Deuteronomio 31:14 - Chayahuita (Shahui)

¹⁴ Ina quëran Siniorori, Moisësë itapon: “Niꞌquëꞌ, nani ora naniarin chiminamaso huachi. Napoaton Cosoi amatahuaton, catonquëma chachin chinotëramacoso nëꞌmëtë pëiquë pacoꞌ. Inaquë camaiarahuë maꞌsona Cosoi nicacasoꞌ,” itërin Yosëri. Napotohuachina cato chachin inaquë paꞌpi.

Deuteronomio 31:14 ပူးပေါင်းရင်းမြစ်များ

Génesis 47:29

Aꞌna tahuëri Cacoposoꞌ, nani chiminacaso yaꞌcaritërin ninatanin. Napoaton Cosi shaꞌhuitacaso marëꞌ aꞌnara aꞌparin. Huëꞌpachina, itapon: —Tëhuënchachin nosorohuatanco, nohuantërahuësoꞌ niquëꞌ. Ina yanipatansoꞌ, tonaroana sëꞌhuatoco. Sëꞌhuatatonco: “Yoscoarëꞌ nohuantëransoꞌ nisarahuë,” itocoꞌ. ¡Caso chiminpato, ama Yosë marëꞌ isëquë paꞌpitocosohuëꞌ!

1 Reyes 2:1

Tapisoꞌ nani yachiminin ninatanin. Napoaton huiꞌnin Saromon nontaton itapon: “Piyapico niꞌto cantaꞌ, co huaꞌquiya quëranhuëꞌ chiminarahuë huachi. Quëmaso nipirinhuëꞌ, quëmapi chachin huaniton, chiníquën cancantëquëꞌ.

Copo naporinso' 1:6

Aꞌna tahuëri Yosësoꞌ, anquëninënpita ayontonin. Inapitarë chachin shaꞌhuirapirinpoasoꞌ anquëni itopisontaꞌ, paꞌnin.

Copo naporinso' 2:1

Naquëranchin Yosësoꞌ, anquëninënpita ayontoantarin. Satanasënta inapitarë paantarin.

Éxodo 33:11

Yosëso Moisësë yanontohuachina, inaora chachin nontërin. Nipayarëhuasoꞌ nontërëso pochin ninin. Nani ninontohuachinara, Moisësëso yaꞌhuëpiquë huëantarin. Piyapinën Cosoi itopisoso nipirinhuëꞌ, co onporonta ina quëran pipichininhuëꞌ. Cosoisoꞌ, Non huiꞌnin. Naporoꞌ inasoꞌ, co saꞌayátërarinhuëꞌ.

Éxodo 33:9

Moisësë inaquë yaꞌconaton Yosërëꞌ ninontahuachina, chitoro naporopi nininso yaporitimarin. Yaporitimaton yaꞌcoanaquë chiniimarin.

Éxodo 34:2

Nani tapahuatan, iso Sinai motopiquë chachin, tashiraya tashíramiachin huënantaquëꞌ. Huiꞌnimotënquë carinquën ninaranquën.

Números 27:12

Aꞌna tahuëri Siniorori Moisësë itapon: —Aparin motopiquë pantarahuaton, israiroꞌsa noꞌpaꞌ quëtarahuësoꞌ notëquëꞌ.

Números 27:13

Nani niꞌpatan, inaquë chiminaran huachi. Inapoatan, iya masho Aaron pochachin shimashonënpita quënancoanan.

Números 27:18

—Non huiꞌnin Cosoi itëramasoꞌ, nani huayonato ispiritonëhuë ayaꞌcoancantërahuë. Ina sëꞌhuamotorahuaton, israiroꞌsa catahuacaso marëꞌ acoquëꞌ.

Romanos 12:1

Yosë naꞌcon nosororinpoaꞌ niꞌton, yaꞌipi cancanëma quëran, iyaroꞌsaꞌ, ina imacoꞌ. Iráca Yosë chinotohuachinara, maꞌsha tëpapi. Canpitaso nipirinhuëꞌ Yosë marëꞌ nanpitomaꞌ, nohuantërinsoráchin nicoꞌ. Ina yonquiatomaꞌ, nani tahuëri noyasáchin nicoꞌ. Ina Yosë nohuantërin. Inapohuatamaꞌ, Yosë noya chinotaramaꞌ.

Deuteronomio 31:13

Inapohuatamaꞌ, huiꞌnamapitanta co manta nitotopirinahuëꞌ, nitotapi. Nitotatona noya nicatonaco, pënëntërahuësopita, chiminaiquë huarëꞌ natëapi. Cortaniiꞌ pëntontohuatamaꞌ, inaquë noꞌpaꞌ yaꞌhuërinso masaramaꞌ. Inaquë napoaramaso huachi,” itërin Moisësëri.

