Deuteronomio 32:15 - Chayahuita (Shahui)

¹⁵ Noya nocomarinquëma niꞌton, israiroꞌsanquëma amonamaꞌ. (Maꞌsha amomiataton tomapiin tomapiin nininso pochin ninamaꞌ.) Napoaponahuëꞌ, cahuario yatoꞌtatërinso pochin, Yosë chachin acopirinquëmahuëꞌ, aꞌporamaꞌ. Noya paꞌpoyatënquëma nichaꞌëpirinquëmahuëꞌ, nocanamaꞌ.

Deuteronomio 32:15 ပူးပေါင်းရင်းမြစ်များ

2 Samuel 22:47

¡Sinioro quëmaso yaꞌhuëmiatëquëꞌ! ¡Ma noyacha quëmasoꞌ paꞌpoyarancoi paya! Quëmasoꞌ nichaꞌëranco, paꞌpoyaranco, napotëranco. Napotëranco niꞌton, shaꞌhuihuato naní quëran paꞌyachinën.

Nehemías 9:25

Naꞌa pairahuan ninanoroꞌsa yaꞌhuëpirinhuëꞌ. Noꞌpanënanta noya noya nipirinhuëꞌ. Pëiroꞌsaquënta notohuaroꞌ maꞌsha amëntatopi. Iꞌsha tapainanoꞌsaꞌ, oparoroꞌsaꞌ, oripororoꞌsaꞌ, nisha nisha cashinoꞌsaꞌ, inapita yaꞌhuëpirinhuëꞌ, yaꞌipi mapi. Inapoatona noya coshatopi, oꞌopi, napopi. Inapoatona amonpitërapi. Nosororan niꞌton, capa cancantopi.

Nehemías 9:26

Quëmarisoꞌ nosoropiranhuëꞌ, co natëtënënhuëꞌ anoꞌhuitërinën. Pënëntëransopita nocanatona aꞌpopi. Quëma marëꞌ pënëntopisopitanta tëpapi. Inapitari co noyahuëꞌ nipiso aꞌninquëchin shaꞌhuitopi: ‘Ina aꞌporahuatomaꞌ, Sinioroíchin tahuërëtocoꞌ,’ itopi. Napotopirinahuëꞌ, tëpapi. Inapoatona panca tëhuëtërinën.

Salmos 100:3

Yosëíchin chini chiníquën nanantërin. Ina nitotoco canpitantaꞌ. Inaso nininpoa niꞌton, huaꞌanëntërinpoaꞌ. Ina piyapinënpoa canpoasoꞌ. Ohuicaroꞌsa huaꞌanëni aꞌpairinso pochin noya aꞌpairinpoaꞌ.

Salmos 73:7

Paꞌpi amonpi niꞌton, tomari yaiꞌcopirayatárin. Co noyahuëꞌ nicacaisoráchin yonquimantapi.

Salmos 89:26

Nontohuachincora, ‘quëmaso tatahuënquën, Yosënëhuënquën, paꞌpoyaranco, nichaꞌëranco, napotëranco,’ itaponco.

Salmos 89:27

Carintaꞌ, paninanoꞌsa ahuaꞌanëntopiso pochin quëtarahuë. Yaꞌipi aꞌnapita copirnoroꞌsa quëran, chini chiníquën nanantarin.

Salmos 95:1

Huëco Yosë chinotahuaꞌ: “¡Ma noyanquëncha quëmaso paya!” itahuaꞌ. Inasoꞌ nóya aꞌpairinpoa niꞌton, capa cancantatëhua cantahuaꞌ. Inaíchin nichaꞌërinpoaꞌ.

Isaías 1:4

Oshahuanacasoráchin cancantëramasopita, ¡maꞌhuantacha nisarama paya! Canpitaso paꞌpi co noyahuëꞌ ninamaꞌ. Co noyahuëꞌ nipisopita huiꞌnarinquëmaꞌ. Nitapicancamiatëramaꞌ. Aꞌporamaco. Naporamaꞌ. Caso Yosëco noyasáchin ninahuë niꞌton, Israiro chinotërinco. Inaco nipirahuëꞌ, aꞌporamaco.

Isaías 43:1

Israiroꞌsanquëmaꞌ, nininquëmasoꞌ nontarinquëma natancoꞌ. Canpitaso Cacopo shinpitanquëma niꞌtomaꞌ, noya natancoꞌ: “Carinquëma nichaꞌëranquëma niꞌton, ama tëꞌhuacosohuëꞌ. Carima nininëma quëran përaranquëma niꞌton, huaꞌanëntëranquëmaꞌ.

Isaías 6:10

Piyapinëhuëpita yonquinëna tapitëquëꞌ. Nëꞌhuëya pochin cancanchinaꞌ. Somarayapiso pochin cancantatonaꞌ, ama manta noꞌtëquën yonquiꞌinasohuëꞌ. Shaꞌhuitërahuësoꞌ noꞌtëquën yonquipi naporini, oshanëna aꞌpoitonahuëꞌ. Inapopi naporini, co huachi anaꞌintaꞌhuasoꞌ yaꞌhuëitonhuëꞌ,” itërinco.

Jeremías 2:31

Canpitanta ipora yaꞌhuëramasopita, Sinioro shaꞌhuitërinpoasoꞌ noya natancoꞌ. Israiroꞌsanquëmaꞌ: Inotëroquësoꞌ, paꞌpi chiníquën piꞌi piꞌcatërin. ¡Co carimasoꞌ, inapochin aparisitëranquëmahuëꞌ! Noꞌpaꞌ nanin acopontaꞌ, huëhuëpiro tashinantërin. ¡Co carimaso ina pochin aꞌpayananquëmahuëꞌ! Canpitaso piyapinëhuëpitanquëma nipomarahuë napotëramaco: ‘Nani huachi quëmá quëran chaꞌërai. Co huachi onporo tërantaꞌ, tahuërëtarainquënhuëꞌ,’ itëramaco.

