Deuteronomio 26:10 - Chayahuita (Shahui)

¹⁰ Napoaton noꞌpaꞌ quëtëranco quëran, shaꞌnahuësopita yaꞌnan cayarinsoꞌ quëshiaranquën,’ tosaran. Napotahuaton, Sinioro notënanquë iꞌmëquë quënansoꞌ acoaran. Nani acohuatan, isonahuaton ina chinotaran.

Deuteronomio 26:10 ပူးပေါင်းရင်းမြစ်များ

Salmos 22:27

Nisha nisha piyapinquëma nisha nisha nacionquë yaꞌhuëramaꞌ. Yaꞌipi parti yaꞌhuëramasopita huëcapairahuatomaꞌ, ina chinotocoꞌ. ¡Isonahuatoma chinotocoꞌ!

Salmos 95:6

Huëco Yosëíchin yonquiaꞌahuaꞌ. Isonatëhua ina chinotahuaꞌ. Ina nininpoa niꞌton, paꞌyatahuaꞌ.

Proverbios 3:9

Maꞌsha yaꞌhuëtërinquënsopita Sinioro noya nicaton quëtëquëꞌ. Shaꞌnansopita yaꞌnan cayarinsontaꞌ, quëtëquëꞌ.

Romanos 2:1

Aꞌnaquëmaꞌ iyaroꞌsaꞌ piyapiꞌsaꞌ yonquirapiratomaꞌ: “Pasoꞌ quëmapi co noyahuëꞌ ninin,” tënamaꞌ. Napoapomarahuëꞌ, ina pochachin canpitantaꞌ co noyahuëꞌ ninamaꞌ. Napoatomaꞌ, ninaꞌintaramaꞌ.

1 Corintios 10:31

Maꞌsona tërantaꞌ nipatamaꞌ, Yosë yonquiatomaꞌ, noya nicoꞌ aꞌnapitantaꞌ Yosë noya yonquicaiso marëꞌ. Napoaton coshatohuatamaꞌ, oꞌopatamaꞌ, maꞌsona tërantaꞌ nipatamaꞌ, ina yonquicoꞌ.

Deuteronomio 26:17

Nani quëma ipora shaꞌhuiran: ‘Siniorosoꞌ Yosënëhuë niꞌton, ina imato pënëntërinsopita, camaitërinsopita, aꞌchininsopita, inapita natëarahuë,’ tënan. Napoaton noꞌtëquën natëquëꞌ.

Deuteronomio 26:4

Nani ina shaꞌhuihuatan, corto huaꞌansoꞌ iꞌmëquë quënansoꞌ maꞌpaarinquën. Masahuaton, Sinioro artaronën notënanquë acoarin.

Deuteronomio 8:18

Sinioro achinirinquëma niꞌton, sacatatoma nani maꞌsha maꞌpatëramaꞌ. Shimashonënpoapitarëꞌ anoyataton, shaꞌhuitërinsoꞌ nanicaso marëꞌ catahuarinquëmaꞌ. Ama ina naniantocosohuëꞌ.

Apocalipsis 22:9

Yachinotopirahuëꞌ, shaꞌhuitërinco. “Ama chinotocosohuëꞌ. Casoꞌ anquënico. Canpita pochachin cantaꞌ Yosë natërahuë. Iráca quëran huarëꞌ aꞌnaquën Yosë nanamën pënëntërin. Quëmantaꞌ pënëntëran. Aꞌnapita iso quirica natanahuatonaꞌ, natëapi. Yaꞌipinpoaꞌ Yosë natërëhuaꞌ. Napoaton inasáchin chinotëquëꞌ,” itërinco.