Deuteronomio 10:12 - Chayahuita (Shahui)

¹² Naquëranchin Moisësëri israiroꞌsa nontaantarin: “Israiroꞌsanquëma ninamasoꞌ, noya natancoꞌ. Maꞌsona noya nicacasoꞌ Sinioro nohuantërinsoꞌ shaꞌhuichinquëmaꞌ. Ina tëꞌhuatatë noya niꞌcasoꞌ nohuantërin. Noya nicatë natëcasoꞌ. Yaꞌipi cancanënpoa quëran, yaꞌipi huaꞌyanënpoa quëran nosoroatëꞌ, chinotacaso nohuantërin.

Deuteronomio 10:12 ပူးပေါင်းရင်းမြစ်များ

1 Reyes 3:3

Saromonsoꞌ Sinioro nosororin. Naporahuaton paꞌpincoꞌ pënëntërinsopita acorinsoꞌ, natërin. Napoaponahuëꞌ, inahuara nohuanton artaro acopiquë maꞌsharoꞌsa tëpaton, Sinioro chinotërin. Yonarin pochin nininsonta aꞌpëaton chinotërin.

Salmos 145:20

Sinioro nosoropisopitasoꞌ, inari paꞌpoyararin. Co noyahuëꞌ nipisopitasoꞌ, ataꞌhuantarin.

Salmos 34:9

Sinioroáchin cancantëramasopitasoꞌ, ina noya nicatoma natëcoꞌ. Ina noya nicatona natëpisopitasoꞌ, nani maꞌsha noya nininsoꞌ yaꞌhuëtapi.

Miqueas 6:8

Napopiramahuëꞌ, co inapita Siniorosoꞌ nataninquëmahuëꞌ. Nani inaso maꞌsona nicacasoꞌ shaꞌhuitërinpoaꞌ. Piyapiꞌsa nosoroatëhua paꞌpoyacaso yaꞌhuërin. Maꞌsona nicacasoꞌ shaꞌhuihuatëra, ananicaso yaꞌhuërin. Naporahuaton: “Caora co nanitërahuë noya nicaꞌhuasoꞌ,” taꞌtëhuaꞌ, Sinioroíchin natëcaso yaꞌhuërin.

Mateo 22:37

—Inta nipachin shaꞌhuichinquën. Yosësoꞌ Sinioro niꞌton, huaꞌanëntërinpoaꞌ. Ina naꞌcon nosorocasoꞌ yaꞌhuërin. “Yaꞌipi cancanëma quëran, yaꞌipi huaꞌyanëma quëran, yaꞌipi yonquinëma quëran, yaꞌipi inaquëranpita nosoromiatocoꞌ,” tënin.

Lucas 10:27

—“Tata Yosë huaꞌanëntërinpoaꞌ. Ina nosorocoꞌ. Yaꞌipi cancanëma quëran, yaꞌipi huaꞌyanëma quëran, yaꞌipi chinirama quëran, yaꞌipi yonquinëma quëran, yaꞌipi inaquëranpita nosoromiatocoꞌ. Isontaꞌ Yosë nohuantërin: Quëmaora ninosororanso pochachin aꞌnapitantaꞌ nosorocoꞌ,” tënin, itërin.

Lucas 11:42

“Parisioroꞌsanquëmaꞌ, ¡maꞌhuantacha canpitasoꞌ nisarama paya! ‘Nani maꞌsha canarëhua quëran, diesmo Yosë quëtacasoꞌ yaꞌhuërin,’ itërinpoaꞌ Moisësë. Ina natëpiramahuëꞌ, co noya ninamahuëꞌ. Nani maꞌsha shaꞌnama quëran, diesmo quëtëramaꞌ. Yaꞌipi cosharoꞌ apimotacaso marëꞌ shaꞌnamaso manama quëran huarëꞌ, diesmo quëtëramaꞌ. Napoaponahuëꞌ, co Yosë nosororamahuëꞌ. Piyapiꞌsantaꞌ yanonpintëramaꞌ. Ina marëꞌ Yosë anaꞌintarinquëmaꞌ. Diesmo Yosë quëtacasoꞌ noya nipirinhuëꞌ, nosorocasoꞌ naꞌcon naꞌcon nohuantërin.

