Deuteronomio 10:21 - Chayahuita (Shahui)

²¹ Inasoꞌ nóya niꞌton, canpoasoꞌ inasáchin chinotërëhuaꞌ. Inaíchin Yosë imarëhuasoꞌ. Catahuainpoaso marëꞌ, paꞌpi huëhuëpiro nininsopita maꞌsha aꞌnorin, canpitanta niꞌnamaꞌ.

Deuteronomio 10:21 ပူးပေါင်းရင်းမြစ်များ

2 Samuel 7:23

Israiroꞌsacoisoꞌ, piyapinënpitacoi. Nishatërai niꞌton, co aꞌna nacion tëranta quiya pochin yaꞌhuërinhuëꞌ. Iquipito quëran nichaꞌërahuatoncoi, huaꞌanëntërancoi. Nisha nisha nacionoꞌsa isëquë yaꞌhuëpirinahuëꞌ, ocoiran. Inapitasoꞌ nisha nisha mamanshi moshapirinahuëꞌ, napotëran. Huëhuëpiro nitaton ocoiran niꞌton, sacóshin nahuinan.

Salmos 148:14

¡Piyapinënpitanpoa chiníquën nanan quëtërinpoaꞌ! Yaꞌipi imarinsopitari chinochinaꞌ. Israiroꞌsanpoasoꞌ, cancantërinpoaꞌ. Ina piyapinënpoa ninëhuaꞌ. ¡Ma noyacha Sinioroso paya!

Salmos 22:3

Quëmaso napoaponahuëꞌ, noyasáchin ninan. Yaꞌipi israiroꞌsacoi huaꞌanëntërancoi. Napoaton yaꞌipicoi chinotërainquën.

Éxodo 15:2

Sinioroso chini chiníquën nanantaton achinirinpoaꞌ. Ina tëhuënchinsoꞌ nichaꞌërinpoaꞌ: ‘Ma noyacha inaso paya,’ itatëhua cantahuaꞌ. Tatanënpoarinta chinotërin. Napoaton paꞌyatahuaꞌ.

Éxodo 34:10

Ina quëran Siniorori napotaantarin: “Noya natanquë shaꞌhuichinquën. Yaꞌipi israiroꞌsanta noya natainaꞌ: Naquëranchin canpitarëꞌco anoyatarahuë. Catahuatënquëmaꞌ, maꞌsha paꞌpi huëhuëpiro nininsopita aꞌnoarahuë. Co inso nacionquë tërantaꞌ, isoroꞌpaquë ina pochin niꞌchinpihuëꞌ. Yaꞌipi piyapiꞌsa insëquësona paꞌnamaquë, ca Sinioroco nanitaparahuësoꞌ niꞌsapi. Canpita catahuatënquëmaꞌ, paꞌpi huëhuëpiro nininsopita aꞌnoarahuësoꞌ, niꞌsaramaꞌ.

Isaías 60:19

Co huachi piꞌi aꞌpintiimasoꞌ, nohuantapomahuëꞌ. Co yoqui tërantaꞌ, aꞌpintiimaso nohuantapomahuëꞌ. Ca Sinioroco chachin aꞌpintomiatáponquëmaꞌ. Yosënëmaco niꞌton, noya noya acoaranquëmaꞌ.

Isaías 64:3

Co manta yonquiasocoihuëꞌ, huëhuëpiro nininsoꞌ nipatana, paꞌyanai. Inápa quëran oꞌmahuatana, motopiroꞌsanta quëma notënanquë nacontopi.

Lucas 2:32

Nisha nisha nananquë nonpisopita aꞌpintarin noꞌtëquën yonquicaiso marëꞌ. Israiroꞌsantaꞌ catahuaarin. Piyapinënpita niꞌton, noya noya acorarin,” itërin.

Josué 24:18

Huëꞌnaitaquëchin nisha nisha piyapiroꞌsa yaꞌhuëpirinahuëꞌ, inari chachin inapita aꞌparin. Amororoꞌsaꞌton isëquë yaꞌhuëpirinahuëꞌ, aꞌparin. Napoaton quiyanta Sinioroíchin chinotarai. Inaíchin Yosënëhuëi niꞌton, chinotarai, itopi.

Apocalipsis 21:23

Inatohuaꞌ paꞌpatëhuaꞌ, co huachi piꞌi, yoqui, inapita nohuantarihuahuëꞌ. Tata Yosë chachin huënaráchin aꞌpintarinpoaꞌ. Carniroaꞌhuantaꞌ aꞌpintarinpoaꞌ.

1 Samuel 12:24

Yosëso tëhuënchachin nosoroatonpoa naꞌcon catahuarinpoaꞌ. Ina yonquiatoma canpitasoꞌ, inaíchin noya nicatoma natëcamaso yaꞌhuërin. Yaꞌipi cancanëma quëran noꞌtëquën ina chinotamaso yaꞌhuërin.