Deuteronomio 31:30 - Chayahuita (Shahui)

³⁰ Ina quëran Moisësësoꞌ, Siniorori canta anitotërinsoꞌ, yaꞌipi israiroꞌsa niyontonpiquë aꞌchintërin:

Deuteronomio 31:30 ပူးပေါင်းရင်းမြစ်များ

2 Samuel 22:1

Siniorori Tapi nichaꞌërin. Copirno Saonocori inimicotaton yatëpapirinhuëꞌ, nichaꞌërin. Aꞌnapitarinta inimicotatona yatëpapirinahuëꞌ, nichaꞌërin. Ina yonquiaton iso pochin cantarin: “Quëmasáchin Sinioro paꞌpoyaranco. Naꞌpianaquë naꞌpirahuëso pochin yaꞌcopiranco. Quëmasáchin yánichaꞌëranco.

Juan 12:49

Co caora yonquinëhuë quëran aꞌchinahuëꞌ. Tata Yosë shaꞌhuitërinco nani maꞌsha aꞌchinaꞌhuasoꞌ.

Deuteronomio 31:1

Naquëranchin Moisësëri yaꞌipi israiroꞌsa nontaton itapon:

Deuteronomio 31:29

Carimaso ipora nani camairanquëmaꞌ, noꞌtëquën imacamaso marëꞌ. Napoaponahuë nani chiminpato, ina aꞌporahuatoma nitapicancanaramaꞌ. Ina marëꞌ aꞌna tahuëri Yosë anaꞌintatënquëma aparisitarinquëmaꞌ. Sinioro niꞌsápirinquëmahuëꞌ, co noyahuëꞌ nisarama niꞌton, chiníquën anoꞌhuitaramaꞌ,” itërin Moisësëri.

Deuteronomio 32:1

“Piꞌiroꞌtëꞌ, isoroꞌpaꞌ, canpitanta natancoꞌ. Piyapi pochin nicatoma natanco nonsarahuë.

Deuteronomio 32:44

Naporoꞌ Moisësë, Cosoi, inapitari yaꞌipi israiroꞌsa niyontonpiquë ina canta aꞌchinpi. Caniaritërin quëran, tiquiaquë huarëꞌ aꞌchinpi.

Deuteronomio 4:5

Yaꞌipi Sinioronënpoa pënëntërinsoꞌ, camaitërinsoꞌ, inapita shaꞌhuitërincosoꞌ nani aꞌchintëranquëmaꞌ. Noꞌpaꞌ manamaquë yaꞌhuëhuatamaꞌ, yaꞌipi inapita natëcoꞌ.

Hebreos 3:2

Yosëri acohuachina, noꞌtëquën natërin. Iráca Moisësëntaꞌ Yosë natëton, yaꞌipi piyapinënpita catahuarin.

Hebreos 3:5

Moisësësoꞌ inpriatonën pochin ninin. Yosëri acorin cotioroꞌsaꞌ pënënacaso marëꞌ. Maꞌsona tërantaꞌ shaꞌhuitohuachina, inachachin piyapiꞌsaꞌ shaꞌhuitantarin.