Deuteronomio 31:6 - Chayahuita (Shahui)

⁶ Ama tëꞌhuatoma nisha nisha cancantocosohuëꞌ. Inapitarëꞌquëma niahuëhuatamaꞌ, ama manta paꞌyancosohuëꞌ. Sinioronënpoasoꞌ Yosë niꞌton, catahuararinquëmaꞌ. Co onporonta patarinquëmahuëꞌ. Co naniantarinquëmahuëꞌ,” itërin Moisësëri.

Deuteronomio 31:6 ပူးပေါင်းရင်းမြစ်များ

Génesis 26:24

Naporo tashi Siniorori yaꞌnotahuaton itapon: “Caso Yosëco. Tataparin Apraan chinotërinco. Ama tëꞌhuaquësohuëꞌ. Carinquën caꞌtanatënquën catahuamiataranquën. Piyapinëhuë Apraan natërinco niꞌton, ca nohuanton shiparinpita naꞌamiatapon,” itërin.

Génesis 28:15

Niꞌquëꞌ. Carinquën caꞌtanaranquën. Intópanta paꞌpatan, carinquën aꞌpaiaranquën. Carinquën chachin iso noꞌpaquë quënantaranquën. Co onporonta pataranquënhuëꞌ, yaꞌipi shaꞌhuitëranquënsoꞌ naniquë huarëꞌ catahuararanquën,” itërin.

1 Reyes 6:13

Canpita yaꞌhuëramaso huáncana yaꞌhuëato, catahuaráponquëmaꞌ. Co onporonta pataranquëmahuëꞌ. Iso pëiquë nontohuatamaco, natanaranquëmaꞌ,” itërin.

1 Reyes 8:57

Sinioronënpoasoꞌ Yosë niꞌton, catahuainpoaꞌ. Shimashonënpoapita catahuarinso pochachin nichinpoaꞌ. Ama naniantatonpoarahuëꞌ, natëtochináchin cancantacaso marëꞌ catahuainpoaꞌ. Maꞌpitaso ninëhuaquë nohuantërinsoráchin nicatëhua pënëntërinsoꞌ natëahuaꞌ. Nohuantërinsopita, camaitërinsopita, inapitanta natëahuaꞌ. Yaꞌipi inapita natëcaiso marëꞌ shimashonënpoapita camairin.

Salmos 27:1

Sinioro, quëmasoꞌ aꞌpintatonco nichaꞌëranco. ¡Co insonta tëꞌhuataꞌhuaso yaꞌhuërinhuëꞌ! Sinioro, quëmasoꞌ paꞌpoyaranco niꞌton, noya yaꞌhuëarahuë. ¡Co inso tëranta tëꞌhuatarahuëꞌ!

Salmos 27:14

Napoaton chiníquën cancantato: “¡Siniorosoꞌ onpopionta catahuararinco! Chiníquën cancantato inasáchin ninarahuë. ¡Tëhuënchachin Sinioro catahuarinco!” tënahuë.

Isaías 41:10

Ama manta tëꞌhuacosohuëꞌ, caꞌtanaranquëmaꞌ. Ama paꞌyancosohuëꞌ. Caso Yosëco niꞌsáranquëmaꞌ. Carinquëma achiniatënquëma catahuaranquëmaꞌ. Chiníquën nanantato inchinanëhuë quëran sëꞌquëaranquëmaꞌ.

Jeremías 1:8

Ama insonta tëꞌhuatëquësohuëꞌ. Carinquën paꞌpoyaranquën. Caso Sinioroco niꞌto, noꞌtëquën shaꞌhuitaranquën,” itërinco.

Números 14:9

Napoaton Sinioro natëcoꞌ. Ama yaꞌhuëhuanoꞌsa tëꞌhuatocosohuëꞌ. Co oshatarihuahuëꞌ minsëcasoꞌ. Inahuaso co Yosë natëpihuëꞌ niꞌton, co incari tëranta catahuarinhuëꞌ. Canpoaso nipirinhuëꞌ, Sinioro chachin catahuararinpoaꞌ. ¡Ama manta tëꞌhuatocosohuëꞌ! itopi.

Lucas 12:32

Naquëranchin itaantarin: —Ama iyaroꞌsaꞌ paꞌyancosohuëꞌ. Ohuica pëꞌtahuanaꞌpi pochin nicato aꞌpaiaranquëmaꞌ. Caraichinquëmaꞌ nipomarahuëꞌ, Yosë noya niꞌninquëmaꞌ. Huaꞌanëntërinquë chachin ayaꞌconinquëmaꞌ.

1 Corintios 16:13

Ama huëꞌërëso pochin cancantatomarahuëꞌ, noya yonquicoꞌ. Yaꞌipi cancanëma quëran natëmiatocoꞌ. Maꞌsha onpoapomarahuëntaꞌ, chiníquën cancantocoꞌ. Niachinicancancoꞌ.