Hechos 9:31

Ina quëran Quisoso imapisopita noya yaꞌhuapi. Co huachi insoari tërantaꞌ aparisitërinhuëꞌ. Cotia parti, Cariria parti, Samaria parti, inaquëpita sano yaꞌhuatonaꞌ, noya noya imasapi. “Sinioro chiníquën nanantërin,” taꞌtonaꞌ, nóya natëpi. Ispirito Santori catahuarin niꞌton, aꞌnapitanta imasapi.

Romanos 1:9

Yosë niꞌsárinco, noꞌtëquën nontaranquëmaꞌ. Yaꞌipi cancanëhuë quëran huarëꞌ Yosë imarahuë. Huiꞌnin nanamën aꞌchinárahuë. Nani tahuëriya canpita yonquiatënquëmaꞌ,

Romanos 8:28

Yosë nosorohuatëhuaꞌ, noyasáchin yonquirinpoaꞌ. Maꞌsha onpohuatëhuara, naꞌcon catahuarinpoaꞌ. Piꞌpian parisitapirëhuahuëꞌ, ina nohuanton, parisitërëhua quëran noya noya pipiarëhuaꞌ. Achinicancaninpoaꞌ niꞌton, noya noya imarihuaꞌ. Nani huayoninpoaꞌ ina nohuantërinsoꞌ nicacaso marëꞌ.

Deuteronomio 10:11

Naporoꞌ itaponco: ‘Paꞌmaton, israiroꞌsa quëpaquëꞌ. Paatona shimashonënapita noꞌpaꞌ quëtaꞌhuaso shaꞌhuitërahuëquë yaꞌcoinaꞌ,’ itërinco,” itërin.

Deuteronomio 10:13

Yaꞌipi camaitërinsopita, pënëntërinsopita, inapita natëcasoꞌ nohuantërin. Inapohuatëhua Yosë noya nicatonpoaꞌ, catahuarinpoaꞌ.

Deuteronomio 26:16

Naquëranchin Moisësëri israiroꞌsa nontaantarin: “Sinioroso Yosënënpoa niꞌton, ipora tahuëri yaꞌipi pënëntërinsopita, noꞌtëquën natëcamaso marëꞌ camairinquëmaꞌ. Camaitërinsopitantaꞌ, inapotocoꞌ. Yaꞌipi cancanëma quëran nisahuaton yaꞌipi huaꞌyanëma quëran inapita natëcoꞌ.

Deuteronomio 30:16

Ipora shaꞌhuitëranquëmasopita natëtomaꞌ, Sinioro nosoromiatohuatamaꞌ, noya yaꞌhuëaramaꞌ. Pënëntërinsopita, camaitërinsopita, aꞌchininsopita, inapita natëcoꞌ. Inapita natëtoma ina nonanpatamaꞌ, huaꞌqui tahuëri niꞌsaramaꞌ. Naporahuaton naꞌa huiꞌnamapita yaꞌhuëtarinquëmaꞌ. Sinioronënpoaso Yosë niꞌton, yaꞌconarama noꞌpaquë, noya catahuamiatarinquëmaꞌ.

Deuteronomio 30:20

Sinioronënpoasoꞌ Yosë niꞌton, inasáchin cancantatoma nosorocoꞌ. Nosoroatoma noꞌtëquën natëcoꞌ. Inapohuatamaꞌ, huaꞌqui tahuëri noꞌpaꞌ quëtarinquëmaquë, yaꞌhuëaramaꞌ. Nani shimashonëmapita Apraan, Isaco, Cacopo, inapita: ‘Caso Yosëco niꞌto, shiparimapita iso noꞌpaꞌ quëtarahuë,’ itërin,” tënin Moisësë.

Deuteronomio 4:29

Napoaponahuëꞌ, inaquë niꞌsëma yaꞌipi cancanëma quëran, nisahuaton yaꞌipi huaꞌyanëma quëran Sinioro nontohuatamaꞌ, natanatënquëma catahuaarinquëmaꞌ.

