Deuteronomio 10:3 - Chayahuita (Shahui)

³ Sinioro naporinso chachin, acasia nara itopi quëran caposo ninahuë. Ina nisahuato, cato naꞌpitëaꞌhuaroꞌsanta taparahuë. Nani tapahuatora, motopiꞌpaꞌ quëpantarahuë.

Deuteronomio 10:3 ပူးပေါင်းရင်းမြစ်များ

Éxodo 34:4

Siniorori napotohuachina, Moisësëso cato naꞌpitëaꞌhua taparin. Iꞌhua paꞌpaarinsopita pochachin acorin. Inapita masahuaton, tahuëririnquë tashíramiachin Sinai motopiꞌpaꞌ nanpëontarin. Siniorori camairinso chachin ninin.

Deuteronomio 10:1

Naquëranchin Moisësëri israiroꞌsa nontaantarin: “Catapini shonca tahuëri tashirë chachin Yosë nontërahuë piquëran, inaso itaponco: Cato naꞌpitëaꞌhuaroꞌsa iꞌhua paꞌpaaransopita pochachin tapaquëꞌ. Aꞌna caposontaꞌ, nontë quëran niquëꞌ. Inapita nisahuaton, nontaancoso marëꞌ iso motopiquë huënantaquëꞌ.

Hebreos 9:4

Nëꞌmëtëꞌ yaꞌcariya aꞌna misaꞌhuaya yaꞌhuërin, oro quëran nipisoꞌ. Inaquë yonarin pochin pimóchin nininsoꞌ aꞌpëpi tomontacaso marëꞌ. Yosë caposonëontaꞌ yaꞌhuërin. Aipiran, acoporan, yaꞌipi oro quëran achinpitopi. Caposo acopoana yonsha oro quëran nipisoꞌ yaꞌhuërin. Inaquë piꞌpian cosharoꞌ Yosëri inápa quëran aꞌpaimarinsoꞌ poꞌmorin, mana itopisoꞌ. Aaron pitananëontaꞌ inaquë poꞌmorin. Inasoꞌ noyá yaniponahuëꞌ, Yosë nohuanton, aꞌnaroáchin papotantarin piyapinënpita yonquicaiso marëꞌ. Naporahuaton, catoꞌ naꞌpitëaꞌhuayantaꞌ inaquë acopi. Inaquë Yosë pënëntërinsoꞌ nani ninshitopi. Iráca anoyatërinsoꞌ itopisoꞌ.