Deuteronomio 31:12 - Chayahuita (Shahui)

¹² Naporoꞌ yaꞌipi Israiro quëmapiꞌsaꞌ, sanapiꞌsaꞌ, huaꞌhuaroꞌsaꞌ, inapita niyontonaponaꞌ. Nisharoꞌsanta ninanonëmaquë yacaparimasopita, huëcaponaꞌ. Huëcatonaꞌ, pënëntërahuëso nontopisoꞌ natanacaiso yaꞌhuërin. Ina quëran tëꞌhuatatonaco, noya nicainacosoꞌ nitotapi. Inapoatona yaꞌipi camaitërahuëso natëcaiso marëꞌ natanacaiso yaꞌhuërin.

Deuteronomio 31:12 ပူးပေါင်းရင်းမြစ်များ

Juan 5:39

Yosë quiricanën naꞌcon nontëramaꞌ. ‘Ina nontohuatëhuaꞌ, nanpimiatacaiso marëꞌ anitotarinpoaꞌ,’ tënamaꞌ. Napopiramahuëꞌ, co tëhuënchachin natëramahuëꞌ. Ina quiricaquë chachin ninorinaco.

Deuteronomio 31:13

Inapohuatamaꞌ, huiꞌnamapitanta co manta nitotopirinahuëꞌ, nitotapi. Nitotatona noya nicatonaco, pënëntërahuësopita, chiminaiquë huarëꞌ natëapi. Cortaniiꞌ pëntontohuatamaꞌ, inaquë noꞌpaꞌ yaꞌhuërinso masaramaꞌ. Inaquë napoaramaso huachi,” itërin Moisësëri.

Deuteronomio 4:10

Ina quëran itaantarin: “Iráca Sinai motopi notënanquë niꞌsëmaꞌ, Sinioro nontatonco napotërinco: ‘Israiroꞌsa ayontonquë nonahuësoꞌ natanacaiso marëꞌ. Noya nicatonaco chiminai huarëꞌ imainacoso marëꞌ pënënarahuë. Ina quëran huiꞌninapitanta aꞌchintohuachinaꞌ, inahuanta imasarinaco,’ itërinco.