Deuteronomio 31:9 - Chayahuita (Shahui)

⁹ Yaꞌipi isopita pënëntërinsoꞌ, Moisësëri quiricaquë ninshitërin. Ninshitahuaton Nihui huënton corto huaꞌanoꞌsaꞌ, yaꞌipi Israiro ansianoꞌsaꞌ, inapitari tapacaiso marëꞌ quëtërin. Corto huaꞌanoꞌsasoꞌ, Yosërëꞌ anoyatopiso caposonën quëpanaꞌpiroꞌsaꞌ.

Deuteronomio 31:9 ပူးပေါင်းရင်းမြစ်များ

1 Reyes 8:3

Yaꞌipi Israiro ansianoꞌsa canquihuachinara, corto huaꞌanoꞌsari Yosë caposonën quëpacaiso marëꞌ naranënpita patorotopisoꞌ mapi.

Éxodo 24:4

Ina quëran Yosë pënëntërinsoꞌ ama naniantacaiso marëhuëꞌ yaꞌipi ninshitërin. Tahuëririnquë aꞌcayan capayatahuaton, motopi nanimarinꞌpaꞌ, aꞌnara artaro ninin. Naporahuaton shonca cato naꞌpiroꞌsaꞌ, Yosë marëꞌ ahuanirin. Shonca cato huënton israiroꞌsanta yaꞌhuërin niꞌton, inanapo ahuanirin.

Daniel 9:13

Moisësë pënëntërinsoꞌ quiricaquë ninshitërinso pochachin paꞌpi chiníquën parisitërai. Inapoapiraihuëꞌ, co chinotërainquënhuëꞌ. Co noyahuëꞌ ninaisopitanta co aꞌporaihuëꞌ. Noꞌtë nanan aꞌchintërancoisontaꞌ, co imaraihuëꞌ.

Oseas 4:6

Co nohuitërinacohuëꞌ niꞌton, piyapinëhuëpita ataꞌhuantarahuë. Canpita corto huaꞌanoꞌsanquëma tëhuërama niꞌton, napotarahuë. Canpita chachinta co nohuitëramacohuëꞌ. Naporahuaton co nohuantëramahuëꞌ nohuitamacosoꞌ. Napoaton cantaꞌ, co corto huaꞌanoꞌsa pochin niꞌnanquëmahuëꞌ. Pënëntërahuësonta naniantërama niꞌquëhuarëꞌ, canta canpita quëran pipipisopita catahuacaꞌhuasoꞌ, naniantarahuë.

Malaquías 2:7

Ina pochin mini corto huaꞌanoꞌsasoꞌ, piyapiꞌsa aꞌchintacaiso yaꞌhuërin. Aꞌchintohuachinaꞌ, nohuitarinaco huachi. Yaꞌipi piyapiꞌsa inapitari aꞌchintacaiso marëꞌ paapacaiso yaꞌhuërin. Ca Sinioroco yaꞌipi nanitaparahuësoꞌ, inapita quëran anitotaranquëmaꞌ.

Malaquías 4:4

Tiquiapon pochin Siniorosoꞌ pënëntaton: “Piyapinëhuë Moisësë itopisoꞌ, Sinai motopiquë pënëntërahuësoꞌ aninshitërahuë. Ama ina naniantatomarahuëꞌ, yonquiráco. Inaquë nanamëhuë, camaitërahuësopita, inapita israiroꞌsanquëma natëcamaso marëꞌ quëtëranquëmaꞌ.

Marcos 12:19

—Iráca, Maistro, Moisësë ninshitërin pënëinpoaso marëꞌ. “Quëmapi saꞌaponahuë co huiꞌnin yaꞌhuëyátërasohuëꞌ saꞌin ayananpihuachin, ina iini chachin imoroën maantacasoꞌ yaꞌhuërin. Huiꞌnahuanpachin, iincoꞌ apoin inari yaꞌhuërëtacaso marëꞌ. Ina quëran mashotohuachin, maꞌshanën, noꞌpanën, inapita masarin,” tënin Moisësë.

Lucas 20:28

—Iráca Maistro Moisësë pënëninpoaꞌ: “Quëmapi saꞌaponahuë co huiꞌnin yaꞌhuëyátërasohuëꞌ saꞌin ayananpihuachin, ina iini chachin imoroën maantacasoꞌ yaꞌhuërin. Huiꞌnahuanpachin, iincoꞌ apoin inari yaꞌhuërëtacaso marëꞌ. Ina quëran mashotohuachin, maꞌshanën, noꞌpanën, inapita masarin,” tënin Moisësë ninshitaton.

Juan 1:17

Iráca Yosë nohuanton, Moisësë pënëntërin nani maꞌsha natëcasoꞌ. Pënëntopirinhuëꞌ, co yaꞌipiya anitotërinpoahuëꞌ. Quisocristoso nipirinhuëꞌ nosororinpoaꞌ. Noꞌtëquën nonaton, yaꞌipi nanamën anitotërinpoaꞌ.

Juan 1:45

Pinipiri Natanino yonisahuaton, quënanconin. —Nani iyasha Cristo quënanai, Yosë quiricanën quëran ninopisoꞌ. Moisësë, pënëntonaꞌpiroꞌsaꞌ, inapita ninotonaꞌ, inaquë ninshitopi. Inasoꞌ Quisoso, Cosi huiꞌnin. Nasaritoquë yaꞌhuërinsoꞌ, itërin.

Juan 5:46

Inasoꞌ, iráca ninotonco ninshitërin. Ina natëramaꞌ naporini, cantaꞌ natëitomacohuëꞌ.

Deuteronomio 31:28

Yaꞌipi ansianoꞌsaꞌ, yaꞌipi huaꞌanoꞌsanëmaꞌ, inapita isëquë quëcoꞌ. Canpita shaꞌhuitaranquëmaso chachin inapitanta shaꞌhuichi. Nani natanamaco niꞌton, noꞌtëquën shaꞌhuitaranquëmaꞌ. Piꞌiroꞌtëꞌ, isoroꞌpaꞌ, inapita yaꞌhuërinso niꞌnëhuaꞌ. Inapochachin shaꞌhuitaranquëmasontaꞌ, noꞌtëquën nisarin. Ina niꞌton: ‘Co shaꞌhuitërinpoahuëꞌ,’ co tosaramahuëꞌ.

Deuteronomio 33:10

Inahua mini israiroꞌsa aꞌchintapi. Pënëntëransopita, aꞌchinansopita, inapita aꞌchintapi. Chinotëranquënso pëi artaroꞌsaquë, yonarin pochin pimóchin aꞌpëpi. Maꞌsharoꞌsanta quëma marëꞌ tëpapisoꞌ, ahuiquitapi.

Josué 3:3

Papona pochin israiroꞌsa iso pochin camaipi: “Nihui huënton corto huaꞌanoꞌsari, Yosërëꞌquënpoa anoyatërëhuaso caposonën quëparapi niꞌsaramaꞌ. Quëparahuachinaꞌ, canpitarinta imacoꞌ.

Josué 6:12

Tahuëririnquë tashíramiachin Cosoisoꞌ capayataantarin. Yaꞌipi israiroꞌsanta capayatopi. Corto huaꞌanoꞌsantaꞌ, Sinioro caposonën maantarahuatona pitëantapi.