Deuteronomio 26:9 - Chayahuita (Shahui)

⁹ Nani nichaꞌërahuatoncoi, iso noꞌpaquë quënancoi. Isëquësoꞌ, co manta pahuaninhuëꞌ.

Deuteronomio 26:9 ပူးပေါင်းရင်းမြစ်များ

Salmos 105:44

Nisha nisha nacionoꞌsari noꞌpaꞌ huaꞌanëntopiso osërëtahuaton, inapita quëtërin. Sacatatona acopisopitantaꞌ, inapotërin.

Hechos 26:22

Yosësoꞌ catahuarinco, chaꞌërahuë. Napoaton ipora huantaꞌ natëarahuë. Yaꞌipi piyapiꞌsaꞌ huaꞌanoꞌsa quëran huarëꞌ shaꞌhuitarahuë. Moisësë, pënëntonaꞌpiroꞌsaꞌ, inapita ninopiso chachin aꞌchinarahuë:

Deuteronomio 26:15

Quëmasoꞌ, inápaquë noya noya pëiquë yaꞌhuërëso pochin yaꞌhuëtëran. Inaquë yaꞌhuëaponahuëꞌ, isoroꞌpaquë yaꞌhuëraiso nitotëran. Israiroꞌsacoisoꞌ, quëma piyapinënpitacoi niꞌton, catahuamiatocoi. Noꞌpaꞌ quëtërancoisontaꞌ, nóya. Co manta pahuaninhuëꞌ. Shimashonëhuëpita shaꞌhuitëranso chachin ninin. Inantaꞌ, noya yonquirapiquëꞌ. Quëma nohuanton nani maꞌsha shaꞌnaisopita noya noyachin,’ tosaran,” itërin.

Deuteronomio 6:3

Napoaton yaꞌipi israiroꞌsanquëma noꞌtëquën natëcamaso marëꞌ shaꞌhuitaranquëmaꞌ. Natëhuatamaꞌ, Yosë noꞌpaꞌ quëtarinquëmaquë noya yaꞌhuaramaꞌ. Inaquësoꞌ, co manta pahuaninhuëꞌ. Naporahuaton naꞌcon naꞌcon naꞌasaramaꞌ. Shimashonënpoapita Siniorori shaꞌhuitërinso chachin nisarin.

1 Samuel 7:12

Ina quëran Samoirosoꞌ, panca naꞌpi macacaiso camaitërin. Ina macatona Mispa quëran Sën itopiso motopiaꞌhuayaquë ira paꞌninsoꞌ huáncana acorin. Ina naꞌpi acorinsoꞌ, aninihuanin: “Ipini-sëri,” itërin. “Isëquë huarëꞌ Sinioro catahuarinpoaꞌ,” tapon ina pochin nohuitërin.