Yaꞌipi camairanquënsopita natëton noya nipatansoꞌ, noya niꞌsaranquën. Tapisoꞌ iráca nanpipon, pënëntërahuësoꞌ, camaitërahuësoꞌ, inapita natërin. Ina pochin quëmanta natëhuatanco, carinquën catahuaranquën niꞌton, quëmá quëran pipipisopitaráchin israiroꞌsa huaꞌanëntaponaꞌ. Tapi shaꞌhuitërahuëso chachin quëmanta nitaranquën.
Deuteronomio 12:25 - Chayahuita (Shahui)25 Co huënainën caꞌpatamahuëꞌ, noya yaꞌhuëaramaꞌ. Huiꞌnamapitanta noya yaꞌhuëaponaꞌ. Noya ninamaso marëꞌ Yosë noya niꞌsarinquëmaꞌ. အခန်းကိုကြည့်ပါ။ |
Deuteronomio 12:25
16 ပူးပေါင်းရင်းမြစ်များ
“Caso Sinioroco. Canpitaso chinotëramaco. Casáchin nanitërahuë anoyatacasoꞌ. Nonahuësopita nóya natancoꞌ. Noya natanatomaꞌ, nohuantërahuëso nicoꞌ. Camaitërahuësopita natëtoma noya nipatamaꞌ, carinquëmanta noya niꞌsaranquëmaꞌ. Noya nicatënquëma canpitasoꞌ, catahuaaranquëmaꞌ. Iquipitoroꞌsasoꞌ, nisha nisha quëran anaꞌintërahuë. Canpitaso co ina pochin anaꞌintaponquëmahuëꞌ,” itërin.
Napopiso marëꞌ quëmari ca Sinioroco naporahuësoꞌ shaꞌhuitëquëꞌ: ‘Canpitaso maꞌsha tëpahuatamara, co huënainën inquitapomarahuëꞌ caꞌnamaꞌ. Mamanshiroꞌsa mosharamaꞌ. Piyapiꞌsa tëparamaꞌ. Maꞌsha nohuantohuatamara, aꞌnaroáchin huaꞌna ohuararamaꞌ. Co costarahuësohuëꞌ, ninamaꞌ. Yaꞌipinquëma nitëhuananpitëramaꞌ. Naporamaꞌ. ¿Inapoapomarahuëꞌ, iso noꞌpaꞌ huaꞌanëntapoma ti?’ tënin Sinioro,” itërinco.
Yaꞌipi pënëninquëmasopita natëcoꞌ. Camairinquëmasopitantaꞌ, natëcoꞌ. Inapita ipora tahuëri carinquëma shaꞌhuitaranquëmaꞌ. Inapohuatamaꞌ, Yosë noꞌpaꞌ quëtarinquëmaquë noya yaꞌhuëaramaꞌ. Naporahuaton huaꞌqui tahuëri niꞌsaramaꞌ. Shiparimapitanta noya yaꞌhuëaponaꞌ. Co incari tëranta ina noꞌpaso osërëtarinquëmahuëꞌ,” itërin Moisësëri.
Sinioro nohuantërinsoráchin nicoꞌ. Maꞌpitasona noya nicacasoꞌ nani shaꞌhuitërinpoaꞌ. Inapita natëhuatamaꞌ, nani tahuëri catahuarinquëmaꞌ. Shimashonënpoapita nontaton: ‘Caso Yosëco niꞌto, shiparimapita iso noꞌpaꞌ quëtarahuë,’ itërin. Shaꞌhuitërinso chachin Sinioronënpoa noyaroꞌpaꞌquë ayaꞌcoaninquëmaꞌ.
ကြော်ငြာတွေ