Deuteronomio 31:16 - Chayahuita (Shahui)

¹⁶ Naporoꞌ Siniorori Moisësë itapon: “Co huaꞌquiya quëranhuë quëmasoꞌ chiminapon. Aꞌnapitaso noꞌpaꞌ quëtarahuëquë yaꞌconpachinaꞌ, nisha cancantapi. Inapoatonaꞌ, nisha nisha mamanshiroꞌsa yaꞌhuëhuanoꞌsari moshapisoꞌ, moshatona aꞌpoaponaco. Inapitaroꞌco nani anoyatopirahuëꞌ, napoatona anoyatërahuëso tapiaponaꞌ.

Deuteronomio 31:16 ပူးပေါင်းရင်းမြစ်များ

Génesis 15:15

Quëmaso nipirinhuëꞌ, noyá mashoya nicama huarëꞌ chiminapon. Co parisitaranhuëꞌ. Inapoaton shimashonënpita quënancoanan.

Génesis 25:8

Nani noyá mashoya nipachina, mashori quëparin. Chiminpachina, shimashonënpita, quënancontarin huachi.

Génesis 47:29

Aꞌna tahuëri Cacoposoꞌ, nani chiminacaso yaꞌcaritërin ninatanin. Napoaton Cosi shaꞌhuitacaso marëꞌ aꞌnara aꞌparin. Huëꞌpachina, itapon: —Tëhuënchachin nosorohuatanco, nohuantërahuësoꞌ niquëꞌ. Ina yanipatansoꞌ, tonaroana sëꞌhuatoco. Sëꞌhuatatonco: “Yoscoarëꞌ nohuantëransoꞌ nisarahuë,” itocoꞌ. ¡Caso chiminpato, ama Yosë marëꞌ isëquë paꞌpitocosohuëꞌ!

Génesis 47:30

Shimashonëhuëpita quënanconaꞌhuaso tahuëri nanitohuachinco, Iquipito noꞌpa quëran quëpaco. Quëparahuatonco, inapita poꞌmopiquë, canta poꞌmoontaco, itërin. —Noyapaꞌ. Inapochinquën nipachin, itërin Cosiri.

2 Samuel 7:12

Aꞌna tahuëri chiminpatan, aꞌnara huiꞌnan copirno nicacaso marëꞌ acoarahuë.

1 Reyes 1:21

Coꞌsoꞌ ina pochin Saromon acoyátërasënquënhuëꞌ, maꞌsha onpohuatan, Atoniasë quiyasoꞌ tëpaponcoi.

1 Reyes 18:18

—Quëma tëhuëchinsoꞌ piyapinënpitarëꞌquën chachin Sinioro camaitërinso aꞌporan. Ina aꞌporahuatoma nisha nisha mamanshiroꞌsa Paaro nonanpisoꞌ mosharamaꞌ. Ina naꞌintërinquëma parisitaramaꞌ.

1 Reyes 19:10

“Quëmaso Sinioro Yosënquën, yaꞌipi nanitaparan. Napoaton paꞌpi aꞌpitëranquën. Israiroꞌsarëꞌquën anoyatëranso aꞌpopi. Artaronënpitantaꞌ, ohuatopi. Quëma marëꞌ pënëntopisopitantaꞌ, sahuëniquë tëpapi. Casáchin nipirinhuëꞌ, tëpainacoso marëꞌ yonisarinaco,” itërin Iniasëri.

2 Reyes 18:12

Sinioroso Yosënëna nipirinhuëꞌ, co natëpiso marëhuëꞌ inapotopi. Inapitarë anoyatërinsoꞌ, co natëpihuëꞌ. Moisësënta camaitërinsopita co natëpihuëꞌ. Inasoꞌ, Sinioro natëton noꞌtëquën camaitopirinhuëꞌ, co natëpihuëꞌ.

Salmos 73:27

Co imarinënquënsopitasohuëꞌ, quëmari ataꞌhuantapon. Aꞌporinënquënsopitantaꞌ, acopitapon.

Éxodo 32:6

Tahuëririnquë tashíramiachin capayatahuatonaꞌ, pëꞌtahuaroꞌsa tëpapi. Oshanëna marëꞌ itopisosoꞌ, yaꞌipi ahuiquitopi. Nanan anoyatopiso marëꞌ itopisonta tomaquën ahuiquitopi. Inaporahuatona coshatopi. Coshatatonaꞌ, oꞌosapi huachi. Naporapi quëran caniaritopi aꞌnaratipita co noyahuëꞌ nicatonaꞌ, capa cancantacaisoꞌ.

Éxodo 34:15

Inatohua yaꞌhuëpisopitarëꞌquëmaꞌ, ama maꞌsha marëꞌ tëranta anoyatocosohuëꞌ. Mamanshinëna moshacaiso marëꞌ maꞌsha tëpapisoꞌ caꞌpatotamaꞌ.

