Deuteronomio 24:20 - Chayahuita (Shahui)

²⁰ Oripo huayo mapatamaꞌ, taꞌamënquë naꞌhuëtëramasopitasoꞌ, ama ayantatoma maantacosohuëꞌ. Tananpitoco pahuantopisopitari mainaꞌ. Nisharoꞌsahuë nipon, saꞌahuaroꞌsahuë nipon, quëyoronoꞌsahuë nipon, inapitari mainaꞌ.

Deuteronomio 24:20 ပူးပေါင်းရင်းမြစ်များ

Levítico 19:10

Oparonëmanta nitërinsoꞌ, ama naniarin quëran huarëꞌ macosohuëꞌ. Shitatërinsopitanta ama oshatocosohuëꞌ. Saꞌahuaroꞌsaꞌ, nisharoꞌsaꞌ, inapita marëꞌ acotocoꞌ. Caso Yosëco napotaranquëma niꞌton, natëco.

Levítico 19:9

Sharoꞌsa nitërinsoꞌ macacaso nanihuachin, ama naniarin quëran huarëꞌ macosohuëꞌ. Piꞌpian piꞌpian quëparitërinsopita, ama oshatocosohuëꞌ.

Deuteronomio 24:19

Trico tonpohuë nipon sipata tonpohuë nipon, iminëmaquë manamasoꞌ naniantohuatamaꞌ, ama yonípoma paantacosohuëꞌ. Tananpitoco pahuantopisopitari mainaꞌ. Nisharoꞌsahuë nipon, saꞌahuaroꞌsahuë nipon, quëyoronoꞌsahuë nipon, inapitari mainaꞌ. Inapohuatamaꞌ, Sinioro noya nicatënquëma nani maꞌsha ninamaquë catahuamiatarinquëmaꞌ.

Deuteronomio 24:21

Inapochachin oparonëmanta sënahuatamaꞌ, naꞌhuëtëramasopitasoꞌ, ama ayantatoma maantacosohuëꞌ. Tananpitoco pahuantopisopitari mainaꞌ. Nisharoꞌsahuë nipon, saꞌahuaroꞌsahuë nipon, quëyoronoꞌsahuë nipon, inapitari mainaꞌ.