Deuteronomio 31:20 - Chayahuita (Shahui)

²⁰ Iráca shimashonënapita, shaꞌhuitërahuë: ‘Caso Yosëco niꞌto, iso noꞌpaꞌ shiparimapita quëtarahuë,’ itërahuë. Napotërahuëso chachin, inaquë ayaꞌcoanahuë. Inaquëso co manta pahuaninhuë niꞌton, inaquë yaꞌconatonaꞌ, natëaquë huarëꞌ coshataponaꞌ. Coshatatona amonpachinaꞌ, nisha nisha mamanshiroꞌsa tahuërëtaponaꞌ. Inapoatona nocanaponaco. Napoatona inapitaroꞌco anoyatërahuësoꞌ, tapiaponaꞌ.

Deuteronomio 31:20 ပူးပေါင်းရင်းမြစ်များ

Nehemías 9:35

Noꞌpaꞌ ahuaꞌanëntëransosoꞌ, pancana nisahuaton noyaroꞌpaꞌ. Inaquë nani maꞌsha quëtëran. Inapotopiranhuëꞌ, co paꞌyatatënën chinotërinënhuëꞌ. Co noyahuëꞌ nipisonta co yaaꞌpopihuëꞌ.

Salmos 73:7

Paꞌpi amonpi niꞌton, tomari yaiꞌcopirayatárin. Co noyahuëꞌ nicacaisoráchin yonquimantapi.

Isaías 6:10

Piyapinëhuëpita yonquinëna tapitëquëꞌ. Nëꞌhuëya pochin cancanchinaꞌ. Somarayapiso pochin cancantatonaꞌ, ama manta noꞌtëquën yonquiꞌinasohuëꞌ. Shaꞌhuitërahuësoꞌ noꞌtëquën yonquipi naporini, oshanëna aꞌpoitonahuëꞌ. Inapopi naporini, co huachi anaꞌintaꞌhuasoꞌ yaꞌhuëitonhuëꞌ,” itërinco.

Jeremías 31:32

Naporosoꞌ, co huachi Iquipito quëran ocoiapo anoyatërahuëso pochin nisarinhuëꞌ. Iracaso inapitaroꞌco anoyatato huaꞌanëntopirahuëꞌ, inapitaso anoyatërahuësoꞌ tapipi.

Ezequiel 34:20

Naporamaso marëꞌ aꞌna tahuëri noya coisë pochin nicato, amonënoꞌsa anaꞌintarahuë. Nansëyaroꞌsaso nipirinhuëꞌ, catahuararahuë. Ca Sinioroco napotaranquëmaꞌ.

Oseas 13:6

Napoaponahuëꞌ, naꞌcon naꞌcon cosharohuanahuatomaꞌ, nocantochináchin cancantëramaꞌ. Inapoatoma naniantëramaco.

Oseas 6:7

(-)

Deuteronomio 6:3

Napoaton yaꞌipi israiroꞌsanquëma noꞌtëquën natëcamaso marëꞌ shaꞌhuitaranquëmaꞌ. Natëhuatamaꞌ, Yosë noꞌpaꞌ quëtarinquëmaquë noya yaꞌhuaramaꞌ. Inaquësoꞌ, co manta pahuaninhuëꞌ. Naporahuaton naꞌcon naꞌcon naꞌasaramaꞌ. Shimashonënpoapita Siniorori shaꞌhuitërinso chachin nisarin.

Deuteronomio 7:1

Naquëranchin Moisësëri israiroꞌsa nontaantarin: “Sinioroso Yosënënpoa niꞌton, catahuarinquëma noꞌpaꞌ quëtarinquëmaquë yaꞌconacamasoꞌ. Ina marëꞌ canchisë nacionoꞌsa aꞌpararin. Canpita quëran naꞌcon naꞌcon niꞌtona chini chiníquën nanantopirinahuëꞌ, aꞌpararin. Cananoꞌsaꞌ, itiroꞌsaꞌ, amororoꞌsaꞌ, huirisëroꞌsaꞌ, quiriquiroꞌsaꞌ, iporoꞌsaꞌ, quiposoroꞌsaꞌ, inapita itopisoꞌ aꞌpararin.

Deuteronomio 8:19

Napotopiranquëmahuëꞌ, ina naniantatoma nisha nisha mamanshiroꞌsa moshahuatamaꞌ, iporaquëranchin shaꞌhuitaranquëmaꞌ: Tëhuënchachin naꞌcon naꞌconquëma taꞌhuantarama tënahuë.

Deuteronomio 8:7

Sinioro chachin noyaroꞌpaquë ichiyaꞌconapënquëmaꞌ. Inaquësoꞌ, notohuaroꞌ iꞌsharoꞌsa yaꞌhuërin. Iꞌshanaroꞌsaꞌ, huinanoꞌsaꞌ, inapitanta motopiroꞌsaquë yaꞌhuërin. Motopianaroꞌsaquëntaꞌ, yaꞌhuërin.