Deuteronomio 6:13

Sinioroíchin chinotocoꞌ. Inasáchin natëcaso yaꞌhuërin. Inasoꞌ huaꞌanëntërinpoaꞌ. Maꞌmarësona tëranta natëtacaiso marëꞌ shaꞌhuihuatamaꞌ, Yoscoarëꞌ taꞌtoma shaꞌhuicoꞌ.

Deuteronomio 6:2

Ina pochin mini Sinioro noya nicatë natëcaso yaꞌhuërin. Pënëntërinsopita, camaitërinsopita, inapita chiminaquë huarëꞌ natëcoꞌ. Naporahuaton huiꞌnamapita, shiparimapita, inapitanta natëchinaꞌ. Inapohuatamaꞌ, huaꞌqui tahuëri niꞌsaramaꞌ.

Deuteronomio 6:24

Ina quëran Sinioro shaꞌhuitërinpoa yaꞌipi camaitërinsopita natëcaso marëꞌ. Naporahuaton ina paꞌyatatëhua noya niꞌcasoꞌ shaꞌhuitërinpoaꞌ. Inapohuatëhua nani tahuëri catahuarinpoaꞌ. Ina nohuanton, ipora nanpirëhuaso pochin, noya yaꞌhuëáparihuaꞌ.

1 Timoteo 1:5

Noꞌtën nanansáchin imapatëhuaꞌ, catahuarinpoaꞌ noya ninosorocasoꞌ. Noyápiachin cancantohuatëhuaꞌ, co nisha nisha yonquiarihuahuëꞌ. Ina quëran cancanënpoa quëran huarëꞌ natëarihuaꞌ. Ina pochin cancantohuatëhuaꞌ, noya nosoroarihuaꞌ. Ina Yosësoꞌ nohuantërin.

Hebreos 12:28

Huaꞌanëntërinquë chachin ayaꞌconinpoaꞌ. Inápaquë paꞌpatëhuaꞌ, co onporontaꞌ taꞌhuantarihuahuëꞌ. Napoaton: “Yosparinquën Sinioro,” itahuaꞌ. Yaꞌipi cancanënpoa quëran inasáchin chinotahuaꞌ. Noya cancantatëhuaꞌ, natëahuaꞌ noya nicainpoaso marëꞌ. Ipora huantaꞌ Yosësoꞌ noꞌtëquën anaꞌintarin niꞌton, tëꞌhuatacasoꞌ yaꞌhuërin. Pënquë maꞌsha ahuiquitërëso pochin yaꞌipi co noyahuëꞌ nininsopita anaꞌintarin.

Josué 24:14

—Yaꞌipi ina shaꞌhuitëranquëmasoꞌ yonquiatomaꞌ, Sinioro tëꞌhuatocoꞌ. Tëꞌhuatatoma noꞌtëquënáchin natëcoꞌ. Iráca shimashonëmapita Iopiratisiiꞌ yonsanquë yaꞌhuëaponaꞌ, nisha nisha mamanshi moshapi. Iquipitoquënta inapopi. Inapita aꞌporahuatoma Sinioroíchin chinotocoꞌ.

1 Juan 2:15

Naꞌa piyapiꞌsaꞌ co Yosë natëtonahuëꞌ nisha nisha yonquipi. Isoroꞌpaquë yaꞌhuërinsopitaráchin yonquipi. Ama inapita pochin cancantocosohuëꞌ. Ama nani maꞌsha nohuantapatocosohuëꞌ. Maꞌsha naꞌcon yonquihuatamaꞌ, co tëhuënchachin Tata Yosë nosororamahuëꞌ.

1 Juan 5:5

“Quisocristo Yosë huiꞌnin chachin,” topatëhuaꞌ, achinicancaninpoaꞌ sopai minsëcaso marëꞌ. Aꞌnapitarisoꞌ co nanitopihuëꞌ sopai minsëcaisoꞌ.

1 Samuel 12:20

Napotohuachinara, Samoirorisoꞌ itapon: —Ama paꞌyancosohuëꞌ. Tëhuënchachin mini copirno acotiinquëmaso natanatomaꞌ, paꞌpi co noyahuëꞌ ninamaꞌ. Napopiramahuëꞌ, ama Sinioro aꞌpocosohuëꞌ. Yaꞌipi cancanëma quëran inasáchin chinotocoꞌ.