Deuteronomio 18:14 - Chayahuita (Shahui)

¹⁴ Naquëranchin Moisësëri israiroꞌsa nontaantarin: “Nisha nisha piyapiꞌsa noꞌpanëna mataramasopitasoꞌ, pënoton paꞌyatopi. ‘Aꞌna tahuëri maꞌsona onpocaisoꞌ nito shaꞌhuirahuë,’ topisopitanta natëpi. Canpitaso nipirinhuëꞌ, Sinioronënpoa Yosë niꞌton, co inapita pochin natëcamasoꞌ nohuantërinhuëꞌ.

Deuteronomio 18:14 ပူးပေါင်းရင်းမြစ်များ

Génesis 20:6

Napotohuachina, Yosërinta huëꞌënquë chachin aꞌpaniantarin: “Tëhuënchachin co nitotatonhuëꞌ naporan. Napoaton ca nohuanto co ichihuëꞌëranhuëꞌ. Carinquën yaꞌcopiranquën ama oshahuanaton tëhuëtancoso marëhuëꞌ.

Isaías 2:6

(-)

Daniel 2:27

—Tëhuënchachin mini sinioro copirno, magiaroꞌsaꞌ, ninotonaꞌpiroꞌsaꞌ, pënotonoꞌsaꞌ, quirica nitotoroꞌsaꞌ, tayora nitotoroꞌsa inapita yaꞌhuërin. Yaꞌhuëpirinahuëꞌ, co aꞌnaya tëranta quëma yanitotëranso nanitopihuëꞌ anitotiinënsoꞌ. Napoaponahuëꞌ, inápaquë aꞌnara Yosë yaꞌhuërin. Co onpo nitotacasohuëꞌ nipisopita nanitërin anitotiinpoasoꞌ. Ina mini anitotarinquën aꞌna tahuëri maꞌsona onpocasoꞌ. Maꞌsona huaꞌnaransoꞌ, maꞌsona tapon naporinsoꞌ, inapita iporaso shaꞌhuitaranquën: Huëꞌëranquë quëhuënaton, aꞌna tahuëri maꞌsona onpocasoꞌ yonquiráran. Naporaran quëran huëꞌëpiranhuëꞌ, Yosësoꞌ, aꞌna tahuëri maꞌsona onpocasoꞌ, huaꞌnaran quëran anitotërinquën.

Miqueas 5:12

Pënotatoma naporamasopitantaꞌ, acopitarahuë. Ninotonaꞌpiroꞌsantaꞌ, co huachi yaꞌhuëtarinquëmahuëꞌ.

Hechos 14:16

Iráca piyapiꞌsaꞌ co Yosë nohuitopihuëꞌ niꞌton, Yosëri tananpitërin inahuara yonquipisoꞌ imacaiso marëꞌ.