Deuteronomio 26:15 - Chayahuita (Shahui)

¹⁵ Quëmasoꞌ, inápaquë noya noya pëiquë yaꞌhuërëso pochin yaꞌhuëtëran. Inaquë yaꞌhuëaponahuëꞌ, isoroꞌpaquë yaꞌhuëraiso nitotëran. Israiroꞌsacoisoꞌ, quëma piyapinënpitacoi niꞌton, catahuamiatocoi. Noꞌpaꞌ quëtërancoisontaꞌ, nóya. Co manta pahuaninhuëꞌ. Shimashonëhuëpita shaꞌhuitëranso chachin ninin. Inantaꞌ, noya yonquirapiquëꞌ. Quëma nohuanton nani maꞌsha shaꞌnaisopita noya noyachin,’ tosaran,” itërin.

Deuteronomio 26:15 ပူးပေါင်းရင်းမြစ်များ

1 Reyes 8:27

Pëi mini nitopiranquënhuëꞌ, co quëmasoꞌ inaquë naniaranhuëꞌ. Co piꞌiroꞌtëquë tëranta naniranhuëꞌ nichinapon chachin, aquëtë huarëꞌ iso pëi nitëranquënquësoꞌ, co naniponhuëꞌ.

Salmos 51:18

Quirosarin ninano nosoroantaquëꞌ. Pairanën ohuatopisoꞌ noya acoantaquëꞌ.

Salmos 80:15

Quëmaora chachin shacatë pochin nitërancoi. Quëma chachin aꞌpairancoi.

Salmos 90:17

Naꞌcon nohuantërai quëma pochin cancantaꞌhuaisoꞌ. Napoaton noya niꞌcoi. Yanatërainquën niꞌton, catahuacoi quëma nohuantëranso chachin nii.

Isaías 61:1

Sinioro piyapinën naporin: “Sinioro ispiritonën yaꞌcoancantërinco niꞌton, noya catahuarinco. Ina chachin acorinco popriyaroꞌsa noya nanan shaꞌhuitaꞌhuaso marëꞌ. Aparisitopisopita catahuacaꞌhuaso marëꞌ acorinco. Yaꞌhuëpi quëran quëparahuatona huaꞌanëntapirinahuëꞌ, yaꞌhuëpiquë chachin paantacaiso shaꞌhuitarahuë. Tashinan pëiquë pochin yaꞌhuëapisopitantaꞌ, ina quëran pipicaisoꞌ shaꞌhuitarahuë.

Isaías 63:15

Sinioro quëmasoꞌ, inápaquë yaꞌhuëran. Noya noya nininquë, huënaratërinquë, inaquë yaꞌhuëran. Quëmasoꞌ paꞌpi nosororancoi. Naporahuaton chiníquën nanantëran. Inaporan nichinapon chachin ¿co poꞌsápaꞌhuaisoꞌ nohuanchitonhuë pora? ¡Nosoroatoncoi catahuaantacoi!

Jeremías 31:23

Siniorosoꞌ, yaꞌipi nanitaparin. Inasáchin israiroꞌsanpoa chinotërëhuaꞌ. Ina huaꞌnarahuëquë nontatonco: “Cota huënton israiroꞌsa naꞌcon parisitapirinahuëꞌ, ca nohuanton noya yaꞌhuëantapi. Yaꞌhuëpiso noꞌpaquë chachin huënantahuatonaꞌ, inahuara ninanonënaquë yaꞌhuëantaponaꞌ. Quirosarinquë huënantahuachinaꞌ, noya yonquirapiantatonaꞌ: ‘¡Quirosarin ninanoquë yaꞌhuëpisopitasoꞌ, Siniorori noya yonquirapiton catahuain! Inari huayonin inaquë chinotacaso pëi acocaiso marëꞌ,’ itaponaꞌ.

Mateo 6:9

Napoaton Yosë yanontohuatamaꞌ, iso pochin nontocoꞌ: ‘Tata Yosë, quëmaso inápaquë yaꞌhuaponahuëꞌ, natanancoi. Quëmasáchin noya noyanquën niꞌton, yaꞌipi piyapiꞌsaꞌ chinochinënquën.

Hechos 7:49

“Yosëri itapon: Inápaquë huënsërahuë huaꞌanëntaꞌhuaso marëꞌ. Isoroꞌpantaꞌ nantëhuë ayaꞌnanahuëquë pochin nitërahuë. ¿Onpopintaꞌ yapëirapipiramacohuëꞌ? ¿Insëquë chachintaꞌ acotapomaco yaꞌhuëcaꞌhuaso marëꞌ? Co pëiquëráchin yaꞌhuarahuëꞌ.

Deuteronomio 1:8

Nani yaꞌipi ina noꞌpaꞌ carinquëma quëtëranquëma huaꞌanëntamaso marëꞌ. Napoaton paꞌsahuatomaꞌ, ina noꞌpaꞌ máco huachi. Iráca shimashonëmapita Apraan, Isaco, Cacopo, inapita nani shaꞌhuitërahuë: ‘Caso Sinioroco niꞌto, quëtaranquëmaꞌ, itërahuë,’ itërinpoaꞌ,” tënin Moisësë.

Deuteronomio 26:14

Ina acorahuësoꞌ, co manta sëꞌhuarahuëꞌ. Co nichimiyantëraiquë tëranta capaꞌhuaso nohuantërahuëꞌ. Co oshanëhuëroꞌco nisahuasoco tëranta ina caꞌnahuëꞌ. Co chimipiroꞌsa marëꞌ tëranta ina acorahuëꞌ. Diesmo acocaso camaitëransoꞌ, yaꞌipi Sinioro natëranquën.

Deuteronomio 26:7

Naporoꞌ Sinioro nontëranquën huachi: “Quëmasáchin Yosënquën. Shimashonëhuëipita chinotërinënquën. Nosoroatoncoi catahuacoi,” itërainquën. Napotohuatëinquën, natanancoi huachi. Aparisitërinacoiso niꞌsahuaton, yacatahuarancoi huachi.

Deuteronomio 26:9

Nani nichaꞌërahuatoncoi, iso noꞌpaquë quënancoi. Isëquësoꞌ, co manta pahuaninhuëꞌ.

Deuteronomio 6:3

Napoaton yaꞌipi israiroꞌsanquëma noꞌtëquën natëcamaso marëꞌ shaꞌhuitaranquëmaꞌ. Natëhuatamaꞌ, Yosë noꞌpaꞌ quëtarinquëmaquë noya yaꞌhuaramaꞌ. Inaquësoꞌ, co manta pahuaninhuëꞌ. Naporahuaton naꞌcon naꞌcon naꞌasaramaꞌ. Shimashonënpoapita Siniorori shaꞌhuitërinso chachin nisarin.