Deuteronomio 25:2 - Chayahuita (Shahui)

² Tëhuënaꞌpi huihuicaiso nipachin, coisë camaitapon noꞌpaquë apiꞌpatonaꞌ, huihuicaisoꞌ. Inapotatona tëhuërinso marëꞌ ina niꞌtonënquë chachin noꞌtëquën anaꞌintapi.

Deuteronomio 25:2 ပူးပေါင်းရင်းမြစ်များ

Mateo 10:17

Niꞌcona iyaroꞌsaꞌ, piyapiꞌsaꞌ aꞌnaroáchin anoꞌhuitotamaꞌ. Aꞌnaquën noꞌhuitënënquëmaꞌ, masarinënquëmaꞌ. Mapachinënquëmaꞌ, coisëquë quëpaarinënquëmaꞌ. Niyontonpiso pëiroꞌsaquëntaꞌ huihuiarinënquëmaꞌ.

Mateo 27:26

Napohuachinara, Pirato camaitërin Parapasë ocoicaisoꞌ. Quisososo nipirinhuëꞌ chiníquën ahuihuitërin. Chiníquën huihuitonaꞌ, pëꞌsha pëꞌshatopi. Nani huihuihuachinara, shaꞌhuitërin corosëquë patanantacaiso marëꞌ.

Hechos 23:3

—Quëmasoꞌ nonpintënquën. ¡Yosë ahuëarinquën quëmantaꞌ! “Moisësë pënëntërinsoꞌ natëto, anaꞌintarahuë,” taponahuëꞌ, ¿onpoatontaꞌ shaꞌhuitëran ahuëincosoꞌ? Moisësë chachin pënëninpoaꞌ ama topinan quëran piyapi ahuëcaso marëhuëꞌ, itërin.

Hechos 5:40

Caꞌtanoꞌsaꞌ naquëranchin amatantarahuatonaꞌ, chiníquën huihuipi. “Ama huachi insontaꞌ Quisoso nanamën shaꞌhuitocosohuëꞌ,” itahuatonaꞌ, aꞌpapi huachi.

1 Pedro 2:20

Co noyahuëꞌ nipatamaꞌ, anaꞌintarinquëmaꞌ. Ahuantohuatamaꞌ, co ina marëꞌ noya niꞌninquëmahuëꞌ: “Noꞌtëquën anaꞌintohuachinquëmaꞌ, ahuantacasoꞌ yaꞌhuërin,” topi yaꞌipiya. Aꞌna tahuëriso nipirinhuëꞌ noya nipiramahuëꞌ, aparisitarinënquëmaꞌ. Co noꞌhuitatomahuëꞌ, ahuantohuatamaꞌ, Yosë noya niꞌsarinquëmaꞌ.

1 Pedro 2:24

Quisocristo isoroꞌpaquë oꞌmaton, piyapi chachin nasitimarin. Oshanënpoa marëꞌ corosëquë chiminin. Inaora yaꞌhuërëtërinpoaꞌ. Yaꞌipi co noyahuëꞌ yonquirëhuasopita naniantatëhuaꞌ noya nicacaso marëꞌ chiminin. Corosëquë parisitaton, anoyacancantërinpoaꞌ.