Deuteronomio 12:7 - Chayahuita (Shahui)

⁷ Inaquë Sinioro yonquiatomaꞌ: Saꞌamaꞌ, huiꞌnamaꞌ, quëmopiroꞌsaꞌ, inapita coshataramaꞌ. Sacatëramaquë, pëꞌtahuatëramaquë, inaquëpita Yosë catahuamiatërinquëmaꞌ. Ina yonquiatoma capa cancantaramaꞌ.

Deuteronomio 12:7 ပူးပေါင်းရင်းမြစ်များ

Nehemías 8:9

Ina natanatonaꞌ, niyontonpisopitaso naꞌnëpi. Napoaton Niimiasë, Istrasë, maꞌsona tapon naporinsopita shaꞌhuinaꞌpiroꞌsaꞌ, inapitari piyapiꞌsa achinicancanpi. Ama aquëtë sëtatona naꞌnëcaiso marëhuëꞌ, achinicancanpi. Naporahuaton ina tahuërisoꞌ, Sinioro marëꞌ acopiso tahuëri niꞌton, co naꞌnërápaiso marëhuëꞌ napotopi.

Eclesiastés 3:12

Napoaton nanpisëhuasoꞌ, noya ancatatëhua yaꞌhuëcaso yaꞌhuërin. Sinioro nani quëtërinpoaꞌ, capacasoꞌ, oꞌocasoꞌ, sacatatë canacasoꞌ, inapita acotërinpoa niꞌton, noya ancantahuaꞌ.

Joel 1:16

Canpoara yaꞌpiranpoa quëran chachin sharoꞌsa osërëtërinënpoasoꞌ niꞌnëhuaꞌ. Napoaton co huachi Sinioro pëinënquë capa cancantërëhuahuëꞌ.

Joel 2:26

Inapotohuatënquëmaꞌ, noyá natëaquë huarëꞌ coshataramaꞌ. Inapoatoma chinotaramaco. Canpita catahuaꞌhuanquëmaso marëꞌ huëhuëpiro nininsopita ninahuë niꞌton, chinotaramaco. Inapotohuatënquëma yaꞌipi israiroꞌsanquëmaꞌ: ‘Tëhuënchachin Sinioronënpoasoꞌ, Yosë. Co aꞌna yaꞌhuërinhuëꞌ ina pochin chinotacasoꞌ. Inasáchin catahuarinpoaꞌ,’ tosaramaꞌ. Naporo quëran huarëꞌ co huachi onporonta tapanapomahuëꞌ,” tënin.

Levítico 23:40

Caniaritërinso tahuëri, sharoꞌsa noya noyatërinsopita nitërinsoꞌ masaramaꞌ. Palmeraroꞌsa monoquëntaꞌ, masaramaꞌ. Panca taꞌan nara sëꞌpaquëontaꞌ, masaramaꞌ. Iꞌ yonsanquë huanirinsopita aramo nara itopisoꞌ sëꞌpaquëonta masaramaꞌ. Inapita quëran imënamëtatomaꞌ, chinotamacoso huayonahuëquë canchisë tahuëri ca yonquiatomaco nóya cancantaramaꞌ.

Hechos 2:46

Nani tahuëri Yosë chinotopiso pëiquë niyontonpi. Quisoso chimininsoꞌ yonquiatonaꞌ, aꞌna pëiquë aꞌna pëiquë coshatapatapi. Co apiratonaraihuëꞌ, noya cancantapi. Nóya cancantatonaꞌ, coshatapatapi.

Deuteronomio 12:12

Naporo tahuëriꞌsaꞌ, Sinioro marëꞌ pita nisaramaꞌ. Huiꞌnamaꞌ, piyapinëmaꞌ, inapitanta canpitarë chachin capa cancantaponaꞌ. Nihuiroꞌsanta canpitarë yaꞌhuërinsoꞌ, naporo capa cancanchinaꞌ. Inapitasoꞌ co canpita pochin noꞌpaꞌ mapihuëꞌ niꞌton, ichicapacancancoꞌ.

Deuteronomio 12:18

Insëquësona Siniorori huayonin niꞌton, ina chinotacaso nëꞌmëtë pëi acoramaꞌ. Inaquësáchin inasoꞌ, quëpatoma caꞌsaramaꞌ. Huiꞌnamaꞌ, piyapinëmaꞌ, inapitanta canpitarë chachin capa cancantaponaꞌ. Nihuiroꞌsanta canpitarë yaꞌhuërinsoꞌ, naporo capa cancanchinaꞌ. Sacatëramaquë, pëꞌtahuatëramaquë, inaquëpita Yosë catahuarinquëmaso yonquiatomaꞌ, capa cancantaramaꞌ.

Deuteronomio 12:8

Co ipora naporëhuaso pochin, inaquëso nisaramahuëꞌ. Isëquësoꞌ, insëquë tëranta Sinioro maꞌsha yaquëtohuatama quëtaramaꞌ.

Deuteronomio 26:11

Ina piquëran Sinioro marëꞌ pita nisaran. Quëmopinënpitarëꞌquën chachin nani maꞌsha Sinioro quëtërinquën. Ina yonquiaton, capa cancantaran. Naporo chachin nihuiroꞌsaꞌ, nisha piyapiroꞌsa yacaparinquëmasopita, inapitanta canpitarë chachin capa cancantapi antaꞌ,” itërin.

Filipenses 4:4

Nani tahuëri Quisocristo yonquiatomaꞌ, noya cancantocoꞌ. Naquëranchin inachachin shaꞌhuichinquëmaꞌ. Maꞌsha onpoapomarahuëꞌ, noya cancantocoꞌ, tënahuë.