Deuteronomio 10:13 - Chayahuita (Shahui)

¹³ Yaꞌipi camaitërinsopita, pënëntërinsopita, inapita natëcasoꞌ nohuantërin. Inapohuatëhua Yosë noya nicatonpoaꞌ, catahuarinpoaꞌ.

Deuteronomio 10:13 ပူးပေါင်းရင်းမြစ်များ

1 Reyes 3:3

Saromonsoꞌ Sinioro nosororin. Naporahuaton paꞌpincoꞌ pënëntërinsopita acorinsoꞌ, natërin. Napoaponahuëꞌ, inahuara nohuanton artaro acopiquë maꞌsharoꞌsa tëpaton, Sinioro chinotërin. Yonarin pochin nininsonta aꞌpëaton chinotërin.

Deuteronomio 10:12

Naquëranchin Moisësëri israiroꞌsa nontaantarin: “Israiroꞌsanquëma ninamasoꞌ, noya natancoꞌ. Maꞌsona noya nicacasoꞌ Sinioro nohuantërinsoꞌ shaꞌhuichinquëmaꞌ. Ina tëꞌhuatatë noya niꞌcasoꞌ nohuantërin. Noya nicatë natëcasoꞌ. Yaꞌipi cancanënpoa quëran, yaꞌipi huaꞌyanënpoa quëran nosoroatëꞌ, chinotacaso nohuantërin.

Deuteronomio 10:14

Sinioronënpoasoꞌ Yosë niꞌton, yaꞌipi piꞌiroꞌtë huaꞌanëntërin. Yaꞌipi inaquë yaꞌhuërinsopitanta huaꞌanëntërin. Isoroꞌpanta nisahuaton, yaꞌipi yaꞌhuërinsopitarë chachin huaꞌanëntërin.

Deuteronomio 6:24

Ina quëran Sinioro shaꞌhuitërinpoa yaꞌipi camaitërinsopita natëcaso marëꞌ. Naporahuaton ina paꞌyatatëhua noya niꞌcasoꞌ shaꞌhuitërinpoaꞌ. Inapohuatëhua nani tahuëri catahuarinpoaꞌ. Ina nohuanton, ipora nanpirëhuaso pochin, noya yaꞌhuëáparihuaꞌ.

Santiago 1:25

Nipirinhuëꞌ, natëhuatamaꞌ, noya nisaramaꞌ. Nasha nanansoꞌ nóya. Canpitaora nohuanton, ina natëhuatamaꞌ, co sopai camaiarinquëmahuëꞌ. Nani tahuëri Yosë nanamën yonquicoꞌ. Natanpatamaꞌ, ama naniantocosohuëꞌ. Noya natëhuatamaꞌ, Yosë catahuarinquëmaꞌ noya nicacamaso marëꞌ.