Deuteronomio 26:5 - Chayahuita (Shahui)

⁵ Nani Sinioro notënanquë acohuachina, iso pochin Sinioro nontaran: ‘Shimashonëhuëpitasoꞌ, Aran piyapiꞌsaꞌ. Caraíchin niꞌsoiꞌ, paatona patë patë́rantapi. Oshaquëran Iquipito roꞌtëquë yaꞌhuëcaiso marëꞌ paꞌmapi. Inaquë naꞌatona panca nacion tarancoantapi.

Deuteronomio 26:5 ပူးပေါင်းရင်းမြစ်များ

Génesis 12:2

Aꞌna tahuëri ca nohuanto, shiparinpita panca nacion ocoiaponaꞌ. Carinquën catahuamiataranquën. Inapotaranquën niꞌton, sacóshin nahuinaran. Naporahuaton, quëmá quëran aꞌnapitanta catahuararahuë.

Génesis 24:4

Quëma chachin huaꞌhuatërahuëso noꞌpaquë paquëꞌ. Inaquë paꞌsahuaton, quëmopinëhuëpita quëran sanapi yonítëquëꞌ, itërin.

Génesis 25:20

Catapini shonca piꞌipitasoꞌ, saꞌarin. Pitoiro huiꞌnin Nipica itopisoꞌ, manin. Inaso yoꞌin, Napano itopi. Inapitasoꞌ aranoꞌsa itopi. Patan-aran parti yaꞌhuëpi.

Génesis 27:41

Naporo quëran huarëꞌ Isaori Cacopo paꞌpi noꞌhuirin huachi. Inasá paꞌpini noya yaꞌhuëcaso marëꞌ shaꞌhuitërin niꞌton, naporin. Napoaton yonquirárin: “Payo tata chiminapon. Ina chiminpachin, Cacopo tëpaarahuë,” tënin.

Génesis 28:5

Ina pochin Isacori Patan-aran parti Cacopo aꞌparin. Cacoposoꞌ paꞌsahuaton, Napano yaꞌhuërinquë canconin. Nani shaꞌhuirahuëso chachin inasoꞌ, Pitoiro huiꞌnin. Pitoirosoꞌ Aran piyapi. Napanosoꞌ, Nipica yoꞌin miáchin. Nipicantaꞌ, Cacopo, Isao, inapita aꞌshinaꞌ.

Génesis 31:20

Inapoaton Cacopori, Napano nonpintahuaton, co shaꞌhuitaponahuëꞌ huëshirin.

Génesis 31:40

Tahuëri nipachina piꞌi acorinco, tashinta nipachina sëhuën acorinco. Pëꞌtahuaroꞌsa aꞌpaito, huëꞌëi natanahuë. Inapoato nohuantasoꞌ parisitërahuë.

Génesis 43:12

Coriquintaꞌ, catoroꞌ paꞌanacaso nanirinsoꞌ, quëpacoꞌ. Iꞌhua ayantërinquëmasoꞌ, inaora chachin quëtaantacoꞌ. Tapona tëhuëatonaꞌ, ayantërinënquëmaꞌ.

Génesis 45:11

Naroꞌpa huachi carima cosharo quëtáponquëmaꞌ. Yaꞌipi huëꞌnamaso nápo chachin co manta ichipahuantaranquëmahuëꞌ. Aꞌnatërápo piꞌipi pahuanarin tanaro tahuëriꞌsa naꞌhuëcaso niꞌton, napotápënquëmaꞌ,’ itocoꞌ.

Génesis 45:7

Napotëranquëmaso chachin nisarin. Yosëso nipirinhuëꞌ, aquëchitiirinco. Canpitanta shiparima yaꞌhuëtiinquëmaso marëꞌ naporin. Canpita chachintaꞌ, huëhuëpiro ninin quëran nichaꞌëinquëmaso marëꞌ aquëchitiirinco.

Génesis 47:27

Israiroꞌsasoꞌ, Iquipito noꞌpaquë yaꞌhuëapi huachi. Cosin parti noꞌpaꞌ mapi. Inaquë yaꞌhuëapona pochin naꞌamiatopi.

Génesis 47:4

Canaan parti yaꞌhuëpiraihuëꞌ, naꞌcon tanarotërai. Pastontaꞌ, ohuicaroꞌsa capacaisoꞌ, yanirin. Napoaton noꞌpanënquë oꞌmarai yaꞌhuapoi. Yosë marëꞌ nohuantëquëꞌ, Cosin parti yaꞌhuëꞌi topiraihuëꞌ, itopi.

Éxodo 1:12

Inapotatona aparisitopirinahuëꞌ, naꞌcon naꞌcon naꞌantapi. Napoaton iquipitoroꞌsari paꞌpi tëꞌhuatopi.

Éxodo 1:5

Inapitaso huiꞌninpitarë chachin, canchisë shonca yaꞌpi icanpi. Aꞌnara Cacopo huiꞌnin Cosi itopisoꞌ, naporo nani Iquipitoquë yaꞌhuërarin.

Éxodo 1:7

Napoaponahuëꞌ, naꞌa huiꞌninapita yaꞌhuëtopi niꞌton, huaꞌqui quëran paꞌpi notohuaroꞌ naꞌapi. Yaꞌipi Iquipito noꞌpaquë yanquëatona yaꞌhuëpi.

Hechos 7:15

“Huëquëꞌ, tata, isëquë yaꞌhuëaꞌahuaꞌ,” itohuachina, Cacopontaꞌ Iquipitoꞌpaꞌ paꞌmarin. Yaꞌipiya paꞌmapi. Inatohuaꞌ Cacopo chiminin. Yaꞌipi shimashonënpoantaꞌ inaquë yaꞌhuërapi quëran chiminpi.

Deuteronomio 10:22

Canchisë shonca yaꞌpíchin iráca shimashonënpoapita Iquipitoquë yaꞌhuëcaiso marëꞌ paꞌmapi. Iporaso nipirinhuëꞌ, Yosë catahuarinpoa niꞌton, inápaquë tayora yaꞌhuërinso pochin, naꞌarëhuaꞌ,” itërin Moisësëri.

Deuteronomio 26:4

Nani ina shaꞌhuihuatan, corto huaꞌansoꞌ iꞌmëquë quënansoꞌ maꞌpaarinquën. Masahuaton, Sinioro artaronën notënanquë acoarin.

Deuteronomio 7:7

Naquëranchin Moisësëri israiroꞌsa nontaantarin: “Canpitaso aꞌnapita nacionoꞌsa quëran, huaꞌhui huaꞌhuishin nacion ninamaꞌ. Napopiramahuëꞌ, Sinioro nohuantatënquëma huayoninquëmaꞌ.