Deuteronomio 19:18 - Chayahuita (Shahui)

^18-19 Coisëroꞌsari, cato chachin naniarin quëran huarëꞌ natanaponaꞌ. Natanapi quëran: ‘Co noꞌtëquën shaꞌhuirapirinhuëꞌ, nonpinapiárin,’ topachinasoꞌ, inasá anaꞌintacaiso yaꞌhuërin. Shaꞌhuirapirinsoꞌ maꞌsona onpotacaisoꞌ nohuantërinso chachin, inasá nitacaiso yaꞌhuërin. Inapotatoma co noyahuëꞌ cancantopisopita, acopitamaso yaꞌhuërin.

Deuteronomio 19:18 ပူးပေါင်းရင်းမြစ်များ

Copo naporinso' 19:16

Piyapinëhuë camaihuatora, co manta natërincohuëꞌ. Nontápirahuë tëranta co natërincohuëꞌ.

Salmos 27:12

Ama canainacoso marëhuëꞌ paꞌpoyaco. Nonpinapitonaco, yaaparisitërinaco.

Daniel 6:24

Ina quëran copirnosoꞌ, camaitërin: “¡Naniri shaꞌhuirapipisopita huaꞌanoꞌsaꞌ, chirinchiroꞌsaꞌ, saꞌinaꞌ, huiꞌninaꞌ, inapita macoꞌ! ¡Nani mapatamaꞌ, paꞌpiniroꞌsa yaꞌhuërinquë tëꞌyatocoꞌ!” tënin. Napotohuachina, inapotopi. Inapitasoꞌ ipora tëꞌyatasoi chachin, paꞌpiniroꞌsari macatona paꞌsa paꞌsatopi.

Deuteronomio 25:1

Aꞌnaquëma nanan yaꞌhuëtohuachinquëmaꞌ, coisëroꞌsa sacatërinquë pacoꞌ. Inapita noyá natanarinquëmaꞌ. Insosona tëhuëhuachin, noꞌtëquën anaꞌintacaso shaꞌhuitapi. Co tëhuërinsopitasohuëꞌ nipirinhuëꞌ, co anaꞌintaponahuëꞌ.