Deuteronomio 31:2

“Nani caso pasa cato shonca piꞌipitërahuë. Co huachi nanitërahuëꞌ áquë paꞌsápaꞌhuasoꞌ. Naporahuaton Sinioro chachin nani shaꞌhuitërinco: ‘Quëmasoꞌ co Cortaniiꞌ pëntontaranhuëꞌ,’ itërinco.

Deuteronomio 31:23

Ina quëran Yosësoꞌ, Cosoi yaꞌhuërëꞌ tahuërëtahuaton itapon: “Ama tëꞌhuatonahuëꞌ, chiníquën cancantëquëꞌ. Israiroꞌsa noꞌpaꞌ quëtaꞌhuasoꞌ nani shaꞌhuitërahuë. Nani quëma huayonanquën israiroꞌsa ina noꞌpaquë poꞌmoamasoꞌ. Carinquën catahuaranquën inapotaran,” itërin.

Deuteronomio 32:50

Inaquë nanpëontarahuaton chiminaran. Inapoaton shimashonënpita quënancontaran. Iya masho Aaron, Or motopiquë chiminin. Inapoaton shimashonënpita quënanconinso pochachin, quëmanta nisaran.

Deuteronomio 34:5

Ina pochin Yosë piyapinën Moisësë itopiso chiminin. Moapo noꞌpaquë chachin chiminin. Siniorori shaꞌhuitërinso chachin ninin.

Deuteronomio 4:22

Napoaton caso iso Moapo noꞌpaquë chachin chiminarahuë. Co Cortaniiꞌ pëntontarahuëꞌ. Canpita tëhuënchinsoꞌ pëntontatomaꞌ, ina noyaroꞌpaꞌ huaꞌanëntaramaꞌ.

Josué 24:1

Siquimo ninanoquë Cosoi yaꞌipi Israiro huëntonoꞌsa ayontonin. Ansianoroꞌsaꞌ, huaꞌanoꞌsaꞌ, coisëroꞌsaꞌ, sontaro huaꞌanoꞌsaꞌ, inapita ayontonin. Sinioro chinotacaso marëꞌ nëꞌmëtë pëi ótënpisoꞌ notënanquë ayontonaton itapon: —Sinioro israiroꞌsanpoa chinotërëhuaso naporin: “Iráca shimashonëma Tari itopisoꞌ Iopiratisiiꞌ yonsanquë yaꞌhuërin. Huiꞌninpitasoꞌ: Apraan, Nacoro, inapita. Inaquë yaꞌhuëapona pochin inapitasoꞌ, nisha nisha mamanshiroꞌsa moshapi.

Judas 1:24

Tata Yosësoꞌ yaꞌipi nanitaparin. Noya aꞌpaiarinquëmaꞌ ama anotërëso pochin tëhuëcamaso marëhuëꞌ. Catahuahuachinpoaꞌ, co sopai minsëarinpoahuëꞌ. Noya noya tapararinpoaꞌ imamiatacaso marëꞌ. Aꞌna tahuëri yaꞌhuërinquë noya niꞌsarinpoaꞌ. Inatohuasoꞌ noya noya. Capa cancantarihuaꞌ. Tata Yosëíchin huaꞌanëntërinpoaꞌ. Ina nohuanton, Quisocristo nichaꞌësarinpoaꞌ. Inasáchin catahuarinpoaꞌ noya chinotacasoꞌ. Ma noyacha Tata Yosëso paya. Iráca quëra huarëꞌ chini chiníquën nanantërin. Noya noya niꞌton, yaꞌipi piyapiꞌsari chinochinaꞌ. Inasáchin natëahuaꞌ. Ama onporontaꞌ naniantahuasohuëꞌ. Amen. Nani huachi. Cotasë

1 Samuel 10:19

Iporaso napoaponahuëꞌ, nocanatomaco aꞌporamaco. Caso Yosënëmaco niꞌton, parisitërama quëran nichaꞌëranquëmaꞌ. Copirno huaꞌanëntiinquëmasoꞌ natanatomaco, naporamaꞌ. Iporaso nipirinhuëꞌ, nohuantëramaso chachin nitaranquëmaꞌ. Napoaton iporasoꞌ, niꞌtonëhuëquë aꞌna huënton aꞌna huënton yaꞌcaritocoꞌ. Huëntoaꞌhuaroꞌsantaꞌ, inapochachin nicatona yaꞌcarichinaꞌ,” tënin Yosë, itërin Samoirori.