Deuteronomio 12:28 - Chayahuita (Shahui)

²⁸ Yaꞌipi ipora shaꞌhuitëranquëmasopita, paꞌyatatoma natëcoꞌ. Inapohuatama noya yaꞌhuëaramaꞌ. Huiꞌnamapitanta noya yaꞌhuëaponaꞌ. Noya ninamaso marëꞌ Yosë noya niꞌsarinquëmaꞌ,” itërin.

Deuteronomio 12:28 ပူးပေါင်းရင်းမြစ်များ

Nehemías 1:5

“Quëmasoꞌ Sinioro Yosënquën. Inápaquë yaꞌhuëaton chini chiníquën nanantëran. Paꞌpi huëhuëpiro nininsopita ninan. Nosororinquënsopitarëꞌquën anoyatohuatana, noꞌtëquënáchin catahuaran. Camaitëransopitanta natëhuachinën inapotëran.

Salmos 105:45

Pënëntërinsopita, aꞌchininsopita, inapita noya nicatona natëcaiso marëꞌ napotërin. “¡Ma noyacha Sinioroso paya!” tocoꞌ.

Éxodo 34:11

Yaꞌipi ipora camairanquëmasopita natëcoꞌ. Inapohuatamaꞌ, amororoꞌsaꞌ, cananoꞌsaꞌ, itiroꞌsaꞌ, huirisëroꞌsaꞌ, iporoꞌsaꞌ, quiposoroꞌsaꞌ, inapita tëꞌyatarahuë. Noꞌpanëna matamaso marëꞌ inapitaso napotarahuë.

Ezequiel 37:24

Piyapinëhuë Tapi itërahuësoari copirnonëna nisarin. Naporahuaton inaíchin ohuicaroꞌsa huaꞌanën pochin nicaton, piyapinëhuëpita aꞌpairarin. Naporo huarëꞌ pënëntërahuësopita, shaꞌhuitërahuësopita, inapita natëponaꞌ.

Levítico 19:37

Yaꞌipi pënënanquëmasopita, yaꞌipi camairanquëmasopita, inapita natëcoꞌ. Ca Sinioroco napotaranquëma niꞌton, natëco,” itërin.

Juan 15:10

Tata Yosë noꞌtëquën natërahuë niꞌton, paꞌpi nosororinco. Inapochachin natëhuatamaco, carinquëmantaꞌ paꞌpi nosoroaranquëmaꞌ.

Juan 15:14

Natëhuatamaco, tëhuënchachin nipayarahuëso pochin niꞌsaranquëmaꞌ.

Juan 15:3

Carinquëmaꞌ nani anoyacancantëranquëmaꞌ. Aꞌchintëranquëmasoꞌ natëramaꞌ niꞌton, anoyacancantëranquëmaꞌ.

Deuteronomio 12:25

Co huënainën caꞌpatamahuëꞌ, noya yaꞌhuëaramaꞌ. Huiꞌnamapitanta noya yaꞌhuëaponaꞌ. Noya ninamaso marëꞌ Yosë noya niꞌsarinquëmaꞌ.

Deuteronomio 24:8

Piyapi chana caniori mapachina, Nihui huënton corto huaꞌanoꞌsa natëcaiso yaꞌhuërin. Camaitopisoꞌ, noꞌtëquënáchin natëchinaꞌ. Nani cari chachin inapita camairahuë, piyapiꞌsa inanpi caniori mapachina, maꞌsona onpotacaisoꞌ.

Deuteronomio 4:40

Yaꞌipi pënëninquëmasopita natëcoꞌ. Camairinquëmasopitantaꞌ, natëcoꞌ. Inapita ipora tahuëri carinquëma shaꞌhuitaranquëmaꞌ. Inapohuatamaꞌ, Yosë noꞌpaꞌ quëtarinquëmaquë noya yaꞌhuëaramaꞌ. Naporahuaton huaꞌqui tahuëri niꞌsaramaꞌ. Shiparimapitanta noya yaꞌhuëaponaꞌ. Co incari tëranta ina noꞌpaso osërëtarinquëmahuëꞌ,” itërin Moisësëri.