Deuteronomio 10:14 - Chayahuita (Shahui)

¹⁴ Sinioronënpoasoꞌ Yosë niꞌton, yaꞌipi piꞌiroꞌtë huaꞌanëntërin. Yaꞌipi inaquë yaꞌhuërinsopitanta huaꞌanëntërin. Isoroꞌpanta nisahuaton, yaꞌipi yaꞌhuërinsopitarë chachin huaꞌanëntërin.

Deuteronomio 10:14 ပူးပေါင်းရင်းမြစ်များ

Génesis 14:19

Nani aꞌcarahuaton, Miriquisori Apran iso pochin shaꞌhuitërin: “Yosë chini chiníquën nanantërinsoꞌ, catahuainquën. Inasoꞌ, piꞌiroꞌtëꞌ, isoroꞌpaꞌ, inapita acorin.

Génesis 14:22

Napotopirinhuëꞌ, Apranisoꞌ itapon: —Yosë chini chiníquën nanantaton, piꞌiroꞌtëꞌ, isoroꞌpaꞌ, inapita acorin. Ina niꞌsárinco niꞌton, co piꞌshi tërantaꞌ, co sapatë nonin tëranta caora marëꞌ macapohuëꞌ: “Cari, Apran amaꞌhuanahuë.” Ama tëcamaso marëhuëꞌ, co macapohuëꞌ.

1 Reyes 8:27

Pëi mini nitopiranquënhuëꞌ, co quëmasoꞌ inaquë naniaranhuëꞌ. Co piꞌiroꞌtëquë tëranta naniranhuëꞌ nichinapon chachin, aquëtë huarëꞌ iso pëi nitëranquënquësoꞌ, co naniponhuëꞌ.

Nehemías 9:6

Istrasëntaꞌ, Yosë nontaton tapon: “Quëmasáchin Sinioronquën. Quëmari yaꞌipi piꞌiroꞌtë acoran. Yaꞌipi yaꞌhuërinsopitarë chachin ninan. Isoroꞌpaꞌ, marë, inapitanta ninan. Yaꞌipi inaquëpita yaꞌhuërinsopitarë chachin acoran. Quëma nohuanton yaꞌipi yaꞌhuëapi. Quëma nohuanton chachin yaꞌipi nanpiapi. Piꞌiroꞌtëquë yaꞌhuërinsopita chinotarinën.

Copo naporinso' 41:11

Insoariso ina apipachin, ¡co onporonta ina canaarinhuëꞌ!

Salmos 115:16

Siniorosoꞌ, piꞌiroꞌtë huaꞌanëntërin. Isoroꞌpaso nipirinhuëꞌ, piyapinpoa ahuaꞌanëntërinpoaꞌ.

Salmos 148:4

Ina inápa piꞌiroꞌtë nininsontaꞌ, ina chinochin. Piꞌiroꞌtë aipi iꞌ yaꞌhuërinsontaꞌ, ina paꞌyachin.

Salmos 24:1

Yaꞌipi isoroꞌpasoꞌ, Siniorori huaꞌanëntërin. Yaꞌipi yaꞌhuërinsopitarë chachin huaꞌanëntërin.

Éxodo 19:5

Yaꞌipi isoroꞌpaquë nisha nisha piyapiꞌsa cari huaꞌanëntërahuë. Napoaton canpitasoꞌ, yaꞌipi camaitërahuëso natëcoꞌ. Maꞌsona taꞌtëhua canpitarëꞌco anoyatërahuësonta coꞌsoꞌ naniantohuatamahuëꞌ, noya niꞌsaranquëmaꞌ. Aꞌnapita piyapiroꞌsa quëran, noya noya niꞌsaranquëmaꞌ.

Isaías 66:1

Naquëranchin Sinioro taantarin: “Piꞌiroꞌtësoꞌ, huaꞌanëntërahuëso shiranëhuë pochin ninin. Isoroꞌpantaꞌ, nantëhuë ayaꞌnanahuëquë pochin ninin. Ina pochin niꞌton, ¡co insëquë tërantaꞌ, pëi nitamacoso marëꞌ nanirinhuëꞌ! ¡Co insëquë tëranta chinotaꞌhuaso marëꞌ nitamacosoꞌ nanitëramahuëꞌ!

Hechos 17:24

Ina Yosësoꞌ chini chiníquën nanantërin. Iráca isoroꞌpaꞌ, yaꞌipi maꞌsha isëquë yaꞌhuërinsontaꞌ acorin. Inasoꞌ huaꞌanënpoaꞌ. Isoroꞌpaquë yaꞌhuërinsopita, inápaquë yaꞌhuërinsopita, yaꞌipimiáchin huaꞌanëntarin. Moshatopiso pëiꞌ piyapiꞌsari nipiquë co Yosë yaꞌhuërinhuëꞌ.

1 Corintios 10:26

Tata Yosëri yaꞌipiroꞌpaꞌ ninin. Yaꞌipi maꞌsharoꞌsantaꞌ noya ninin.

1 Corintios 10:28

Nipirinhuëꞌ, aꞌna piyapi shaꞌhuitohuachinquëmaꞌ, “Iso nosha mamanshi chinotacaso marëꞌ acopisoꞌ,” itohuachinquëmaꞌ, ama caꞌcosohuëꞌ. Shaꞌhuitërinquëmasoꞌ nosoroatomaꞌ, ama caꞌcosohuëꞌ.

2 Corintios 12:2

Naporoꞌ inápaquë Yosë yaꞌhuërinquë chachin quëparinco. Nani shonca catapini piꞌipitarin quëparincosoꞌ. Huaꞌyanëhuëichin aꞌnaꞌ paꞌmara. Nonëhuëroꞌco chachin aꞌnaꞌ paꞌmaraco. Co casoꞌ nitotërahuëꞌ. Yosëíchin nitotërin.

Deuteronomio 10:13

Yaꞌipi camaitërinsopita, pënëntërinsopita, inapita natëcasoꞌ nohuantërin. Inapohuatëhua Yosë noya nicatonpoaꞌ, catahuarinpoaꞌ.

Deuteronomio 33:26

Israiroꞌsanpoáchin noya noya Yosë chinotërëhuaꞌ. Co aꞌna ina pochin nininhuëꞌ. Cahuarioquë yaꞌmitërëso pochin, chiníquën nanantaton chitoro aipi catahuainpoaso marëꞌ oꞌmarin.