Deuteronomio 26:6 - Chayahuita (Shahui)

⁶ Napoaton iquipitoroꞌsasoꞌ: “Minsëhuachinënpoaꞌ,” taꞌtonaꞌ, aparisitërinacoi. Co quëꞌyatonacoirahuëꞌ, chiníquën asacatërinacoi.

Deuteronomio 26:6 ပူးပေါင်းရင်းမြစ်များ

Éxodo 1:11

Ninapotatonaꞌ, chiníquën asacatopi. Sacato huaꞌanoꞌsa acorahuatonaꞌ, inapitari chiníquën camaipi. Huaraon copirno cosharo tapacaso marëꞌ ninanoroꞌsa aocoipi. Piton, Namisisi, inapita itopisoꞌ.

Éxodo 1:16

—Israironoꞌsa huaꞌhua iquitohuachinaꞌ, noya niꞌcoꞌ. Sanapiaꞌhuaya nipachin, noya nanpiꞌin. Quëmapiaꞌhuaso nipirinhuëꞌ, ¡tëpacoꞌ! itërin.

Éxodo 1:22

Huaraonso nipirinhuëꞌ, piyapinënpita itapon: “Israiroaꞌhuaroꞌsa quëmapiaꞌhuaya nasitohuachin, iꞌquë tëꞌyaitoco chimiichin. Sanapiaꞌhuaroꞌsaso nipirinhuëꞌ, noya nanpiꞌinaꞌ,” itërin.

Éxodo 1:8

Huaꞌqui quëran nasha copirno Iquipitoquë huaꞌanëntërin. Cosisoꞌ, nani iráca chiminin niꞌton, naporinso co nitotërinhuëꞌ. Napoaton co israiroꞌsa nosoroatonhuëꞌ, piyapinënpita itapon:

Éxodo 5:19

Israiro sacato huaꞌanoꞌsaso ina natanahuatonaꞌ, co napion cancantopi.

Éxodo 5:23

Isëquë canquirahuato, nanan quëtërancoso copirno shaꞌhuitërahuë. Ina natanaponahuëꞌ, aquë aquëtë chachin piyapinënpita aparisitarin. Quëmarinta ina nicaponahuëꞌ, co yanichaꞌëranhuëꞌ, itërin.

Números 20:15

Shimashonëhuëipita iráca Iquipito parti paꞌpi. Inaquë huaꞌqui yaꞌhuëpi. Oshaquëranchin iquipitoroꞌsari, shimashonëhuëipita aparisitërin. Quiyanta yaꞌhuëantahuatoira, inapochachin aparisitërinacoi.

Deuteronomio 26:7

Naporoꞌ Sinioro nontëranquën huachi: “Quëmasáchin Yosënquën. Shimashonëhuëipita chinotërinënquën. Nosoroatoncoi catahuacoi,” itërainquën. Napotohuatëinquën, natanancoi huachi. Aparisitërinacoiso niꞌsahuaton, yacatahuarancoi huachi.

Deuteronomio 4:20

Canpitasoꞌ, Sinioro Iquipito quëran ocoirahuatënquëma huaꞌanëntërinquëmaꞌ. Huaꞌnamia asoquicaso marëꞌ ornoquë aꞌpërahuatëꞌ, asoquirëꞌ. Inapochachin canpitanta Iquipitoquë parisitápiramahuëꞌ, ocoirinquëmaꞌ. Napoaton ina piyapinënpita ninama huachi.