin nininhuëꞌ. Canpita nani niꞌnamaco.

Jeremías 2:11

¡Co inso nacionquë tërantaꞌ, yosënëna aꞌporahuatonaꞌ, aꞌna chinotaantapihuëꞌ! Inapitasoꞌ nonpin yosëroꞌsa imaponaraihuëꞌ, ¡co onporonta inapochinpihuëꞌ! Piyapinëhuëpitaso nipirinhuëꞌ, aꞌporinaco. Noya noya nipirahuëꞌ, mamanshiroꞌsa co manta catahuatopisopitahuëꞌ, imacaiso marëꞌ aꞌporinaco.

Jeremías 2:25

Canpitasoꞌ, mamanshiroꞌsa paꞌyatonëmaquë patë patë́rantaramaꞌ. Inapoatoma sapatë toꞌquiramaꞌ, yaniconopiraramaꞌ, naporamaꞌ. Ama inapocamaso marëhuëꞌ pënënpiranquëmahuëꞌ: ‘Co naporinhuëꞌ, nisharoꞌsa nosoroato, inapita imasarahuë,’ toconamaꞌ.

Jeremías 7:18

Huaꞌhuaroꞌsa ihuë yontonpi. Paꞌpinasoꞌ aꞌpëtopi. Aꞌshinantaꞌ, arina taparoatonaꞌ, cashin panoꞌsa nipi. Ina aꞌnotatonaꞌ, ‘Piꞌiroꞌtë huaꞌan paya’ itopisoꞌ mamanshi moshapi. Aꞌnapita mamanshi marëntaꞌ, ina pochin nitatona moshapi. Ina marëꞌ caso anoꞌhuitërinaco.

1 Corintios 10:22

Sopairoꞌsaꞌ yonquihuatamaꞌ, Yosë aꞌpitatënquëmaꞌ, noꞌhuiarinquëmaꞌ. ¿Ina nohuantëramaꞌ ti? ¡Inasoꞌ chini chiníquën nanantërin! Canpoasoꞌ co ina pochin chiníquën nanantërëhuahuëꞌ.

Deuteronomio 32:21

Mamanshi moshapi niꞌton, aꞌpitato noꞌhuitërahuë. Mamanshisoꞌ co máquënhuëꞌ nipirinhuëꞌ, chinotopi. Nisha piyapiꞌsa catahuarahuë niꞌton, canpitariso aꞌpitaramaꞌ. Inapitaso co yonquipirinacohuëꞌ, catahuarahuë. Ina marëꞌ canpitanta noꞌhuitaramaꞌ.

Deuteronomio 7:25

Mamanshinëna chinotopisoꞌ, ahuiquitaramaꞌ. Aꞌnaquën mamanshi oro quëran, prata quëran ina quëranpita tanónën pashitopi. Niꞌcona ina machináchin cancantotamaꞌ. Inapohuatamasoꞌ, co Sinioro nohuantërinsohuëꞌ nisaramaꞌ.