Deuteronomio 31:1 - Chayahuita (Shahui)

¹ Naquëranchin Moisësëri yaꞌipi israiroꞌsa nontaton itapon:

Deuteronomio 31:1 ပူးပေါင်းရင်းမြစ်များ

Deuteronomio 1:1

Moisësësoꞌ, israiroꞌsa camaicaso marëꞌ Cosoi acorin. Ina acorahuaton, yaꞌipi israiroꞌsaꞌ, pënëantarin. Arapa inotëroquë nicasoiꞌ, naporoíchin pënënin huachi. Inasoꞌ noꞌpaꞌ Cortaniiꞌ quëran, piꞌi pipirinso parti quëparitërin. Ina roꞌtë chachin Moapo canonamatë itopi antaꞌ. Aꞌnatëran Sopë ninano nisahuaton, Paran ninano yaꞌhuërin. Aꞌnatëraontaꞌ, Tohuiro, Napan, Asiroto, Tisaapa, inapita ninanoroꞌsa yaꞌhuërin.

Deuteronomio 30:20

Sinioronënpoasoꞌ Yosë niꞌton, inasáchin cancantatoma nosorocoꞌ. Nosoroatoma noꞌtëquën natëcoꞌ. Inapohuatamaꞌ, huaꞌqui tahuëri noꞌpaꞌ quëtarinquëmaquë, yaꞌhuëaramaꞌ. Nani shimashonëmapita Apraan, Isaco, Cacopo, inapita: ‘Caso Yosëco niꞌto, shiparimapita iso noꞌpaꞌ quëtarahuë,’ itërin,” tënin Moisësë.

Deuteronomio 31:2

“Nani caso pasa cato shonca piꞌipitërahuë. Co huachi nanitërahuëꞌ áquë paꞌsápaꞌhuasoꞌ. Naporahuaton Sinioro chachin nani shaꞌhuitërinco: ‘Quëmasoꞌ co Cortaniiꞌ pëntontaranhuëꞌ,’ itërinco.

Deuteronomio 31:30

Ina quëran Moisësësoꞌ, Siniorori canta anitotërinsoꞌ, yaꞌipi israiroꞌsa niyontonpiquë aꞌchintërin: