Deuteronomio 30:8 - Chayahuita (Shahui)

⁸ Canpitaso nipirinhuëꞌ, Sinioroíchin, tahuërëtaantahuatoma chinotaramaꞌ. Camaitërinsopitanta ipora shaꞌhuitëranquëmasoꞌ, natëaramaꞌ.

Deuteronomio 30:8 ပူးပေါင်းရင်းမြစ်များ

Jeremías 31:33

Naporo tahuëriꞌsa israiroꞌsarëꞌco anoyatohuato, iso pochin nisarahuë: Aꞌchintërahuësopita yonquinëna quëran anitotarahuë. Ina nitotohuachinaꞌ, noꞌtëquën natëtacaisoꞌ catahuararahuë. Casáchin chinotarinaco. Inapitanta piyapinëhuëpita nisapi.

Jeremías 36:3

Tapona Cota huënton israiroꞌsa huëhuëpiro yonquirapirahuëso nitotatonaꞌ, co noyahuëꞌ nipisoꞌ yaaꞌpoápirinahuëꞌ. Inapopi naporini, co noyahuëꞌ nicatona oshahuanpisoꞌ, inquichitohuëꞌ,” itërinco.

Ezequiel 36:27

Ispiritonëhuë chachin ayaꞌcoancantaranquëma niꞌton, pënëntërahuësopita natëaramaꞌ. Nanamëhuënta natëaramaꞌ.

Ezequiel 37:24

Piyapinëhuë Tapi itërahuësoari copirnonëna nisarin. Naporahuaton inaíchin ohuicaroꞌsa huaꞌanën pochin nicaton, piyapinëhuëpita aꞌpairarin. Naporo huarëꞌ pënëntërahuësopita, shaꞌhuitërahuësopita, inapita natëponaꞌ.

Efesios 2:16

Naporahuaton, co huachi Yosë inimicotërëhuahuëꞌ. Quisocristo corosëquë chiminaton, nanan anoyatërinpoaꞌ. Catoꞌ huënton pochin nipirëhuahuëꞌ, Quisocristo imapatëhuaꞌ, noya ninicatëhuaꞌ yaꞌhuërëhuaꞌ. Aꞌna huëntoíchin ninëhuaꞌ.

Deuteronomio 30:2

Mamanshiroꞌsa chinotapiramahuëꞌ, Sinioroíchin chinotaantahuatamaꞌ, noya niꞌsarinquëmaꞌ. Ipora camairanquëmasopita yaꞌipi cancanëma quëran nisahuaton, yaꞌipi huaꞌyanëma quëran natëantamaso yaꞌhuërin. Shiparimapitanta ina pochachin nicacaiso yaꞌhuërin.

Deuteronomio 30:7

Sinioronënpoasoꞌ Yosë niꞌton, yaꞌipi anaꞌintiinquëmaso shaꞌhuirinsoꞌ, inimiconëmasaꞌ anaꞌintapon. Co quëꞌyarinënquëmasopitasaꞌ inapotapon.

Deuteronomio 30:9

Inapohuatamaꞌ, maꞌpitaso ninamaquë catahuamiatarinquëmaꞌ. Napoaton, naꞌa huiꞌnama yaꞌhuëtarinquëmaꞌ. Pëꞌtahuanëmanta notohuaroꞌ naꞌapon. Shanëmapitanta notohuaroꞌ nitapon. Tëhuënchachin mini noya nicatënquëma catahuantarinquëmaꞌ. Iráca shimashonëmapita noya nicaton catahuarinso pochachin nitarinquëmaꞌ.

Filipenses 2:13

Co noyahuëꞌ cancantatomaꞌ, co canpitaora nanitëramahuëꞌ Yosë natëcamasoꞌ. Nipirinhuëꞌ, Yosë nontohuatamaꞌ, catahuarinquëmaꞌ nohuantacasoꞌ. Ina quëran Yosë yanatëhuatamaꞌ, inari chachin catahuarinquëmaꞌ noꞌtëquën natëcamasoꞌ. Inasoꞌ noya noya ayonquiarinquëmaꞌ.