Jeremías 2:32

Nanon soꞌyarinso tahuëri nitaparinsopita, ¡co onporonta naniantërinhuëꞌ! Piyapinëhuëpitaso napoaponahuëꞌ, ¡nani huaꞌqui naniantërinaco!

Oseas 13:6

Napoaponahuëꞌ, naꞌcon naꞌcon cosharohuanahuatomaꞌ, nocantochináchin cancantëramaꞌ. Inapoatoma naniantëramaco.

Oseas 4:7

Naꞌcon naꞌcon corto huaꞌanoꞌsa yaꞌhuëapon pochin naꞌcon naꞌcon tëhuëtërinaco. Napoaton co huachi piyapiꞌsari noya niꞌsapihuëꞌ. Maꞌsha onpotapi tëhuënchinsoꞌ.

Hechos 28:27

Isopita piyapiꞌsaꞌ co natantochináchinhuëꞌ cancantopi. Nëꞌhuëya pochin cancantatonaꞌ, co yanatantopihuëꞌ. Tanshirinso pochin cancantatonaꞌ, co yaquënanpihuëꞌ. Noya niꞌpi naporini, quënaintonahuëꞌ. Noya natanpi naporini, cancanëna quëran natëchitonahuëꞌ. Co noyahuëꞌ yonquipisopita naniantatonaꞌ imarinaco naporini, anoyacancanchitohuëꞌ,’ itërin Yosëri,” tënin.

Hechos 9:5

“¿Inquëntaꞌ quëmasoꞌ, Sinioro?” itërin Saonori. “Ca Quisosoco, aparisitarancosoꞌ.

Deuteronomio 31:16

Naporoꞌ Siniorori Moisësë itapon: “Co huaꞌquiya quëranhuë quëmasoꞌ chiminapon. Aꞌnapitaso noꞌpaꞌ quëtarahuëquë yaꞌconpachinaꞌ, nisha cancantapi. Inapoatonaꞌ, nisha nisha mamanshiroꞌsa yaꞌhuëhuanoꞌsari moshapisoꞌ, moshatona aꞌpoaponaco. Inapitaroꞌco nani anoyatopirahuëꞌ, napoatona anoyatërahuëso tapiaponaꞌ.

Deuteronomio 31:20

Iráca shimashonënapita, shaꞌhuitërahuë: ‘Caso Yosëco niꞌto, iso noꞌpaꞌ shiparimapita quëtarahuë,’ itërahuë. Napotërahuëso chachin, inaquë ayaꞌcoanahuë. Inaquëso co manta pahuaninhuë niꞌton, inaquë yaꞌconatonaꞌ, natëaquë huarëꞌ coshataponaꞌ. Coshatatona amonpachinaꞌ, nisha nisha mamanshiroꞌsa tahuërëtaponaꞌ. Inapoatona nocanaponaco. Napoatona inapitaroꞌco anoyatërahuësoꞌ, tapiaponaꞌ.

Deuteronomio 32:4

Inasoꞌ, nóya paꞌpoyarinpoaꞌ. Maꞌsha nipachina, co tëhuërinhuëꞌ. Noꞌtëquënáchin nicaton nóya ninin. Inasoꞌ Yosë, noꞌtëquënáchin nonin. Topinansoꞌ co onporonta piyapi maꞌsha onpotërinhuëꞌ. Noꞌtëquënáchin ninin. Inaíchin Yosësoꞌ.

Deuteronomio 32:6

¡Co napochitomahuë pora! Napotatomaꞌ, co yonquiramahuë pochin niconamaꞌ. ¡Ina canpitaso nininquëmaꞌ! ¡Huiꞌninpita pochachin aꞌpairinquëmaꞌ! ¡Coꞌta ina acorinquëmaꞌ! ¡Ina nohuanton nacion ocoiramaꞌ!

Deuteronomio 33:26

Israiroꞌsanpoáchin noya noya Yosë chinotërëhuaꞌ. Co aꞌna ina pochin nininhuëꞌ. Cahuarioquë yaꞌmitërëso pochin, chiníquën nanantaton chitoro aipi catahuainpoaso marëꞌ oꞌmarin.

Deuteronomio 33:5

Yaꞌipi Israiro huëntonoꞌsanpoa niyontonëhuaquë, pënëntërinso nanan quëtërinpoaꞌ. Huaꞌanënpoapitanta inaquë niꞌsoiꞌ, quëtërinpoaꞌ. Naporoꞌ Siniorosoꞌ, copirnonënpoa yaꞌconin,” tënin.

1 Samuel 2:29

Nani camairanquëma maꞌsha chinotiinacoso marëꞌ quëpiso tëpatomaꞌ, ca marëꞌ ahuiquitamasoꞌ. Maꞌpitasona quëshirinacosontaꞌ, aꞌnotamacoso marëꞌ nani camairanquëmaꞌ. ¡Canpitaso co ina nocanamaso yaꞌhuërinhuëꞌ! ¡Ca naꞌcon naꞌcon paꞌyataancoso nipirinhuëꞌ, quëmasoꞌ huiꞌnanpita naꞌcon naꞌcon paꞌyatëran! Israiroꞌsa maꞌpitaso quëshihuachinacora, noya noya nininsoꞌ quëshirinaco. ¡Co ina naꞌcon naꞌcon maꞌpatatomaꞌ, canpitaso amomiatamaso yaꞌhuërinhuëꞌ!