Deuteronomio 10:18 - Chayahuita (Shahui)

¹⁸ Saꞌahuaroꞌsaꞌ, quëyoronoꞌsaꞌ, inapita noꞌtëquën catahuarin. Nisha piyapiroꞌsa yacaparinpoasopitantaꞌ, nosoroaton cosharoꞌ, aꞌmocaisoꞌ, inapita quëtërin.

Deuteronomio 10:18 ပူးပေါင်းရင်းမြစ်များ

Salmos 103:6

Aꞌnaquënsoꞌ, aꞌnapitari maꞌsha onpotatonaꞌ, aparisitopi. Inapotohuachinara, Siniorori noya coisë pochin nicaton catahuarin. Yonquirinso chachin iráca Moisësë anitotërin. Nani maꞌsha nininsopitanta israiroꞌsanpoa anitotërinpoaꞌ.

Salmos 145:9

Inasoꞌ, yaꞌipi marëꞌ paꞌpi noya ninin. Yaꞌipi acorinsopita noya aꞌpairin.

Isaías 1:17

¡Noya nicacamasoꞌ nitotocoꞌ! Aꞌnapita napopináchin nicacamaso marëꞌ cancantocoꞌ. Saꞌahuaroꞌsaꞌ, quëyoronoꞌsaꞌ, inapita catahuatoma paꞌpoyacoꞌ.

Oseas 14:3

Asiriaroꞌsa co nichaꞌësarincoihuëꞌ. Co cahuarioroꞌsaquë taꞌatoi chaꞌëpoihuëꞌ. Quiyaora mamanshi nicatoi ‘yosënëhuëi,’ itopiraihuëꞌ, co huachi ina pochin nohuitapoihuëꞌ. Quëmasoꞌ Sinioro, saꞌahuaroꞌsa nosororan. Quëmasáchin chinotarainquën,” itahuaꞌ.

Mateo 5:45

Inapotohuatamaꞌ, Yosë pochin cancantaramaꞌ. Inasoꞌ yaꞌipi piyapiꞌsaꞌ nosororin. Ina nohuanton, piꞌi, oꞌnan, inapita yaꞌhuërin noya nanpicaso marëꞌ. Co imarinsopita marëáchin piꞌi aꞌpininhuëꞌ. Noya nipisopita, oshahuanoꞌsantaꞌ, yaꞌipiya aꞌpintërin. Naporahuaton, oꞌnaontaꞌ napopianachin acotërinpoaꞌ maꞌsha apapotacaso marëꞌ.

Hechos 14:17

Nipirinhuëꞌ, nosoroatonpoaꞌ, nani maꞌsha acotërinpoaꞌ ina nohuitacaso marëꞌ. Ina nohuanton, oꞌnanin. Ina nohuanton, maꞌsha papotërin. Ina nohuanton, cosharoꞌ yaꞌhuëtërinpoaꞌ caꞌpatëhuaꞌ noya cancantacaso marëꞌ. Inapoaton, noya yonquirinpoasoꞌ anitotërinpoaꞌ, itopi.