Deuteronomio 30:3 - Chayahuita (Shahui)

³ Inapohuatamaꞌ, co huachi Sinioro anaꞌintarinquëmahuëꞌ. Nosoroatënquëma noya acoantarinquëmaꞌ. Shiparimapitanta inimicoroꞌsari nisha nisha nacionoꞌsaquë ayanquëpirinahuëꞌ, Siniorori ayontoantarin.

Deuteronomio 30:3 ပူးပေါင်းရင်းမြစ်များ

Génesis 28:15

Niꞌquëꞌ. Carinquën caꞌtanaranquën. Intópanta paꞌpatan, carinquën aꞌpaiaranquën. Carinquën chachin iso noꞌpaquë quënantaranquën. Co onporonta pataranquënhuëꞌ, yaꞌipi shaꞌhuitëranquënsoꞌ naniquë huarëꞌ catahuararanquën,” itërin.

Génesis 48:21

Ina quëran Cosi tahuërëtahuaton itapon: —Niꞌquëꞌ. Caso chiminapo huachi. Yosëso nipirinhuëꞌ, yaꞌhuëmiataton catahuarinquëmaꞌ. Inari chachin shimashonëma noꞌpanënquë quëpanantaponquëmaꞌ.

Nehemías 1:9

Napoaponahuëꞌ, co noyahuëꞌ yonquiramasopita aꞌporahuatoma casáchin tahuërëtaantahuatamaco, noya niꞌsaranquëmaꞌ. Camaitërahuësopita noya natëantahuatamaꞌ, huayonahuëso noꞌpaquë chachin chinotaantaramaco. Noꞌpaꞌ nanirinquë huarëꞌ quëpapirinënquëmahuë tërantaꞌ, isëquë chachin quëantaranquëmaꞌ,’ itërancoi.

Copo naporinso' 42:10

Amiconënpita marëꞌ Copo Yosë nontohuachina, inaora chachinta noyatahuaton, noya noya yaꞌhuëantarin. Iꞌhua yaꞌhuëtërin quëran naꞌcon naꞌcon yaꞌhuëtaantarin.

Salmos 107:3

Nisha nisha noꞌparoꞌsa quëran ayontoantarinpoaꞌ. Norti quëran, sor quëran, piꞌi pipirin parti quëran, yaꞌconinso parti quëran, yaꞌipi inaquëranpita ayontoninpoaꞌ.

Isaías 43:5

Ama tëꞌhuacosohuëꞌ, carinquëma caꞌtanaranquëmaꞌ. Piꞌi pipirin parti quëran, yaꞌconin parti quëran, inaquëranpita yaꞌhuëramaquë chachin quëantaranquëmaꞌ.

Isaías 54:7

“Co huaꞌqui marëꞌ aꞌporanquëmahuëꞌ. Inapotopiranquëmahuëꞌ, nosoromiatatënquëma naquëranchin maantaranquëmaꞌ.

Jeremías 23:3

Huaꞌqui quëran napoaponahuëꞌ, piyapinëhuëpita ayontoantarahuë. Nisha nisha parti aꞌparahuë quëran huënantaponaꞌ. Ohuicaroꞌsa pastonënquë chachin quënantahuatëra, naꞌantarinso pochin inapitanta nitarahuë.

Jeremías 31:10

Naquëranchin Sinioro taantarin: “Nisha nisha nacionquë yaꞌhuëramasopitantaꞌ, natanco Sinioro nontarinquëmaꞌ: Ina quëran marë soꞌtonoꞌsaquë áquë yaꞌhuëpirinahuëꞌ, shaꞌhuitoncoꞌ: ‘Sinioro nohuanton israiroꞌsa yanquëëpi. Inapotopirinhuëꞌ, ayontoantarahuaton noya aꞌpaiantapon. Aꞌpairinsoari ohuicaroꞌsa noya aꞌpairinso pochin noya aꞌpaiantapon,’ itoncoꞌ.

Ezequiel 36:24

Carima yaꞌipi inapita noꞌparoꞌsa quëran ocoiaranquëmaꞌ. Nisha nisha piyapiꞌsa yaꞌhuëpi quëran ocoirahuatënquëmaꞌ, ayontonaranquëmaꞌ. Inapotatënquëmaꞌ, yaꞌhuëramaso noꞌpaquë chachin quëpaantaranquëmaꞌ.

Miqueas 7:19

Iporanta Sinioro nosoroantacoi. Co noyahuëꞌ ninaisoꞌ inquitatoncoi paꞌpitatë pochin nitëquëꞌ. Marë anpotërinquë maꞌsha tëꞌyaitopiso pochin oshanëhuëinta nitëquëꞌ.

Romanos 11:23

Naporahuaton israiroꞌsantaꞌ imaantahuachinaꞌ, Yosëri piyapinënpita pochin niantarin. Nara sëꞌparaꞌhuain achinpitantarëso pochin acoantarin. Yosë niꞌton, nanitaparin.

Romanos 11:26

Aꞌna tahuëriso nipirinhuëꞌ yaꞌipi israiroꞌsantaꞌ chaꞌësapi huachi. Yosë quiricanënquë ninorinso pochachin imaantapi. Iráca ninshitaton, naporin: “Aꞌna tahuëri aꞌnaraꞌ Israiro quëmapi Quirosarin quëran oꞌmararin piyapi nichaꞌëcaso marëꞌ. Cacopo shinpita co noyahuëꞌ yonquipisoꞌ ananiantarin.

Romanos 11:31

Iporasoꞌ israiroꞌsaꞌ co natëpihuëꞌ. Co natëhuachinarahuëꞌ, Yosë catahuarinquëmaꞌ. Ina niꞌpachinaꞌ, yonquiantaponaꞌ niꞌton, aꞌna tahuëri inahuantaꞌ nosoroaton, catahuaantarin.

Deuteronomio 4:27

Nisha nisha nacionoꞌsaquë Sinioro nohuanton, quëpaponënquëmaꞌ. Inaquënta napoaponahuëꞌ, naꞌcon naꞌconquëma chiminaramaꞌ. Caraíchinquëma co chiminaramahuëꞌ.