Deuteronomio 25:5 - Chayahuita (Shahui)

⁵ Naquëranchin Moisësëri israiroꞌsa nontaantarin: “Aꞌna tahuëri nanitopi pocacaisoꞌ: Cato quëmapiꞌsa ina noꞌparáchin huaꞌanëntaponahuëꞌ, aꞌnaso co huiꞌnahuanyátërasohuëꞌ, saꞌin ayananpirin. Inapohuachin, sanapisoꞌ co nisha quëmapiri masarinhuëꞌ. Soꞌinco iini chachin maantacaso yaꞌhuërin. Inapohuachina, noꞌtëquën nisarin.

Deuteronomio 25:5 ပူးပေါင်းရင်းမြစ်များ

Génesis 19:31

Aꞌna tahuëri paya paya nininsoari, caiaꞌhuain, itapon: —Niꞌquë caira. Yaꞌipi parti sanapiꞌsa yaꞌhuërinsoꞌ, soꞌyatona huaꞌhuanpi. Canposo nipirinhuëꞌ, isoporinquë quëmapi pahuanin quëran, co inapochináchinhuëꞌ ninëꞌ. Tataíchin mini nipirinhuëꞌ, nani inanta mashotarin.

Mateo 22:24

—Iráca Maistro Moisësë pënëninpoaꞌ: “Quëmapi saꞌaponahuë co huiꞌnin yaꞌhuëyátërasohuëꞌ saꞌin ayananpihuachin, ina iini chachin imoroën maantacasoꞌ yaꞌhuërin. Huiꞌnahuanpachin, iincoꞌ apoin inari yaꞌhuërëtacaso marëꞌ. Ina quëran mashotohuachin, maꞌshanën, noꞌpanën, inapita maantarin,” tënin Moisësë.

Marcos 12:19

—Iráca, Maistro, Moisësë ninshitërin pënëinpoaso marëꞌ. “Quëmapi saꞌaponahuë co huiꞌnin yaꞌhuëyátërasohuëꞌ saꞌin ayananpihuachin, ina iini chachin imoroën maantacasoꞌ yaꞌhuërin. Huiꞌnahuanpachin, iincoꞌ apoin inari yaꞌhuërëtacaso marëꞌ. Ina quëran mashotohuachin, maꞌshanën, noꞌpanën, inapita masarin,” tënin Moisësë.

Lucas 20:28

—Iráca Maistro Moisësë pënëninpoaꞌ: “Quëmapi saꞌaponahuë co huiꞌnin yaꞌhuëyátërasohuëꞌ saꞌin ayananpihuachin, ina iini chachin imoroën maantacasoꞌ yaꞌhuërin. Huiꞌnahuanpachin, iincoꞌ apoin inari yaꞌhuërëtacaso marëꞌ. Ina quëran mashotohuachin, maꞌshanën, noꞌpanën, inapita masarin,” tënin Moisësë ninshitaton.

Rota naporinso' 1:11

Napotopirinahuëꞌ, Noimiri itaantapon: —Panantaco huaꞌhuataꞌhuaroꞌsaꞌ. ¡Imapatamaco, topinan quëran imasaramaco! Co huachi caso huaꞌhuaantapohuëꞌ. Huaꞌhuanahuë naporini, inapita chachin maantaꞌitënquëmahuëꞌ.

Rota naporinso' 3:13

Tashiraya ina nontarahuë paꞌpoyatënquën nichaꞌëinquënso marëꞌ. Nohuantohuachin anoyatarinquën. Coꞌsoꞌ nohuantohuachinhuëꞌ, Yoscoarëꞌ carinquën anoyataranquën. Iporasoꞌ isëquëranchin chinotëquëꞌ, itërin Poosori.

Rota naporinso' 3:2

Niꞌquëꞌ. Poososoꞌ quëmopinënpoa niꞌton, ina piyapinënpita sanapiꞌsa nipisopitarëꞌquën paꞌnan. Ipora tashi inasoꞌ, sipata toꞌnorarinso tëꞌyarayacaso marëꞌ paꞌsarin.

Rota naporinso' 3:9

—¿Ma sanapinquënta quëmasoꞌ? itërin —Caso Rotaco. Quëma piyapinën pochinco ninahuë. Quëmasoꞌ quëmopinquën. Aꞌmoranso huirotënquë tëranta imopitoco. Paꞌpoyatonco nichaꞌëancoso marëꞌ inapotoco. Ina marëꞌ máco topirahuë, itërin.

Rota naporinso' 4:5

Naporoꞌ Poosori itaantapon: —Noimi noꞌpanën paꞌantohuatansoꞌ, onpopionta Rota quëyoron macamaso yaꞌhuërin. Inasoꞌ moaporon. Ama soꞌinco noꞌpaꞌ maninsoꞌ quëran nininën ayacaso marëhuëꞌ inapotaran, itërin.