Deuteronomio 18:22 - Chayahuita (Shahui)

²² Camairahuësopita, maꞌsona onpocaso shaꞌhuihuachinaꞌ, tëhuënchachin inapoarin. Ina quëran nitotaramaꞌ. Napoaponahuë co inapohuachinhuëꞌ, co ca nohuanton naporinhuëꞌ. Inahuara nohuanton napopi. Napopisopita co tëꞌhuatamaso yaꞌhuërinhuëꞌ,’ tënin Sinioro,” itërin.

Deuteronomio 18:22 ပူးပေါင်းရင်းမြစ်များ

1 Reyes 22:28

Micaiasëso napoaponahuëꞌ, taantarin: “Noya huënantahuatansoꞌ, co tëhuënchachin Sinioro noninsoꞌ shaꞌhuirahuëꞌ,” tënin.

Isaías 41:22

Onpoatonsona iráca napopisopita naporinsoꞌ, aꞌna tahuërinta maꞌsona onpocaso yaꞌhuëarinsoꞌ, inapita shaꞌhuitocoi. Napohuatamaꞌ, yonquirápoi. Noꞌtëquën nanihuachin, natëarainquëma huachi.

Jonás 3:4

Conasëso inaquë yaꞌconahuaton, aꞌna tahuëriraꞌ iratërin. Papon pochin pënëntërarin: “¡Catapini shonca tahuëriya quëran Yosëri iso ninano ataꞌhuantapon!” tërarin.

Deuteronomio 18:20

Aꞌnaquënso napoaponahuëꞌ, nonpinatonaꞌ: “Sinioro chachin aꞌparinco niꞌton, shaꞌhuitaranquëmaꞌ,” taponaꞌ. Nonpinatona naporapi niꞌton, inapitaso tëpamaso yaꞌhuërin. Aꞌnaquëntaꞌ, mamanshi moshacamaso marëꞌ pënënpachinquëmaꞌ, inanta tëpamaso yaꞌhuërin.

Deuteronomio 18:21

Canpitaso nimara maꞌsona shaꞌhuitohuachinquëmaꞌ, nisha nisha yonquiapomaꞌ: “¿Onpo nitotatëcha: Inasoꞌ, Sinioro nohuanton shaꞌhuitarinpoaꞌ, tëcarihuaꞌ?” tapomaꞌ. Napohuatama iso yonquicoꞌ:

1 Samuel 3:19

Naporarin quëran Samoiro aꞌshinin. Siniorori noya catahuarin. Yaꞌipi shaꞌhuitërinso chachin catahuarin.