Efesios 6:10

Nani iyaroꞌsaꞌ pënënanquëmaꞌ. Yosë imatomaꞌ, nani tahuëri ina nontocoꞌ achinicancainquëmaꞌ. Inasoꞌ chini chiníquën nanantaton, yaꞌipi nanitaparin niꞌton, catahuarinquëmaꞌ.

Deuteronomio 31:23

Ina quëran Yosësoꞌ, Cosoi yaꞌhuërëꞌ tahuërëtahuaton itapon: “Ama tëꞌhuatonahuëꞌ, chiníquën cancantëquëꞌ. Israiroꞌsa noꞌpaꞌ quëtaꞌhuasoꞌ nani shaꞌhuitërahuë. Nani quëma huayonanquën israiroꞌsa ina noꞌpaquë poꞌmoamasoꞌ. Carinquën catahuaranquën inapotaran,” itërin.

Deuteronomio 31:7

Ina quëran Moisësësoꞌ, Cosoi përarin. Naporoꞌ yaꞌipi israiroꞌsa niꞌtonënquë, huaꞌan acocaso marëꞌ shaꞌhuitërin: “Ama tëꞌhuaton, nisha nisha yonquiquësohuëꞌ. Siniorori shimashonënpoapita iráca: ‘Caso Yosëco niꞌto, iso noꞌpaꞌ shiparimapita quëtarahuë,’ itërin. Naporinso chachin quëmari isopita quëparahuaton, ina noꞌpaꞌ ahuaꞌanëntaran.

Deuteronomio 31:8

Sinioro chachin quëchintaton noꞌtëquën quëpaarinquën. Co onporonta patarinquënhuëꞌ. Co naniantarinquënhuëꞌ. Napoaton ama manta tëꞌhuatëquësohuëꞌ,” itërin Moisësëri.

Deuteronomio 7:18

Ama inapita yonquiatoma tëꞌhuacosohuëꞌ. Sinioronënpoasoꞌ Yosë niꞌton, Iquipito copirno piyapinënpitarë chachin co oshatarinhuëꞌ minsëapon. Ina yonquicoꞌ.

2 Timoteo 2:1

Quëmantaꞌ api: “Quisocristo catahuarinco,” taꞌton chiníquën cancantëquëꞌ. Ina imapatëhuaꞌ, inaora nohuanton catahuarinpoaꞌ chiníquën cancantacasoꞌ. Huiꞌnahuë pochin nicatënquën, pënënaranquën.

Hebreos 13:5

Ama coriquiráchin paꞌyatocosohuëꞌ. Co naꞌcon maꞌsha yaꞌhuëtopirinquëmahuëꞌ, sano cancantocoꞌ. Ama naꞌcon naꞌcon nohuantocosohuëꞌ. Yosë chachin nani shaꞌhuitërinpoaꞌ. “Co onporontaꞌ pataranquëmahuëꞌ. Co naniantaranquëmahuëꞌ,” itërinpoaꞌ.

Josué 1:9

Carinquën camaiaranquën ama tëꞌhuatonhuëꞌ, chiníquën cancantacaso marëꞌ. Carinquën catahuaranquën. Insëquësona paꞌpatan caꞌtanaranquën. Napoaton ama paꞌyanquësohuëꞌ,” itërin Yosëri.

Apocalipsis 21:8

Aꞌnapitaso nipirinhuëꞌ parisitáponaꞌ. Ayaroꞌ tahuëri naꞌa piyapiꞌsaꞌ pënquë paꞌsapi. Tëꞌhuatonaꞌ aꞌpopisopita, co natëpisopitahuëꞌ, co natëtochináchinhuëꞌ cancantopisopita, tëpatonaꞌpiroꞌsaꞌ, monshihuaninsopita, pënotonoꞌsaꞌ, mamanshi chinotopisopita, nonpinaꞌpiroꞌsaꞌ, inapita panca sono shaꞌpimoꞌshirë chachin pën tënëntápaquë paꞌsapi. Inaquë parisitáponaꞌ. Huaranca huaranca piꞌipintaꞌ nipirinhuëꞌ, co onporontaꞌ pipiapihuëꞌ.

1 Samuel 12:22

Sinioronënpoasoꞌ Yosë chachin. Inaora nohuanton israiroꞌsanpoa huayoninpoaꞌ. Inasoꞌ, nani shaꞌhuitërinpoa aꞌpainpoasoꞌ. Co inasoꞌ aꞌpoarinpoahuëꞌ. Yaꞌipi shaꞌhuitërinpoasoꞌ acotarinpoaꞌ. Yaꞌipi isoroꞌpaquë yaꞌhuëpisopita noya nicatonaꞌ: “Ma noyacha inaso paya,” taꞌcaiso marëꞌ napotarinpoaꞌ.