Deuteronomio 31:2 - Chayahuita (Shahui)

² “Nani caso pasa cato shonca piꞌipitërahuë. Co huachi nanitërahuëꞌ áquë paꞌsápaꞌhuasoꞌ. Naporahuaton Sinioro chachin nani shaꞌhuitërinco: ‘Quëmasoꞌ co Cortaniiꞌ pëntontaranhuëꞌ,’ itërinco.

Deuteronomio 31:2 ပူးပေါင်းရင်းမြစ်များ

Salmos 90:10

Canchisë shonca piꞌíchin nanpiraiso nanirin. Chiníquënoꞌsasoꞌ, posa shonca nanipi. Ina nápo piꞌipi nanpitona nipaꞌyatopi. Napopirinahuëꞌ, naꞌcon naꞌcon sacai nipi. Naporahuatonaꞌ, aꞌnapitarinta amipi. Naporápirinahuëꞌ, aꞌnaroáchin tahuëri naꞌhuëhuachina, chiminapi anta huachi.

Éxodo 7:7

Moisësë posa shonca piꞌipitapasoꞌ, Aaronta posa shonca cara piꞌipitarin. Naporoꞌ Iquipito copirno nontopi.

Números 20:12

Moisësë, Aaron, inapitaso napoaponahuëꞌ, Yosëri itapon: —Canpitaso co natëtapomarahuëꞌ naporamaꞌ. Ina niꞌton, israiroꞌsa co chinotërinacohuëꞌ. Yaꞌipi cancanëma quëran natëtoma naporama naporini, israiroꞌsa chinochitonacohuëꞌ. Chinotatonaco: “¡Ma noyacha inaso paya!” ichitonacohuëꞌ. Napoaton canpitantaꞌ, noꞌpaꞌ quëtaranquëmaquë co yaꞌconaramahuëꞌ, itërin.

Hechos 20:25

Huaꞌquiꞌ yaꞌhuëramaquë paꞌsápato, Yosë huaꞌanëntërinpoasoꞌ aꞌchintopiranquëmahuëꞌ, apira paꞌsarahuë huachi. Co huachi quënanaramacohuëꞌ.

Hechos 7:23

Catapini shonca piꞌipitohuachina, aꞌnapita israiroꞌsaꞌ yonquiaton, paꞌnin niꞌtapon.

Deuteronomio 31:1

Naquëranchin Moisësëri yaꞌipi israiroꞌsa nontaton itapon:

Deuteronomio 34:7

Pasa cato shonca piꞌipitapasoꞌ chiminin. Chini mashorapaso niꞌton, co yaꞌpirionta sanpachátërapirinhuëꞌ naporin.