Deuteronomio 31:27 - Chayahuita (Shahui)

²⁷ Nani co natantochináchinhuëꞌ cancantëramasoꞌ, nitotërahuë. Niꞌcoꞌ. Nanpichinapo chachinta Sinioro co natëtomarahuë tëhuëtëramaꞌ. Aquëtë huarëꞌ nisarama chiminpatosoꞌ.

Deuteronomio 31:27 ပူးပေါင်းရင်းမြစ်များ

Nehemías 9:16

Napotopiranhuëꞌ, shimashonëhuëipitasoꞌ co natëtopihuëꞌ. Co natantochináchinhuëꞌ, cancantatonaꞌ, co natërinënhuëꞌ.

Nehemías 9:29

Quëma pënëntëransopitaráchin natëantatonaꞌ, yaꞌhuëcaiso pënënan. Pënënpiranhuëꞌ: ‘Noya quiyaora yaꞌhuëapoi,’ tënëso pochin cancantatona co natëtopihuëꞌ. Camaitëransopita, shaꞌhuitëransopita, inapita natëhuachina ananpitomiatacaso nipirinhuëꞌ, co natëtochináchinhuëꞌ cancantopi.

Isaías 30:9

Isopitaso piyapinëhuëpita nipirinahuëꞌ, nisha nisha cancantatona co yanatërinacohuëꞌ. Co natantochináchinhuëꞌ cancantatonaꞌ, aꞌchintërahuësonta co nohuantopihuëꞌ natanacaisoꞌ.

Hechos 7:51

Canpitaso nipirinhuëꞌ co piꞌpisha tërantaꞌ yanatëtëramahuëꞌ. Co natantochináchinhuëꞌ cancantëramaꞌ. Co onporontaꞌ Ispirito Santo yanatëramahuëꞌ. Iráca shimashonëmapita co noyahuëꞌ cancantopi. Inapita quëpatomaꞌ, inapochachin cancantëramaꞌ.

Deuteronomio 31:26

“Pënëntërinsoꞌ quirica ninshitërahuëso macoꞌ. Masahuatomaꞌ, Siniororëꞌquënpoa anoyatërëhuaso caposonën pirayan acocoꞌ. Inaquë yaꞌhuëcaso marëꞌ acocoꞌ. Inaquë yaꞌhuëaton, co natëtohuatamahuëꞌ Sinioro anaꞌintiinquëmaso yaꞌhuërinso ayonquiarinquëmaꞌ.

Deuteronomio 32:20

Napoaton naporin: ‘Tëhuënchachin co noyahuëꞌ nipi. Huiꞌnahuëpita pochin niꞌpirahuëꞌ, co huachi natërahuëꞌ. Napoaton aꞌporahuato co huachi catahuapohuëꞌ. ¿Onpoꞌina taꞌma paꞌ? tënahuë.

Deuteronomio 9:13

Ina tosahuaton, taantarin: ‘Israiroꞌsa niꞌsápato: “Tëhuënchachin pasopitasoꞌ co natantochináchinhuëꞌ cancantopi,” tënahuë. ¡Ama manta tëquësohuëꞌ! ¡Apiramiachin tiquichinaꞌi! Inapotohuato, co huachi incari tëranta inapita yonquiarinhuëꞌ. Quëma shiparinpita quëran tëhuëchinsoꞌ noya noya nacion ocoiarahuë,’ itërinco.

Deuteronomio 9:24

Yaꞌnan nohuitëranquëma quëran huarëꞌ, canpitaso co natantochináchinhuëꞌ cancantëramaꞌ. Ina pochin cancantatomaꞌ, co Sinioro natëramahuëꞌ.

Deuteronomio 9:4

Sinioro nohuanton nani inapita aꞌpahuatamaꞌ: ‘Noya ninëhuaso marëꞌ Sinioro catahuarinpoa inapita aꞌpatëhuaꞌ, noꞌpanëna matërëhuaꞌ,’ ama tocosohuëꞌ. Co ina marëꞌ aꞌparinhuëꞌ. Paꞌpi co noyahuëꞌ nipi niꞌton, aꞌparin.

1 Samuel 12:15

Co natëtatomarahuëꞌ camaitërinsopita aꞌpohuatamasoꞌ, inasoꞌ anaꞌintarinquëmaꞌ. Copirnonëmarë chachin anaꞌintarinquëmaꞌ.