Deuteronomio 26:13 - Chayahuita (Shahui)

¹³ Naporoꞌ aꞌnaya aꞌnayanquëmaꞌ, Sinioro nontatoma itapomaꞌ: ‘Nani quëma marëꞌ diesmo nininsoꞌ nisha acorahuë. Ina quëran nihuiroꞌsa quëtërahuë. Nisharoꞌsanta yacaparinacoisopita, inapotërahuë. Quëyoronoꞌsaꞌ, saꞌahuaroꞌsaꞌ, inapitanta quëtërahuë. Camairancoso chachin ninahuë. Co manta naniantërahuëꞌ shaꞌnahuësopita quëran diesmo ocoicaꞌhuasoꞌ.

Deuteronomio 26:13 ပူးပေါင်းရင်းမြစ်များ

Salmos 119:139

Quëma nanamën Sinioro aꞌpitato co napion ancantërahuë. Inimiconëhuëpitasoꞌ, ina naniantopi niꞌton, ina pochin cancantërahuë.

Salmos 119:141

Caso, co máquëncohuë niꞌton, nocaninaco. Napoaporahuëꞌ, quëma nanamënso co naniantarahuëꞌ.

Proverbios 3:1

(-)

Hechos 24:16

Napoaton nani tahuëriya Yosë noꞌtëquën yanatërahuë. Piyapiꞌsantaꞌ co yanonpintërahuëꞌ.

2 Corintios 1:12

Yosë niꞌsárincoi niꞌton, noꞌtëquën shaꞌhuitarainquëmaꞌ. Co piꞌpian tërantaꞌ nonpintërainquëmahuëꞌ. Noyápiachin cancantatoi, yaꞌipi parti aꞌchinai. Co quiyaora yonquinëhuëi quëran aꞌchintërainquëmahuëꞌ. Yosë inaora nohuanton, catahuarincoi niꞌton, noya ninai. Ina marëꞌ noya cancantërai.

2 Corintios 11:31

Yosë niꞌsárinco, co nonpintaranquëmahuëꞌ. Inasoꞌ Quisocristo paꞌpin chachin, yaꞌipiyari chinochinaꞌ. Ina niꞌsárinco niꞌton, noꞌtëquën nontaranquëmaꞌ.

Deuteronomio 26:12

Naquëranchin Moisësëri israiroꞌsa nontaantarin: “Nani piꞌiquë aꞌnaya aꞌnayamaꞌ, shaꞌtëramasoꞌ manama quëran diesmo, Sinioro marëꞌ acocamaso yaꞌhuërin. Napoaponahuëꞌ, nani cara piꞌipi quëran pahuantopisopita quëtacaso marëꞌ aꞌna diesmonta acoaramaꞌ. Nihuiroꞌsaꞌ, nisha piyapiroꞌsa yacaparinquëmasopita, quëyoronoꞌsaꞌ, saꞌahuaroꞌsaꞌ, inapita marëꞌ acoaramaꞌ. Inapitanta yaꞌhuëpiquë noya coshatacaiso marëꞌ acoaramaꞌ.

Deuteronomio 26:14

Ina acorahuësoꞌ, co manta sëꞌhuarahuëꞌ. Co nichimiyantëraiquë tëranta capaꞌhuaso nohuantërahuëꞌ. Co oshanëhuëroꞌco nisahuasoco tëranta ina caꞌnahuëꞌ. Co chimipiroꞌsa marëꞌ tëranta ina acorahuëꞌ. Diesmo acocaso camaitëransoꞌ, yaꞌipi Sinioro natëranquën.

1 Tesalonicenses 2:10

Noꞌtëquën Yosë natëtoi, noyasáchin ninai. Co mantaꞌ onpotërainquëmahuëꞌ. Yaꞌipi imaramasopita niꞌnamacoi. Yosëntaꞌ niꞌnincoi.