Deuteronomio 26:7 - Chayahuita (Shahui)

⁷ Naporoꞌ Sinioro nontëranquën huachi: “Quëmasáchin Yosënquën. Shimashonëhuëipita chinotërinënquën. Nosoroatoncoi catahuacoi,” itërainquën. Napotohuatëinquën, natanancoi huachi. Aparisitërinacoiso niꞌsahuaton, yacatahuarancoi huachi.

Deuteronomio 26:7 ပူးပေါင်းရင်းမြစ်များ

Génesis 21:17

Yosëri, huiꞌnapi naꞌnërinsoꞌ natanin. Napoaton Yosë anquëninëni, inápa quëran përasahuaton nontërin: “¿Maꞌta Acara onporan? ¡Ama paꞌyanquësohuëꞌ! Yosëri, huiꞌnapi naꞌnërinsoꞌ natanin.

Génesis 29:32

Niasoꞌ, cayorahuaton quëmapiaꞌhuaya huairin. Inasoꞌ, Nopino itërin. “Sinioro sëtërahuësoꞌ nicaton, catahuarinco. Huaꞌhuanahuë niꞌton, iporasoꞌ soꞌyahuë nosoroaponco huachi,” taꞌton, ina pochin huaꞌhuin nohuitërin.

2 Samuel 16:12

Ipora parisitërahuësoꞌ Sinioronta niꞌsarin. Tapona ipora ina noꞌhuirincoso marëꞌ, Sinioro yacatahuápirincohuëꞌ, itërin.

Salmos 119:132

Nosororinënquënsopitasoꞌ, noya nicaton nosororan. Ina pochin cantaꞌ, noya nicatonco nosoroco.

Éxodo 2:23

Napoyan quëran Iquipito copirno chiminin huachi. Aꞌna yaꞌhuërëꞌ yaꞌcoantaponahuëꞌ, inanta israiroꞌsa co nosororinhuëꞌ. Inachachin asacatapi. Chiníquën parisitatonaꞌ, naꞌnë naꞌnë́rantapi. Napoatona Yosë nontopi huachi: “Catahuacoi Sinioro. Chiníquën parisitarai. Nichaꞌëcoi,” itopi. Napopisoꞌ Yosëri natanin.

Éxodo 4:31

Ansianoꞌsasoꞌ, yaꞌipi natëpi. Parisitapirinahuë Yosëri yacatahuarinso natanahuatonaꞌ, noꞌpaquë huarëꞌ monshorahuatonaꞌ, Yosë chinotopi huachi.

Éxodo 6:5

Iporaso nipirinhuëꞌ, iquipitoroꞌsari israiroꞌsa chiníquën aparisitapi. Ahuëatona tësharapi natanahuë. Ina niꞌsahuato, shimashonënpitaroꞌco anoyatërahuësoꞌ yonquirahuë.

1 Samuel 9:16

“Tashiraya ipora pochin aꞌnara Mincamin huënton quëmapi aꞌpatiaranquën. Ina masahuaton israiroꞌsa huaꞌanën nicacaso marëꞌ acoaran. Huiristinoꞌsari piyapinëhuëpita huaꞌanëntápirinahuëꞌ, inari nichaꞌësarin. Inapitari aparisitopiso marëꞌ chiníquën nontërinaco niꞌton, nosoroantarahuë,” itërin.