Deuteronomio 24:6 - Chayahuita (Shahui)

⁶ Aꞌna piyapi nihuihuachinquëmaꞌ: ‘Nihuirancosoꞌ pahuërëanco huarëꞌ, pëꞌsanto naꞌpinën cari taparahuë,’ ama itocosohuëꞌ. Ina quëtohuachinquënsoꞌ, co huachi nanitarinhuëꞌ onpo nanpicasoꞌ.

Deuteronomio 24:6 ပူးပေါင်းရင်းမြစ်များ

Génesis 44:30

Tatahuësoꞌ, iyaꞌhuarëꞌ aꞌnaíchin pochin nipi. Coꞌsoꞌ quiyarëꞌ pantahuachinhuëꞌ, tatahuëso chiminapon. Quiya tëhuënëhuëiquë tata mashoyasoꞌ sëtori tëpapon.

Mateo 24:41

Catoꞌ sanapiꞌsaꞌ inaquëráchin shiꞌshiꞌ pëꞌsanapirinahuëꞌ, aꞌnaraꞌ quëpantarahuë. Aꞌnaso nipirinhuëꞌ patarahuë.

Lucas 12:15

Napotahuaton, yaꞌipiya pënënin. —Ama iyaroꞌsaꞌ maꞌsha canacamasoáchin yonquicosohuëꞌ. Co nani maꞌsha yaꞌhuëtinquëmaꞌ huarëꞌ noya nanpiaramahuëꞌ, itërin.

Deuteronomio 24:5

Naquëranchin Moisësëri israiroꞌsa nontaantarin: “Quëmapi nasha saꞌasahuachina, co ahuëtacaso marëꞌ quëpacaso yaꞌhuërinhuëꞌ. Co maꞌsha marëꞌ tëranta huaꞌanoꞌsari camaicaso yaꞌhuërinhuëꞌ. Saꞌarin quëran huarëꞌ, aꞌna piꞌira inapotaponaꞌ. Yaꞌipi ina piꞌi nanirinso chachin yaꞌhuërinquë yaꞌhuëaton, saꞌin acapacancanapon.

Deuteronomio 24:7

Aꞌnaquën Israiro capini nipirinhuëꞌ, nanitopi nipoꞌocaisoꞌ. Camaicaso marëhuë nipon, paꞌanacaso marëhuë nipon, inaporin. Inapoaso quënayatohuatamaꞌ, tëpamaso yaꞌhuërin. Inapotatomaꞌ, co noyahuëꞌ cancantopisopita acopitamaso yaꞌhuërin.

Apocalipsis 18:22

Iráca naꞌa arparoꞌsaꞌ piꞌnipi. Pirinanoꞌsaꞌ, tronpitaroꞌsaꞌ, inapitantaꞌ pihuipirinahuëꞌ, iporasoꞌ co huachi mosica natanapihuëꞌ. Co huachi sacatoroꞌsaꞌ inaquë sacatapihuëꞌ. Co huachi cosharoꞌ nipisoꞌ natanapihuëꞌ.