Deuteronomio 30:2 - Chayahuita (Shahui)

² Mamanshiroꞌsa chinotapiramahuëꞌ, Sinioroíchin chinotaantahuatamaꞌ, noya niꞌsarinquëmaꞌ. Ipora camairanquëmasopita yaꞌipi cancanëma quëran nisahuaton, yaꞌipi huaꞌyanëma quëran natëantamaso yaꞌhuërin. Shiparimapitanta ina pochachin nicacaiso yaꞌhuërin.

Deuteronomio 30:2 ပူးပေါင်းရင်းမြစ်များ

Nehemías 1:9

Napoaponahuëꞌ, co noyahuëꞌ yonquiramasopita aꞌporahuatoma casáchin tahuërëtaantahuatamaco, noya niꞌsaranquëmaꞌ. Camaitërahuësopita noya natëantahuatamaꞌ, huayonahuëso noꞌpaquë chachin chinotaantaramaco. Noꞌpaꞌ nanirinquë huarëꞌ quëpapirinënquëmahuë tërantaꞌ, isëquë chachin quëantaranquëmaꞌ,’ itërancoi.

Jeremías 36:3

Tapona Cota huënton israiroꞌsa huëhuëpiro yonquirapirahuëso nitotatonaꞌ, co noyahuëꞌ nipisoꞌ yaaꞌpoápirinahuëꞌ. Inapopi naporini, co noyahuëꞌ nicatona oshahuanpisoꞌ, inquichitohuëꞌ,” itërinco.

Oseas 3:5

Ina piquëran israiroꞌsasoꞌ, Yosë chachin tahuërëtaantaponaꞌ. Naporahuaton aꞌnara Tapi copirno shiin, copirnonëna nisarin. Tahuëri yanitiquirahuachin, Sinioro noya nicatonaꞌ, chinotapi. Inapotohuachina inarintaꞌ, noya nicaton catahuaantapon.

2 Corintios 3:16

Quisocristo imapatëhuaꞌ, co huachi nipaꞌcopirayatërëso pochin cancantarihuahuëꞌ. Sinioro noya nohuitarihuaꞌ.

Efesios 6:24

Quisocristo huaꞌanëntarinpoaꞌ. Ina nosoromiatohuatamaꞌ, inaora nohuanton, Yosë noya catahuainquëmaꞌ, tënahuë. Amen. Nani ninshitëranquëma huachi. Paono

Deuteronomio 13:3

Napotohuachinquëmaꞌ, ama natëtocosohuëꞌ: ‘¿Tëhuënchachin taꞌma yaꞌipi cancanëna quëran, yaꞌipi huaꞌyanëna quëran nosororinaco ti?’ taꞌton, Sinioro tëniarinquëmaꞌ.

1 Juan 1:9

Onporosona co noyahuëꞌ nipatëhuaꞌ, Yosë nontahuaꞌ. “Tëhuënchachin co noyahuëꞌ nicato, oshahuanco,” topatëhuaꞌ, Yosë oshanënpoaꞌ inquitarinpoaꞌ. Co nonpintërinpoahuëꞌ. Quisocristo chiminin niꞌton, nanitërin yaꞌipi oshanënpoaꞌ inquitinpoasoꞌ. Noyápiachin cancan quëtarinpoaꞌ.