Jeremías 31:32

Naporosoꞌ, co huachi Iquipito quëran ocoiapo anoyatërahuëso pochin nisarinhuëꞌ. Iracaso inapitaroꞌco anoyatato huaꞌanëntopirahuëꞌ, inapitaso anoyatërahuësoꞌ tapipi.

Jeremías 36:7

Siniorori inapita paꞌpi noꞌhuiton huëhuëpiro nitacasoꞌ yonquirin. Tapona ina natanatonaꞌ, co noyahuëꞌ nipisoꞌ yaaꞌpoápirinahuëꞌ. Inapoatona Sinioro nontopi naporini, inariso nichaꞌëitonhuëꞌ,” itërahuë.

Oseas 1:2

Siniorori Osiasë yaꞌnan camaiapon: “Yaꞌipi israiroꞌsa aꞌporahuatonaco, soꞌina tëhuananpitopiso pochin nitërinaco. Napoaton quëmanta inapita aꞌchintaꞌhuaso marëꞌ, aꞌnara sanapi maquëꞌ. Ina masahuaton huiꞌnahuanquëꞌ. Inaso napoaponahuëꞌ, mananso piquëran tëhuananpitarinquën. Napoaton inaquë huiꞌnahuanansopitasoꞌ: ‘Monshihuantë sanapi huaꞌhuinpita,’ itaponaꞌ,” itërin.

Números 27:13

Nani niꞌpatan, inaquë chiminaran huachi. Inapoatan, iya masho Aaron pochachin shimashonënpita quënancoanan.

Hechos 13:36

Napoaponahuëꞌ, Tapisoꞌ Yosë natëton, piyapiꞌsaꞌ catahuarin. Ina quëran chiminin. Shimashonënpita pirayan paꞌpitopi. Nonën chanatërin.

Deuteronomio 31:18

Napopirinahuë tëranta caso aquë aquëtë co tahuërëtarahuëꞌ. Nisha nisha mamanshiroꞌsa moshatonaꞌ, paꞌpi co noyahuëꞌ nipiso marëꞌ, napotarahuë.

Deuteronomio 32:15

Noya nocomarinquëma niꞌton, israiroꞌsanquëma amonamaꞌ. (Maꞌsha amomiataton tomapiin tomapiin nininso pochin ninamaꞌ.) Napoaponahuëꞌ, cahuario yatoꞌtatërinso pochin, Yosë chachin acopirinquëmahuëꞌ, aꞌporamaꞌ. Noya paꞌpoyatënquëma nichaꞌëpirinquëmahuëꞌ, nocanamaꞌ.

Deuteronomio 32:50

Inaquë nanpëontarahuaton chiminaran. Inapoaton shimashonënpita quënancontaran. Iya masho Aaron, Or motopiquë chiminin. Inapoaton shimashonënpita quënanconinso pochachin, quëmanta nisaran.

Deuteronomio 34:5

Ina pochin Yosë piyapinën Moisësë itopiso chiminin. Moapo noꞌpaquë chachin chiminin. Siniorori shaꞌhuitërinso chachin ninin.

Deuteronomio 4:25

Noyaroꞌpaquë yaꞌconpatamaꞌ, huaꞌqui yaꞌhuëapoma pochin, huiꞌnamapita yaꞌhuëtarinquëmaꞌ. Shiparimapitanta yaꞌhuëtohuachinquëmaꞌ, mashotarama huachi. Co naporo tëranta mamanshi nicacaso yaꞌhuërinhuëꞌ. Sinioro naniantotamaꞌ. Ama manta nonanatomaꞌ, moshacosohuëꞌ. Co Sinioro natëtomahuëꞌ inapohuatamaꞌ, paꞌpi co noyahuëꞌ nisaramaꞌ. Ina marëꞌ chiníquën noꞌhuiarinquëmaꞌ.

Apocalipsis 19:2

Co topinan quëran anaꞌintërinhuëꞌ. Yaꞌipiya noꞌtëquën anaꞌintërin. Monshihuanaꞌpi pochin nininsoꞌ nani anaꞌintërin. Inasoꞌ notohuaroꞌ piyapiꞌsaꞌ anishacancantërin. Imapisopita tëpapi niꞌton, iꞌhuërëtërin,” topi.

Jueces 2:11

Israiroꞌsasoꞌ, Yosë aꞌpoatona paꞌpi co noyahuëꞌ niantapi. Siniorori chachin niꞌsápirinhuëꞌ, mamanshi Paaro itopisoꞌ moshacaiso caniaritopi.

Jueces 2:12

Sinioro chachin nipirinhuëꞌ, aꞌpopi. Shimashonënpitasoꞌ: “Inaíchin Yosësoꞌ,” taꞌtona imapirinahuëꞌ, inahuaso aꞌpopi. Inari nosoroaton Iquipito quëran ocoipirinhuëꞌ, naniantopi. Ina aꞌporahuatonaꞌ, yaꞌhuëhuanoꞌsa mamanshi moshapisopita moshapatopi. Inapohuachinara Yosëri noꞌhuípiro niꞌnin.